رقيتك واسترقيتـك .. من شر العرب
ومن شر "ابو لهب"
ومن شر من نهب
ومن شر النفط والذهب
ومن شر ذي ما اعجبه العجب!
،،
حوطتك بالله من كل انفصالي
ومن كل مناطقي ضلالي
شعاره هذا جنوبي وهذا شمالي.
،،
رقيتك واسترقيتك .. من الداني قبل القاصي
ومن ولدك العاصي
ومن دعاة الفتن والمآسي.
،،
رقيتك من شر رواسب الماضي
وناهبي الأراضي
ومن شر الجوع الكافر
والشبع السافر
ومن شر هابر اللذات
ومفرق الجماعات
ومن شر الشرارة
اللي تحرق الحارة
ومن شر اللي يعرج في حارة العرجان
ومن شر اللي يعمل من الحبة قبة
ومن شر اللي يقتل القتيل ويمشي بجنازته
ومن شر العميل اللي يبوس الأيادي ويضحك على الدقون
ومن شر البوم اللي يودي للخراب.
،،
عين الحسود فيها "حدود"
عين الجار "استقرار".
رقيتك واسترقيتك من عين الحسود
وشبح الحدود
ومكر القرود
،،
رقيتك من عين الضيق
وعين الصديق.
رقيتك من الغلا وكياله
والانفصال وأذياله
والفساد وأوحاله.
،،
رقيتك بدمي
يا أغلى من دمي!
Bookmarks