السلام عليكم ورحمة الله وبركاته انقل اليكم قصيده للشاعر اليمني الشعبي
ابورعد القطنه هجاء الى الشاعر ثابت عوض اليافعي عندما تراجع الشاعر ثابت عوض عن موقفه عند مقابلته لرئيس اللجمهوريه في الاحتفال الكرنفالي الذي وقع في المكلا
اترككم مع القصيده فيها كل شيء وجميله جدا القصيدتان وتشرع مدى ابداع الشعراء اليمنين في الهجاء
وتقبلو تحياتي
اولا رسالة الشاعر ابو رعد القطنه الى الشاعر ثابت عوض
بو رعد القطنه يقول بادق الجبل بالجبل = واطلع قمة العر ذي قالو طلعته مستحيل
مادام الامور انتهت والخصم اللدود اعتدل = ماحد بايقف لي حجر عثره عايقه في النقيل
والمعروف ثابت عوض من صهوة جواده نزل = وقعلي بختم اصبعه واختار الطريق السهيل
واليوم انتهى كل شي وحده والنصاب اكتمل = واللي كان ضدي عدو ما ذلحين قد هو زميل
والليله منو مرسلي شل الخط لي واتكل = يعطي بن عوض بدعنا وردابيض وجنبه صميل
وابعث ثانيه خاص له بعد المعمعه والجدل = عشر اعوام في معركه نار ه هم وثابت عميل
بالذنب القديم اعترف واتأسف على ما حصل = واحنا بابنا منفتح للتائب ومن جا دخيل
مادامه رجع صفنا بالعيد الجديد احتفل = واتكبد مشاق السفر سجلناه موقف نبيل
بعد الحقد ذي كان به والتضليل قالو عقل = سبحان الذي غيره واهداهم سواء السبيل
شاف البنت متجمله مزيونه باغلى الحلل = حبت به وهو حبها قد عندي عليهم دليل
مبروك الف مبروك ياثابت عالحبيب البدل = والله مارتميت مصان واتخيرت افضل بديل
دايم مقتنع قلنا والا الدخل خلص وقل = والاضيعو ناقتك ياثابت وحملك ثقيل
شوف قد قلتلك من زمان لاتجلس تتابع شلل = ماباينفعك ياعوض هو قادر وشد الرحيل
كم شفتك وكم قلتلك خفف شحطتك يابطل= امشي في الرويد انتبه يأتي يوم ترجع ذليل
واوضاع اليمن جيده والامال به والامل = والخيرات متوفره ماهو حسب قولك بخيل
بانبني وبانشتغل ياثابت وقال المثل = خطوه بعد خطوه وبانقطع بعدها الف ميل
والبارح وصلني خبر صاحب بالموبايل اتصل = ينشدني خبر هل صحيح يابو رعد ثابت قتيل
ازعجني وجاب القلق خلى بو رعود انفعل = واتأثرت وانك سلم متعافي بنعم الجزيل
واخر فصل بااكلفك ياثابت اذا باتصل = للحوثي تقله كفى ياشيعي طريقك طويل
لاداعي لزرع الفتن = او نعمل لصالح دول = كلفتك وعندي ثقه انك باتحل الفتيل
لو شي خير بالجعفري والسستاني المختزل =مابغداد مستعمره والبصره بتشعل شعيل
واختمها بذكر النبي مايرعد ومزنها هطل = من قلبي ومن خاطري تغشى المصطفى والخليل
Bookmarks