خيانه..وانتهت آخر سوالف عشقي المجنون
سوالف عشق..يا ما الناس قالتها وعادتها
حكوا عني وحكوا عنها وعن حب لا هالكون
وصاروا يحلفون بحبنا ..وصدقي ..وطيبتها
وكم واحد تمنى لو خذا من لون حبي لون
وكم وحده تمنت لو تشابهنا حكايتها
انا وياهم كنا حلم ...بالمعنى وبالمضمون
لكل اثنين ...قصة حبهم تعلن بدايتها
وفي ليلة صرخ فيها الوفا من ظهره المطعون
بدايتها جروحي ...والوفا مات بنهايتها
في ذيك الليلة...كان اهون علي احيا بدون عيون
ولا اشوف اللي شفته من حبيبة قلبي ساعتها
بعيني شفتها وياه ...تضحك له..وهو مفتون
سعادتها في قربه...تشبه فقربي سعادتها
وهو طاير من الفرحه ...ولا يدري بأنها تخون
ويمكن يدري وساكت...ولا تهمه حقيقتها
بعيني شفتها ...ما هو حكي واشي وخيال ظنون
بعيني...ليت عيني عمرها ما يوم حبتها
وقفت لسان حالي يقول ليه؟ومن متى؟وشلون؟
عساي القى سبب واحد يبرر لي خيانتها
وادور للجريمة ثغره بكل مذهب وقانون
ولكني عجزت القى عذر يغفر جريمتها
قبل هالليله ...كنت اسمع كثير من البشر يشكون
من سيوف الغدر...واضحك وانا اتباهى فبرائتها
انا ما كان عندي شك ولو واحد من المليون
في صدق اللي تقوله عن غلاي وعن محبتها
خيانتها عطت حجة لكل اللي يبي يخونون
ومن هالليله...كل خاين بيتعذر بقصتها
ما دام اوفى البشر خانت...حرام الباقي ينلامون
وكلمات الوفا لا عاد أحد يطري لي سيرتها
خيانه ,,,وانتهت آخر قصايد عشقي المجنون
وضاع الحلم..في ليلة..الوفا مات بنهايتها
Bookmarks