للانيقات فقط

[ابونواف الوصابي]

قصيده يانيقه للمرعب



اتمنى ان ينال النقل الاعجاب اعجابكم واستمتاعكم هو محط انظاري


*************************
أنيقـه آسـف بشـدهـ علـى هالــ ح ــوسـه
.. غرفتي تشبـه كثيـر أوضاعـي المحيوسـه

مـا توقعتـك أبـد بتجـيـن ! فاجأتيـنـي
.. ع العمـوم الله يحيّـي الطلّـه المحـروسـه

وقّفـي لحظـات بيـن عيـونـي التعبـانـه
.. لين أرتّـب لـك أريكـة قلبـي المشموسـه

واجلسي بيـن الزرايـر والـ ح ـشـا الافريقـي
.. وائذني لي للبكي .. بيذاكـر معـاكِ دروسـه

شاعـرك .. فوضـاه علّمتـه يرتّـب ح ــبّـه
.. أنتي .. ثمّ الحزن .. ثمّ دموعـه المحبوسـه

والدّموع اللي على وصلـي ووصلـك تنـزل
.. ترفـع بنزولـهـا أعلامـنـا المنكـوسـه

هذا إنتي؟؟ ماني مصدّق .. ولا ني مكـذّب !!
.. آهـ مـن بـرد الجفـا ورياحـه المتروسـه

وايه حنّا نـاس غيـر النـاس يـا حوريّـه
.. روسنا ما هيب لضعـاف البشـر مريوسـه

لي افترقنا نبتسـم ! ولـي التقينـا نبكـي !
.. ويـا فديـت جنوننـا واشياءنـا المعكوسـه

مرحبـا .. ترحيبـة البـدو العزيـب الرحّـل
.. بالمطر .. لاوّل هشيـم الماحلـه المعبوسـه

صح هذا انتـي ! وهـذا عطـرك السمياكـي
.. وهذي بوهة وجهك اللي بالضحى محموسـه

وهذي ربطة شعرك البيضـا .. وذا خصلاتـه
.. كنّها في زيـت زيتـون الشفـق مغموسـه

وهذي الوانـك .. وهـذا المعطـف العنّابـي
.. وهذي ساعة يـدّك المحظوظـه المنحوسـه

لا هـي اللـي طالـت أصابعـك وتشابكهـا
.. ولا هي اللي قريبـه مـن عاتقـك وتبوسـه

وهذي مشيتك اللي من صغرك مـا غيّرتيهـا
.. هالبشـر يخجـل يضـر القـاع ولاّ يدوسـه

الـ ج ــمـادات الـرذاذ .. تهمـس لا مرّيـتـي
.. مرحبـا يالناعـس المحشومـه الطاووسـه

قولي والله انك انتي معي ! مانـي مصـدّق !
.. لا تلوميـن الحـواس الشـرّد المهـووسـه

كل ما غنـى لـي الغيّـد بصـوت مواصـل
.. شلّهـا قلبـي وركّبهـا عـلـى منكـوسـه

صـورةٍ فـي البـال لـك معامـد اتخيّلهـا
.. أقرب احيانـاً مـن المحسوسـه الملموسـه

وانتـي لـو مـا كنتـي فيـدّي ولا كنتي لـي
.. لحظتك عن عام .. كـل ليلـه مـع عوسـه

لانّـك الأفخـم إسـم .. والأبسـط انسانيّـه
.. ولانّك الوجه التقـي .. والطيبـه المغروسـه

ولانّي أحبك محبة عمق .. مـا هـي نـزوهـ
.. أسمى من حب الجسـد .. وللهوى ونجوسـه

يا أنيقه .. آسـف بشـدّه علـى هالـ ح ـوسـه
.. لهجتي تشبـه كثيـر أوضاعـي المحيوسـه

مـا سألتـك ليـه جيتينـي .. ولا ضيّفتـك
.. ما ابي أخرّب على جـو الوصـل وطقوسـه

ليه جيتي؟ أسألك .. وانا اعـرف وش جابـك
.. طاب شجر الـ غ ــاب والحطّـاب قـرّب فوسـه

لا تقولين اني أرخصتك .. وانا ما ارخصتـك
.. ولا تقوليـن اشتـراك المشتـري بفلـوسـه

ولا تقولين ان هـالمـرهــ .. هـي آخـر مـرهـ
.. اتركي لـي حلـم بعـد احلامـي الميئوسـه

انا شاعر .. ح ــلمه اللي سـوّا منّـه شاعــر
.. الذهـب والـ ع ـالـم الجديـد .. دم ضـروسـه

يا أنيقه .. لو خـذوك وسافـروا بـك عنـي
.. الارض صدري .. والسفر من قوسه ليا قوسه

ليت صيت الجد مـا ينفـع سخيـف احفـادهـ
.. وليتها هالحيـن وان الكـل شـارب موسـه

وليت .. نقطـه نقطـه نقطـه نقطـه نقطـه
.. ما ابي أغلط في الزمـن والعالـم المنفوسـه

ما اعرف شو اقول .. ولا اعرف ايش اسوّي
.. الحزن .. طلّت من ابـواب الليالـي روسـه

انسي كـل اللـي حصـل هاللحظة وضمّينـي
.. يا خسارة عمري اللـي راح ويـا ناموسـه

والله ان امه دعت لـه تحـت بـاب الكعبـه
.. واحـدٍ حطّـك فـي بيتـه يالغـلا عروسـه

[عمر الكمالي]

قصيده جميله اخي فيها الفكاهه وفيها وفيها


خالص الود لك اخي

[ابونواف الوصابي]

شكراجزيلا لك



ومشكور على مرورك وذوقك الراقي

[Mzaien]

على كل الحوسه اللي في القصيده

لكن في ابيات عجبتني كثيير

صح لسان قايلها

ويسلموو اخي ابو نواف

[ابونواف الوصابي]

ومن قال سلم اختي مزاين

اصلا هي الحوسه ههههههههههههههههههه

مشكوره ع المرور

[صبا]

ما ادري إذا كانت هذه القصيده جديده لسعد علوش ..

لأني بصراحه اول مره اسمع عنها ..

مع اني اعرف تقريباً كل قصايده ..

لكن هذه اول مررره اسمعها ..

بصراحه ما دام انها لسعد اكيييد ما في اي تعليق عليها ..

بس رح تسمع صوت التصفيق من ردي ..



يسلمووو اخوي ابو نواف على هالأختيار ..

[ابونواف الوصابي]

لا اختي صبا هذي من قصائد المرعب الجديده وفي احدث منها


سلمتي ومشكوره كل الشكر على مرورك مواضيعي