عاااااانس

[محمد بن حمدان]

يرزح كثير من العوانس تحت نار التسلط من بعض الآباء الضعاف الأنفس
طمعاً في راتب
أو في عريس ( كاش )
ولا شك حينما تتنفس فإن لسان حالها سيقول :

عاااااانس !!!!

يابوي خاف الله وارأف بحالي = واتذكر إني في يدينك وداعه
قدّر معاناتٍ تفوق احتمالي = واقبل سنين العمر مني شفاعه
والله لو تشعر بثقل الليالي= ما تحتمل منها ولو ربع ساعه
منعك يوصلني حدود الهبالي= والعمر عانس في متاهة ضياعه
يا بوي ماني سلعةٍ بالريالي = يشرونها وتباع مثل البضاعه
ولا آني اللي ناقصه في جمالي =وإلا منقصني من الدين طاعه
يابوي لا تمنع تقي الرجالي =لا جاك يطلبني سليل الشجاعه
راح العمر وآنا وحيده لحالي= في ليل من هوله تعاوى سباعه
أرجوك لا تحرم عيوني عيالي =ترى بعيني عن لقاهم مجاعه

محمد بن حمدان المالكي
7- 1 - 1428 هـ - الرياض

[عاشق الوحده]

يا خوي ما هو قل مال ولا هي مجاعه

الطمع اعمى العيون وخالها في جزاعه

مسكت الوجع والوجع يبي له اشاعه


وان شاء الله لي عوده

تحياتي


عاشق الوحده