السلام عليكم ورحمت الله وبركاته
سانديوشات الطلياني
اول شي نقصص نقانق ومرتديلا وفلفل اخضر بارد والبصل طوال طوال
ونحط اشوية زيت بالمقلاة ونحمس اول شي البصل لمن يلين اشوي ونضيف الفلفل بعده ولمن يلين اشوي وبعدين النقانق والمرتديلا
انا ضفت هالصلصه (ماجيك) بس عشان الطعم حطيت 3 قفاش عالصلصله مو ضرويه
خلصنا من الحمسه
الحيين نزهب الصلصه
نحتاج قوطي واحد روب
و4 قفاش مايونيز
واشويه زيت زيتون
واشوية ليمون
نخلطهم مع بعض
وبعدين نضيف خس مقصص صغااااااااااااار ( احلى يكون ملفوف مقصص صغار بس ماكان عندي ملفوف بدلته بالخس)
ومخلل نقصص صغاااااااااااار
ونضيفه عالصلصه
خلصنا من الصلصه
الحين نييي لطريقة اللف
نقدر نستخدم خبز لبناني خفيف او صمون فرنسي او صااج على حسب المتوفر عندج
انا استخدمت خبز لبناني خفيف
نحط الخبزه كامله وعليها اشويه كاتشب
وبعدين من الصلصه الي حضرناها
ونلفها بهالشكل
اول شي نجفسها من تحت وبعدين نلفها
ونلفها بقصدير
انا لفيتها بقصدير عشان وقت التقديم احطها اشوي بالفرن وتكون حاره
وبعدين تقدم مع الفاريز بهالشكل
دمتم بيخير
Bookmarks