تيمون : بمبه انت فين ؟ تعال شوف .
بمبه : سبني . انا لسه في حوار مع الخنفساية الحلوة دي .. بئالي نص ساعه مستنيها تخرج من بيتها على شان اعرفها على سناني ومعدتي
تيمون : خنفساية ايييييه يا رخم يا بو مخ تخين .. احنا لازم نجهز نفسنا .. احنا ح نسافر اليمن
بمبه : يا خبر ..يمن ايه ..و ح نروح نعمل ايه هناك .. هو عندهم دود وخنافس زي اللي هنا
تيمون : بص ..دي رسالة وصلتني على الايمل بتاعي . من السيد رئيس قسم الحيوانات في الامم المتحده ..عينوني سفير للرفق بالحيوان . وطلبوا مني اروح اليمن على شان اتءابل مع حيوانات الغابه هناك , واحاول ادرس مشاكلهم , وكمان أحاول افهمهم اضرار القات وازاي يبعدوا عنه .. لانه حسب تحليل الامم المتحده بيئولوا انه فيه ماده منبهه وممكن تكون مخدرة
بمبه : قااااات ؟؟ ويطلع ايه القات ده يا تيمون ؟
تيمون : احم احم ....القات ده نوع من انواع الشجر .يزرعوه في اليمن . , وتخيل كل حيوانات الغابه هناك بيكلوه ..فيه ماده منشطه تأسيرها يستمر لساعات معدودة ..يعني تئدر تئول انه من انواع المنشطات المخدرة
بمبه : الله يا تيمون .. انت جبت المعلومات دي منيين ..انت فعلا زكي
تيمون : حأولك حاجه يا بمبه .. انت عارف اني مسقف جدا ..واني واد برم
بمبه : طيب واشمعنه الامم المتحده دوناً عن حيوانات العالم اخترتك انت
تيمون : بسبب كفئتي القيادية وزكائي التلقائي . عينوني للمهمة دي .. وانا طبعا مظطر أوافء
بمبه : وامته المفروض نكون هناك
تيمون : مفيش وئت . بكره بالكتير ..يعني لازم اليوم نحضر نفسنا
تيمون : دُء الاجراس دُء الاجراس . ألبي يُدء معاك
بمبه : فرفش , و افرح .. ألعب , وامرح
تيمون : وإدي الدنيا أفاااااك
بمبه :الله يا تيمون .. دي غابات اليمن حلوة خالص .. يا ترى فيه دود وخنافس جاهزين للأكل . أحسن انا جيعان خالص
تيمون : وأنا كمان .. ح موت من الجوع
بمبه : ما فيش كفتريا للصراصير هنا .. ولا مطعم بيئدم دود أز
تيمون : بألك ايه يا بمبه .. انت فاكر انه احنا حنلائي شوية حشرات ضراف ولطاف يفتحوا النفس مترصصين على السفرة . وبيئلوا لنا اتفضلوا كلونا . احنا لازم ندور على أكلنا بنفسنا
بمبه : طيب هو الحيوانات اللي هنا فين . مش المفروض يكونوا في استئبلنا . والا هم مش عارفين ان احنا جايين
تيمون : هلوووووووو استاز تعلب ..ازيك ..أكيد انت مندوب عن الاسد على شان تستقبلنا . صح ..انا عارف
الثعلب : من انتم ؟؟ ومو تشو ؟؟ واين سارحين ؟؟ ومو اذا بالبقشه الذي طرفك ؟
بمبه : ( يحدث تيمون ) هو بيئول ايه ؟
تيمون : مش عارف ؟ الظاهر انه بيرحب بينا ............................اه اشكرك اشكرك على ترحيبك . دا بس من زوئك . وانا كمان مبسوط اني شفتك
الثعلب : تشكرنا على مو ؟؟ اقول لك انت من اين؟
تيمون : بص يا عم تعلب ...
الثعلب : ( مقاطعا ) لك عما الدبب . قال يا عم .. اقول لك قول لي مو تشا ..فيسع انا مش فاضي لك ..اشتي اروح المقوات ..قده وقت
بمبه : احنا عايزين نئابل الراس الكبيرة هنا ..الاسد يعني
الثعلب : انتم شكلكم اجانب ..كم شتندي لي حق القات وانا اعالمكم ببيت الطاهش
تيمون : معسل الرمان
الثعلب : معسل مو
تيمون : دا جواب الفزورة بتعتك . صح ؟ انت بتئوول فوازير .. لاني مش فاهم منك ولا حاجة
الثعلب : انتم فاضيين .. انا شسرح ..شزلجوا القات عليا
بمبه : يا مصبتي ..دا سبنا وراح
تيمون : أوعى من سكتي يا بمبه ..دا موقف حساس بالنسبه لينا .. واحنا لازم نكمل المهمه بتعتنا ..يالله بينا
Reply With Quote
Originally Posted by شاب اليمن
Bookmarks