ميساء
هي فين المغامرات
بس يا ريتها بقيت
المرة دي حكيلكم بالمصري علشان بنت يافع هي اللي تفهم بس
ذي ما قولتلكم احنا غاويييييين بحر
وكنت كده عشر سنين وأخي اكبر مني بسنتين
المهم ان احنا كنا تعلمنا العوم
وشايفين نفسنا محصلناش ولو اننا مكناش جامدين قوي
وكنا أخدنا على التصييف بالساحل الشمالي
واللي ميعرفش الساحل الشمالي
هو ما بين الاسكندريه ومرسى مطروح
وفيه كتيييير جدا من القرى السياحية
وبرغم لون البحر وجماله بس موجه عاااااالي جدا
والقريه اللي كنا فيها مميزة ببحيرة كبيرة بدون أي موج
وكمان بحرها حاطين مصدات أمواج فالموج مش عالي جدا
المهم
أنا وأخي كنا نركب المركب بالبحيرة لكن زهقنا
وقلنا نروح البحر علشان اللعب يبقي أمتع بالموج
وشيلنا المركب سوا ورحنا البحر وحدنا
وكان البحر بعيد عن الشاليه فهلكنا لحد موصلنا
وبعد موصلنا لقينا البحر هايج جدا جدا والراية سودا
وطبعا اعدنا علي الشط نفكر ننزل ولا لأ و صعبان علينا تعبنا
المهم اخترعتله نظرية جديدة
وهي نظرية الموجه الكبيرة
يعني قرب الشاطئ بشوية فيه موجة عاليه جدا هي اللي بتقلب
بس لو عدناها ودخلنا لجوه الموج عالي بس مايقلبش
طول عمري صاحبة أفكار نيرة
المهم
نزلنا وحاولنا أكثر من مرة لحد ماعدينا الموجة الكبيرة
صحيح الموج ما كانش بيقلب المركب
بس كان عالي جدا لدرجة كنا فوق الموجة كأننا فوق جبل والبحر من تحته
طبعا رععععععععععععععععععب
ومن قوة البحر بيحدفنا على بره يعني ناحية الموجة الكبيرة
خلاص أنا كنت قررت حعمل ايه
قلت لأخوي أول منقرب للموجة الكبيرة ننط ونسيب المركب
علشان أكيد حيتقلب فيها
ومستنتش انه يرد نطيت وهو كمان
طبعا اتقلبنا ميت مرة
بس شوفت المركب بيطير لحد الشط
يعني لو كنا فيه مش عارفة ايه كان حيحصلنا
بس طلعنا سالمين الحمد لله
عمر الشقي بقيlove:
بس تعرفوا اني لحد دلوقت
اي حد يجيلنا من اقرايبنا ويخاف ينزل البحر
اقوله علي نظرية الموجة الكبيرة
وفعلا بيقتنعوا وينزلوا ويستمتعوا كمان
بس وهما خارجين لازم ينقلبوا
وأنا أتفرج عليهم وهات يا ضحك
هههههههههههههههههههه
الثغرة الوحيدة فنظريتي هي الخروج
بسيطة مش كده
هههههههههه
Bookmarks