السلام عليكم ورحمة الله وبركاته
هذا طبق اخترعته وعملته عشا لأهلي كا سندوتشات
واختي لما عملته بالسندويتش الصغير و خذته معها الدوام تجننو عليه البنات
احم احم انا طبعا افكورس تشققت من الفرحه
و وحده قالت هذي طبق اجنبي معروف قلت يخسون
هذا الطبق من بنات وصبيان افكاري << اقول لا يكثر
ايوا طلعت عن الموضوع
المهم ابدأ بالمقادير وخطوات العمل
/// المقادير ///
# صحن صدور دجاج من غير عظم ولا جلد مقطعه مكعبات صغيييره (( والصحن به صدرين كاملين نصفين ))
# علبة قشطه ولو ما عندك تقدرين حطين مايونيز 3 ملاعق مثل ما تعمل اختي لكن راح تخرج دسمه
# طماطم مقطع صغير
# فلفل رومي ملون ( أخضر - أحمر - أصفر - برتقالي ) مقطع صغير
# بهارمشكل - ملح - كركم ( بعد يسموه صفار اللحم )
# زيت زيتون - زيت ذرى
# ثوم حسب الرغبه (( انا ما احط لكن ما به مشكله لو تحطي شوي ))
/// الطريقه ///
1- جيبي قدر او مقلى عميق وحطي فيه شوي زيت زيتون + شوي زيت ذرى انا احب احمس بازيت الزيتون لكن احط زيت الذرى عشان ما يحترق زيت الزيتون بسرعه
2- حطي الطماطم و الفلفل الرومي في الزيت وقلبي شوي لما يختلطو سوا وغطي المقلى بالغطاء حقو
3- انتظري لما يعرق الطماطم وارجعي قلبي مره ثانيه وغطي واتركيه على النار لما يخرج الطماطم مائه ويثقل شوي مو كثير
4- حطي الثوم وارجعي قلبي وحطي صدور الدجاج المقطع وقلبي لما يختلطو ويقلب لون الدجاج للأبيض
5- غطي القدر وسيبيه شوي 5 دقايق تقريبا ضيفي بعدها البهار المشكل والكركم و الملح وقلبي زين
وبعدين رجعي غطي القدر
6 - خلي الدجاج مغطى لما ينضج ولما يوصل للنضج حطي القشطه وقلبي وسيبيه 5 دقايق تقريبا أو لما تثقل الصلصه
7- ولما تثقل تكون كذا استوت تحشي فيها السندويتش او تأكل بالخبز
وفيه العافيه يارب
:::ملاحظه :::
الطبخه دائما على نار هااااااااااااااااادئه يعني واطيه مره مره
انتظر تنويركم ويارب تعجبكم
Bookmarks