اليوم الثلاثاء الساعه الثالثه فجرآ بتوقيت ا القرى
ترى بقول لكم كيف التقينا بس بكتب اللقاء باللهجه العاميه الجداوية البحته هع هع هع لاني ما اعرف اتفلسف مثل صدى الامواج خخخخخخخ , تواعدنا انا والمتألق اننا نلتقي في جدة وهو جاي من الكويت يسوي عمره وراجع ....
المهم كان وعدنا يوم الجمعه انه بيوصل ,, يعني يوم السبت بالكثير نتقابل انا وهو وكمان منها اعرفه على الاعضاء اللي في جدة ,, لكن للاسف حصل شي خارج عن ارادتي ,, لاني في يوم الجمعه خبصتها تخبيصه بالفطور واللي زاد الطين بله اني خزنت قات خخخخخ وضرب فيني المكيف والله لايوريكم سخنت وزكمت وكمان مداوم ونوم مافي ابدآ ...
اعتفست فوووق تحت من يوم الجمعه في الليل الين الاحد ,,, طبعآ كان جوالي ع الصامت لاني والله مالي خلق الزباين اللي يتصلون كل وقت وفي كل مكان حتى وانا اتسحر تجيني مكالمات اخخخخخ شي يفقع القلب ,, المهم كان الوعد بينا انا والمتألق انه اول مايوصل يرسل لي مسج من جوال كويتي حيكون مع صاحبه ,,, لكن المتألق الله يهديه قاعد يتصل بي من تلفون ثابت ويتصل من جوال كويتي ,,, خخخخخ انا حسبت الجوال الكويتي انه من عندنا في السعوديه لان الرقم مايفرق كثير الا بفتح الخط ,,, ما اخذت في بالي اول ماصحصحت يوم السبت اتصلت على الرقم الثابت بشوف مين هذا اللي يتصل علي ,,
رد علي الريسبشن حق الفندق
الجنــرال : الو السلام عليكم ورحمة الله وبركاته
موظف الفندق : وعليكم السلام ورحمة الله وبركاته ,, مرحبا
الجنــرال : من دق علي من هذا الرقم امس لو سمحت
موظف الفندق : معاك فندق السلام هوليدي- إن ...اكيد في نزيل دق عليك
الجنــرال : اووووه صح صح اعرف واحد دق علي بالله حولني على غرفته الله يخليك
موظف الفندق : ممكن تعطيني اسمه ؟
الجنــرال : (( انا ما اعرف الا ان اسمه احمد )) المتألق خخخخخ وش اقول لذا البلشه الحين
الجنــرال : والله ياخوي اسمه احمد وجاي من الكويت بس ما اعرف وش لقبه ,, كنت بقول له المتألق هع هع هع
موظف الفندق : والله يا اخي الكريم لازم اسمه بالكامل ..
الجنــرال : طيب شوي وبتأكد وأتصل عليك ..
طووووط طووط طووطططططط
على طوووول مسكت جوالي واتصلت على شادي ومايرد علي ابغى اعرف منه لقب المتألق شو
المهم ارسلت له رساله ورد علي وكتب لي لقب المتألق
رجعت اتصلت بالفندق
الجنرال : السلام عليكم
موظف الفندق وعليكم السلام
الجنرال : بالله ممكن تحولني للاخ احمد العبادي
موظف الفندق : دقيقه لو سمحت
وانتظرت حولي 7 دقايق ع الخط
موظف الفندق : للاسف اخي العزيز لايوجد شخص بهذا الاسم نازل عندنا
الجنــرال : ياخوي هو دق علي كيف يعني انا بتبلى عليك
حولني على طول ع المدير
كلمت المدير وسوى لي بحث برضه نفس النتيجه لايوجد شخص يحمل هذا الاسم
اخخخخخخخ والله انقهرت وجاني احباط .. وفقدت الامل في الاتصال فيه وقعدت انتظر قلت يمكن يكرر الاتصال ...
جاء يوم الاثنين اللي هو امس وتواصلت مع شادي وشادي تواصل مع اخو المتألق الين جاب لي الرقم بعد الساعه الواحده منتصف الليل ..
انا كنت متواجد عند الافق والامير وابوراكان و اعفيني على اساس انه بيجي عندهم الاخ مشاكس عشان اتعرف عليه ,,, اتصلت على المتألق ,,,
الجنرال : الو السلام عليكم احمد وييييييييييينك يخرب بيتك ماخليت مكان الا واتصلت عليه وينك فيه
المتألق : من معي
الجنـرال : ياخوي انا عمر – الجنرال
المتألق : اوووووووه هلا هلا المجــروح <<<< لسه ماسك معاه ذا الاسم خخخخخخ
الجنرال : ايييييييوه ايييييوه المجــروح بزاتوه وينك انت الان
المتألق : انا في حي النسيم
الجنرال : مين معاااك ابغى اشوفك
المتألق : معي مشاكس وباهي الخد وشباب من خارج المنتدى
الجنرال : طيب طيب خليكم مكانكم لاتتحركوا عشر دقايق بالكثير اكون عندكم
بالمناسبه عازمكم ع السحور ....
دخــــل باهي الخد بالخط : نعم ياخويا أي سحووور انا ادور لهم لي يومين وانت الحين تقول عازمهم ع السحور
لالالا مايصير هم ضيوفي اليوم وانت كمان معاهم .. هيا بس تعال بسرعه
وانا تحركت من حي النزهه لحي النسيم زي الصاروخ امشي 200 ومعاي الاخ إعفيـني ,,,
خخخخخخ شوفوا السرعه عشان لاتقولوا كذاب .. :36_1_13:
عشان ما اتأخر عليهم لان المتألق عنده سفر بكره ,,, ومشاكس مسوي لهم اذيه جوعااااااان جوعااااااااااان يالله ابغى آآآآكل يالله وين الجنــرال ,,, المهم سوى لهم رجه ماصارت من قبل ,,
مافي عشر دقايق الا وانا عند شركة بالبيد .. خخخخخ ... والجماعه يأشرون لاي سياره فيها اثنين شباب يحسبوني انا واعفيني خخخخخخ والله صج خارج نطاق التغطيه مشرفينا هع هع هع هع
المهم ما علينا ,,, وصلت واتصلت ها وينكم ,,, رد علي مشاكس لف يمين من عند الاشاره نحنا واقفين عن البوابة الرئيسية للشركة خخخخخخ ( لاحول ولاقوة الا بالله خرعوا حراس الأمن حق الشركة حسبوهم إرهابيين
....يا مشاكس وش معاكم سياره ..رد وقال : معاناا بورش ... هههههههه ,,, وانا قاعد اطالع مافي بورش عند البوابة .... خخخخخخخ ماشفت الا 2 مرسيدس شبح والاخ يقول بورش هههههههه وربي من جد انفقعت ضحك ...
وقفت السياره ونزلت وبادرت بالسلام ,,, امووه امووه امووه ,,, طبعآ هم يعرفوني لاني كنت مسوي صورتي في التوقيع وكمان يعرفوا الاخ اعفيني ,,, بس المشكلة انا ما اعرف ولا واحد فيهم ,, استغل الفرصة اخونا مشاكس وقعد يلخبط باهي الخد قال عنه مشاكس والمتألق سواه باهي الخد وانا ماكذبت خبر ههه صدقته
وبعد الكلام والمزح والصفطات تعرفنا على بعض اكثر ,,,
المهم ,,, قال باهي الخد اللي هو عازمنا ع السحور ,, يالله ياشباب عشان نلحق الوقت نتسحر ونشيش ... هع
اجرام على اصوله .. هع .... المهم تحركنا بثلاث سيارات ماشاء الله تبارك الله عددنا 8 اشخاص 5 اعضاء و3 من خارج المنتدى على ما اظن وكمان تشرفت بالتعرف عليهم واحد من من عيال عم باهي الخد و 2 من اصحاب مشاكس ...
وصلنا ... قهوة القمــة بجوار معارض السيارات ... الصراحة جلسه عربية جميله جدآ .. والجو كان فضييييع
وزادت حلاوة الجو و الجلسه بوجود المشاكس والمتألق وباهي الخد اللي والله العضيم شباب تحف عمري ماقابلت مثلهم واتشرفت بالتعرف عليهم عن قرب ... بدأنا بالحوار عن المنتدى والاعضاء وماخلينا ولا واحد واولهم المشرف العام شادي خخخخخخخخ يا اخذ حش على قفاه خخخخخخ .... امزح امزح .. والله ماذكرناكم الا بكل خير ... واصلنا الجلسة والضحك والشيشة .. بس بالأمانه محد شيش الا انا وباهي الخد بس والبقية خايفين من كاميرات التصوير تلقطهم هع هع هع ...
الساعه 4:30 بالتمام والكمال جاء السحور وتسحرنا وضحكنا ضحك على مشاكس اللي كان جوعااان خخخخخ
ماشاء الله 8 سلندر مثلي vx-r فل اوبشن 2 تانكي خخخخخخخخخخخخخخخخخخ
المهم ...... بعد السحور بـربع ساعه أستأذن الاخوة مشاكس والمتألق واصحابهم لان المتألق عنده سفر الساعه 11 الظهر ولازم يروح يرتاح ... وانا واعفيني وباهي الخد قاعدنا الين قرب الصلاة وتوكلنا كل واحد على بيته
لقااااااااااء رووووعه وشباب أروع ... الحمد لله اني كسبت صداقتهم ..
كان ينقص الكثيييير من الاعضاء المتواجدين بجدة لكن الصراحه ضيق الوقت للاسف منعنا من التنسيق معاهم
لكن الايام جايه ان شاء الله وبنرتب جلسه اكبر بإذن الله
اترك المايك للاخوه اللي كانوا في الطلعة كل واحد يعبر عن رأيه او عنده أي إضافات ... لاني انشغلت معظم اوقات الجلسة وانا اكلم تلفون خخخخخخ
خالص تحياتي اخوكم
الجنـــرال / المجــروح
25 / 10 / 2005 م
Bookmarks