ضـــــــــاع الـ عـمر

[عجزت انساك]

ما عاد باقـي بالعمـر كثـر مـا فـات
ولا الـذي باقـي يـعـوض سنيـنـي
قضيت عمـري بيـن حسـرة واهـات
اضحـك كـذب والدمـع حايـر بعينـي
يا عونة الله مـا بقـا شـي مـا مـات
مـات الوفـا والـود بينـك وبيـنـي
كنت احسبـك بلسـم دوا كـل عـلات
وكنت احسب اوقاتـي بقربـك تزينـي
أهديت لك عمري ولا قلـت لـك هـات
قلت العمـر يرخـص لفرحـة ضنينـي
واثريك عاشق بـس وقـت المسـرات
وبكل سهولـه بعـت شوقـي وحنينـي
اوهمتني بالحـب علـى مـر الاوقـات
وانـا علـى النيـه وهبتـك سنيـنـي
رسمت حبـك بالوفـا ضمـن لوحـات
علقتهـا فـي داخـل القلـب فيـنـي
واليوم اناظـر لوحتـي بعـض مـرات
اشـوف فيهـا الغـدر تـوه يبيـنـي
كل شي اختلف فيها .. ملامح .. قياسات
بروازهـا الاصفـر وبصمـة ايدينـي
خليتني عايـش مـع الجـرح بسكـات
اداري الدمعـه واقـول مـا نسيـنـي
واثر الغلا والحـب فـي داخلـك مـات
وانا الذي عايـش علـى انـك تبينـي
واليوم وحدي ضايـع ٍ وسـط غابـات
غابات غـدرك للاسـف يـا ضنينـي
اجـر صـوت ٍ يسمعـه كـل الامـوات
وانتـه ولا فكـرت لحـظـه تجيـنـي
واليوم راجـع تشتكـي جـرح وآهـات
تريـد تسكـن وسـط قلبـي وعينـي
لا تعتذر ارجوك .. مات الهـوى مـات
ما عـاد بـه أي شـي يربطـك فينـي

[الزمـر]

عجزت انساك

السلام عليكم اخي

اقبل الاعتذار لا تكون قاسي ......... ترى قلبك اشتد اشوي

رائع جدا تحياتي لك

[عجزت انساك]

مشكور اخي الزمر على مرورك الطيب
دمت بود
تحياتي

[عاشقة الإنشاد]

كلمات قاسيه ورائعه
سلمت يداك اخي المبدع دوماً عجزت انساك
لك مني كل الاحترام والتقدير ؛؛ دمت بود

[عجزت انساك]

مشكوره يالغاليه ع المرور العطر
دمتي سالمهـ
كوني بخير،،،ن

[واسع الخيال]

ياصاحبي هذا الهوى = فيه لوعه واهات
لاتحسب اجروحه والخطى= وتحاسب على الزلات
داخل صدري له دوى = لوبيدي عطيتك جرعات

[عجزت انساك]

ياصاحبي هذا الهوى = فيه لوعه واهات
لاتحسب اجروحه والخطى= وتحاسب على الزلات
داخل صدري له دوى = لوبيدي عطيتك جرعات

مشكور على المرور
دمت بود،،

[طه الحمزي]

كلماتك رائعه اخي العزيز

صح لسانك ولا هنت

الى الامام دومن

[عجزت انساك]

كلماتك رائعه اخي العزيز

صح لسانك ولا هنت

الى الامام دومن

مشكور يا الغلا على المرور الطيب
دمت بكل الود


كن بخير،،،

[علي القاضي]

عجزت قد تعجز اقلامي عن التعبيرعلى جمال الكلمه الصادقه الذي تقولها لك الف تحيه مني اخي

[عجزت انساك]

عجزت قد تعجز اقلامي عن التعبيرعلى جمال الكلمه الصادقه الذي تقولها لك الف تحيه مني اخي

مشكور على مرورك الكريم

دمت سالمـ



تحياتي