ما عاد باقـي بالعمـر كثـر مـا فـات
ولا الـذي باقـي يـعـوض سنيـنـي
قضيت عمـري بيـن حسـرة واهـات
اضحـك كـذب والدمـع حايـر بعينـي
يا عونة الله مـا بقـا شـي مـا مـات
مـات الوفـا والـود بينـك وبيـنـي
كنت احسبـك بلسـم دوا كـل عـلات
وكنت احسب اوقاتـي بقربـك تزينـي
أهديت لك عمري ولا قلـت لـك هـات
قلت العمـر يرخـص لفرحـة ضنينـي
واثريك عاشق بـس وقـت المسـرات
وبكل سهولـه بعـت شوقـي وحنينـي
اوهمتني بالحـب علـى مـر الاوقـات
وانـا علـى النيـه وهبتـك سنيـنـي
رسمت حبـك بالوفـا ضمـن لوحـات
علقتهـا فـي داخـل القلـب فيـنـي
واليوم اناظـر لوحتـي بعـض مـرات
اشـوف فيهـا الغـدر تـوه يبيـنـي
كل شي اختلف فيها .. ملامح .. قياسات
بروازهـا الاصفـر وبصمـة ايدينـي
خليتني عايـش مـع الجـرح بسكـات
اداري الدمعـه واقـول مـا نسيـنـي
واثر الغلا والحـب فـي داخلـك مـات
وانا الذي عايـش علـى انـك تبينـي
واليوم وحدي ضايـع ٍ وسـط غابـات
غابات غـدرك للاسـف يـا ضنينـي
اجـر صـوت ٍ يسمعـه كـل الامـوات
وانتـه ولا فكـرت لحـظـه تجيـنـي
واليوم راجـع تشتكـي جـرح وآهـات
تريـد تسكـن وسـط قلبـي وعينـي
لا تعتذر ارجوك .. مات الهـوى مـات
ما عـاد بـه أي شـي يربطـك فينـي
Bookmarks