تعبت اداري دمعتي بحبـر الاقـلام=وانثر ورود الخير فوق الصحـاري
تعبت اغالط واخدع النفـس اعـوام=لين الوفا اصبـح بدايـه دمـاري
تعبت اقول الظلـم بيـزول لـو دام=صبرت حتى مل صبـري انتظـاري
سريت في ليل الوفا اطلـب احـلام=بس اتضح لي اني بالهـم سـاري
هم ٍ ثقيـل ٍ يكسـر الظهر..هـدام=فيه الغدر فكـره تصـارع قـراري
وحيد في دنيا تعانـي مـن زحـام=غريب بين اهلـي ومجهـول داري
زرعت زهر الحب في صحر الاوهام=واسقيتها دمع ٍ على الخـد جـاري
رجيت اشوف الخير في ناس ظـلام=والريح ما تمشي بكيـف الجـواري
قلت الوفا والخيـر والحـب قـدام=قدام ما به غيـر مـوت ودمـاري
اصرخ بعالي الصوت واقول منظـام=وين الرفيق اللي يداوي انكسـاري
ردت همومي كلها بصـوت هـدام=خلك هنا في برد الاحساس عـاري
استقبل ارمـاح ٍ تناديـك وسهـام=أو صير في درب المصالح تجـاري
غيـر قوانينـك بقانـون الايــام=واختار قانـون البشـر والبـراري
ولا تنخدع فـي كذبـة الخيـر دوام=ما دام خير ٍ فيـه اهلـه تمـاري
موجود ذاك الخير في عالـم افـلام=ما يعـرف الواقـع ولا فيـك داري
جاوبت انا والهـم شامـت ولـوام=يـا هـم انـا بالله واثــق وداري
بكره يجينا الخير ونعيـش باحـلام=نزرع زهور الحب وسط الصحاري
بس للاسف احنا على مـر الايـام=متفرقين ما بيـن بايـع وشـاري
نصحى بشرور الامس وباحقادنا ننام=واللي يريد الخيـر ليلـه نهـاري
تعبت اداري دمعتي بحبـر الاقـلام=النفس ملـت والنهايـه انتحـاري
Bookmarks