حبيت انا بنت مملوحه=تلمع كما لمعة المصباح
قوام ممشوق ومرجوحه=خدودها تشبه التفاح
من شافها زاد تسبوحه= وقال انا عيشتي كنداح
كلاً لها لاح ولو لوحه=وقال ليت اوصل المرضاح
تحتاج حراسه وصفوحه=خوفي عليها من السواح
حمرالشفايف ومشبوحه=ريق العسل داخل الاجباح
لا قلت بشرح فمشروحه=تبرق كما نجم لا قد لاح
هذه قناديل مرزوحه=بالرغم هي لابسه مشلاح
تطلب وتغمز ولحلوحه=خوفي عليها من الشباح
كلاً يقول ليت صبوحه=حتى ولو بالنظر ياصاح
البطن ظامر وممسوحه= والقلب من حبها مرتاح
قالت لك النفس مطروحه=اعقد وغمز وخذ مساح
عجل كما النفس مفضوحه=عرس وسمعني القراح
فقلت شهرين ومسموحه=لابد ما ندخل الافراح
قالت ولو كنت مرضوحه=بصبر وبانملك المفتاح
تهكم لها نفس جحجوحه=ماغيرانا صبري الصراح
عاشت بنعمه وبحبوحه=خوفي من الحسد والمراح
غابت على ونة النوحه=قالت متى تنقلب جراح
الوو الوو وين صبوحه= قالوا على الدمع ياملحاح
قلنا هي القلب وجروحه=كم جهدي اتحمل الصياح
قالوا قديه غصن منطوحه=والحب منك لها رزاح
صبوحتي ليش مجروحه=قالت من الهجر ياوضاح
قلنا اصبري ليش ملحوحه=قالت من الحب والمزاح
وليش التاخر لصبوحه=وهي تريدك لها نصاح
يا قاضي اعقد لنا بوحه=من قبل ما تسمع الفضاح
قضيتي لك وموضوحه=ونفسي الآن هي ملحاح
Bookmarks