لكل شخص يخش الشات

[Golden Nick]

موضوع يلمس واقعنا.. وبدون فلسفه وتصنع.. ابتكلم بواقع يمكن انا انحطيت فيه،

وكل شخص انحط فيه.. يعني من اليوم اللي انتشرت فيه هالتكنولوجيا العملاقة

باليمن.. الانترنت، الابحار عبر الخطوط الهاتفية إلى شتى بقاع الارض.. كلمه

كبيره مررره ما عرفنا نستغلها، واكتفينا ببعض المواقع اللي اتوقع 80% من

الشعب اليمني مهتم فيها.. الشات واماكن الدردشة وهالمحيط الكبير اللي بدايته

ماله نهاية.. عطيناها كل اهتمامنا مع ان المفروض ما نقتل وقتنا عشان شي زي

كذا..


المهم.. معظمنا يخش الشات.. ومعظمنا يولي الشات اهتمامه ووقته الأكبر.. والسبب

بريء مره، عشان ننسى الهموم ونضحك.. طبعا هالكلام الظاهري، بس باطنياً وش نسوي

بالشات؟


هذا اللي حبيت أتكلم فيه بمنتدى فور تعز الموقر..


في ناس الشات بالنسبة لهم ماهو مكان للتسلية بالمقام الأول بقدر ماهو مكان

لصيد الفرائس ومكان يحاول كل شخص فيه إظهار نفسه بملامح فارس الأحلام -الوهمي-..

بالمعنى شخص مثالي، ويبي معرفة بريئة وصداقه ما وارها القصد..


أنا بخالف كل شخص يحاول يضحك على نفسه وعلى غيره بهالكلام، بالمعنى بنت ما

تجمعك فيها أي صله من حيث الدين، والعرف ، ذي ما نسيمها صداقه بريئة، وما

نسميها شي نظيف وبريء مثل ما كل إنسان يدعي،


ناس تبي تهرب من عادتها وتقاليدها.. تبي تكسر المألوف.. تبي تتخطى هالحاجز

اللي انحط عشان قيمنا وعزتنا.. هالحاجز اللي تبي تكسره وتغضب رب العالمين ،،

تبي تكسره وتدخل بعلاقات مشبوهة مالها اول ولا آخر..


الشات المفروض يصير للمعرفة البنائه بس كيف نستغل معرفتنا بالطريقة الصحيحة؟؟

كيف نرتقي بتفكيرنا وتعاملنا مع الغير. الزبده اشلون نستفيد من الشات؟ السؤال

صعب انا ادري، لان كل إنسان تفكيره منطقي وشاف سؤالي رح يقول مستحيل نستفيد من

الشات.. انا بقول مو شرط نستفيد، مافيها شي لو تسلينا، بس بالمعقول، ما نخلي

كل وقتنا وتفكيرنا بالشات.. ولو خشينا نتعرف مافيها شي، بس ضمن مراحل

معينه.. ما تدخلنا باللا مألوف..


البنت طبعاً تشكي قسوة أهلها عليها، تشكي الضغوط العائلية والعادات القهرية

واللي ما يعرفوه كثير من البنات انه لو ما هالقسوه والخوف من جهة الأهل ما

كانا سمعنا عن (بنت ناس) أصلاً، وما كنا صرنا هالشعب الطيب اللي غصبن عن كل وجه

هو اصل العرب واهل للعفة والكرامة.. البنت تبي تعوض سجنها وقعدتها بالبيت

وطفحها العاطفي بالشات.. ما تدري ان شرفها وعزتها وعفتها أساس وجودها على

هالدينا..


للاسف البنات تفكيرهم ضيق.. محدود ومحصور على العاطفة وما تدري بعواقب

هالعاطفة اللي ما يهمها من وين جت وعلى أي أساس بُنيت؟


حنا شعب قبلي، ولنا الفخر.. ولو قالوا عنا متخلفين عشان بناتنا ما يطلعون

بمكياجهم وشعرهم برى الحجاب ما همنا، متخلفين بس نعرف رب العالمين، قبليين،

بكرمنا، بشهامتنا وبرجولتنا..


قاعدين نشكي ونبكي من الظروف السيئة اللي حنا فيها، من واقعنا الأليم، من فراغ

العاطفة ، هالفراغ اللي نبي نعوضه بهالاماكن.. وعلى حساب حسناتنا اللي نبي

نبدلها بسيئات، وباسم فطرة الإنسان اللي يبي الحنان ويبي الصداقة وهالخصال

النبيلة اللي ندنسها تحت ذريعة (ممكن نتعرف)..

الشات شي حلو بس لو عرفنا نستغله صح.. بالمسابقات.. بالأسئلة المفيدة،

بمعرفتنا مع بعض بحدود المعقول.. بتبادل الخبرات.. وبالحدود اللي ما نتخطى

فيها الخطوط الحمرا..


لان الموضوع مضحك بمجرد التفكير.. والشات مهما كان اسمه شات، يعني لا ساحة

لاثبات من الافضل، ولا موقع تصوير مسلسل مكسيكي مدبلج..

وبما اني اتكلم داخل هالاطار بقولكم بموقف طريف صار معي وأتذكر انه في يوم

مشرق وجميل خشيت فيه الشات من مقر عملي.. وجاني واحد من السوابر الله يستر عليه

يقولي يخوي لا تكلم فلانه..فلانه تشكي منك.. انا استغربت وقلت ابشوف وش السالفة،

قلت له خلها تواجهني ابفهم وش الموضوع (احيانا الإنسان لازم يتواضع حتى لو ما

كان في شي يستاهل) المهم قلت له خلها تواجهني، البنت دخلت بنفس اللحظة مع

العلم أنها ما كانت موجودة بالشات (يمدحون تكنولوجيا المحمول) المهم وش قالت؟

قالت قدام بطلها اللي مهتم بالموضوع مره (شوفوا الأزمة النفسية) قالت أنت قاسي

معي وكلامك استهزاء (لا حول ولا قوه إلا بالله) أنا والله في هذه اللحظة أتذكر الموقف

اللي ما ادري هل كان يستحق الذكر، قاعد أتذكره الحين واضحك، وطبعا السوبر مان

وش قال لي؟ قالي يا أخ قولدن انتو يا السوابر فيكم خشعه او شفعه ما ادري وش

قال بالضبط، ويوم قلت له وش تقصد بهالكلام قال تبو تتعرفوا على بنات (نسى انه

جا يدافع عن بنت أصلاً ومسوي السيد روميو مدري عنتره).... ونسى ان اصابع يده مو

سوى.. يعني يعيبون بالناس والعيب فيهم.... (لاتعليق)..

شباب في كلمه اسمها grow up .. شوفو لها بعين الاعتبار.. لحد يقلل من مستواه

ومن رجولته ومن احترامه عند الآخرين، عشان شي والله ما يستحق الذكر.. (أتوقع

كلامي مفهوم وما يبي تفسير اكثر من كذا)..


وشي ثاني شباب ، ودي اقولكم ان الشات ما يستاهل الحروب الكلامية ،، ما يستاهل

تخسر ربعك واصحابك عشان ................، الشات مكان للتسلية، لا تعطوه اكبر

من حجمه، لا تخلو الشي الصغير كبير، والحبة قبة، لا تسووا نفسكم أبطال وعاشقين

ورومنسيين.. لأنكم بالاصل رجال وهالكلمة ما تقبل الثغرات السخيفة.. رجال

وهالكلمة كبيرة يا شباب لا تحقروها بالتصرفات اللي مالها داعي..


المهم يا شباب..

حكايات وقصص من كل زمان ومكان.. من الأزمنة الغابرة وعبر القرون وملخصها شي

واحد (العبرة)..


الكلام طويل وكل إنسان حر بتصرفاته ومسئول عن كلامه وأعماله قدام رب العالمين

قبل ما يكون قدام الناس.. وهالشي يعكس شي من اثنين يا عمق التفكير أو غباء

التبرير..


كل إنسان قرى موضوعي أقوله مشكور، كل إنسان ما عجبه كلامي أقوله مشكور، كل

إنسان يبي يرد ياخذ راحته، ينتقد ياخذ راحته.. وأنا ترى بالأول والأخير إنسان

فيني عيوب، وفيني أخطاء، والكمال لرب العالمين..

وكلمه ثناء للجندي المجهول اخوي إيـاد (الشات ماستر)، و(الهلب ماستر) وكل

القائمين على هالشات اللي اتمنى له الأفضل ومعا يداً بيد لمستقبل تنمو معه

الأجيال <-- ذي دعايه النيدو لووول

والله لا يهينكم
اخوكم / The Golden Nick

[الترف]

مشكور اخي
على مشاركتك
وعلى موضوعك
وعلى حرصك على الوقت
تقبل تحيات اخوك الترف
ولكن لي ملاحظه انه موضوع مطروح للنقاش في اكثر من موضوع
وودت ان انبه عليك هاذا التنبيه
لكي لا تكون هناك ازدواجيه في مناقشة موضوع ما صحيح انك اوردت جوانب عده
لم يوردوها الا عضاء في مواضيعهم السابقه
ولكن الاجدر بنا ان تكون هناك لكل موضوع ساحه واحده لمناقشته
اخي سامحني على هاذه الملاحظه فما قصدت الا الصالح العام للمنتدى
وهاذا هو السبب الحقيقي في تواجدي في المنتدى وهو ايضا السبب الحقيقي لتواجدي
في موضوعك
اكرر شكري لك اخي

تحياتي

الترف