هذه القصيده مرسله لسلطان المكلا القعيطي من حمد بن محمد في حرب هل دحه وهل باراس عندما ارسل شيخ العوالق محسن بن فريد في طلب مدفع من السلطان القعيطي
وهذه القصيده وعذروني اذا في خطا في الكتابه
انا بدع برب الكون ذي عينه ترا /// ذي سوى الزهرا ودبرها تسير
وسقى البدواه هيه وحلان القرا /// ولقى لهم مرعى في الحيد الوعير
ون احترا شع كل وادي خضرا /// والبدو تفرح لاقد المرعى خضير
ترعى غنمها والبقر والحمورا ///لاقد نزل من عند بلجود الغزير
انا قول من فكري وكلين قد درا // مالك جزا يالواحد الفرد النوير
زينتني بالسمع وعياني ترا /// ولقيت لي رجلين في الدنيا تسير
ولقيت ليه قلب ذي يتفكرا /// يمسي يفكر لاقد المهرا نكير
والحمد لله كل مالقاري قرا /// او مافرش جنحه الحبيشي بايطير
او ماسرا الساري على وادي ضرا // وصبح قفى المزنه مفيح بالضمير
وسقى الدول وسقى جميع العسكرا //وسيل ماحد يرده لاجا كبير
هابعد ياطارش بغيت البندرا /// مسراحك البصار لانته باتسير
بديك خطي وذلول مشورا /// والخط مغري لك على القول النوير
ماواك لما الغيل حد الفطرا /// ذي مايعدي من كرم ربي خضير
ون جيت للحوطه بلاد الجبرا // ذي سوقها لف العرب من كل صير
ون جيت لاعزان حد الفطرا ///سلم على محسن سلامي له كثير
ولانشد خصه بما يتخبرا //في ارض العوالق كل حالي بايقير
اهل الفوايد تركو في المشترا // واهل الجماله تركو شد الفطير
وبعد روح لابصرته ظواهرا // والحره الحمرا تقع تصهر صهير
ولاوصلت العين هب مسيرا // لاقد معك سييرمنته شي غرير
وعبر مع ميفع وترجع لارجع // وتالي اجزع في عكاريش العكير
في ارض القعيطي ذي يواطون الرفع//ذي يغصب الشجعان ويعشرها عشير
واو المكلا ونته سيره في دلى // لاتوحل سند على القطب النوير
على بن المحظار على الما والكلا //ولاقد سنتو لاتغبون النظير
من عند هل باراس من زيد الزيد // ونته تنشد منهم لانته غرير
غويرهم تسرح قدا الوادي قفد // والقامزي ظهر الحددملقي زعير
قل له ثمان ميه تحاربها ميه // والحرب من بيناتنا شباب كير
والعاقل تشبث قدا بحر الحدب // قالو يبا مدفع من من الساحل نكير
وحنا نشب يالمربعي يابو شنب // شعنا حنب كلن قده داري خبير
والله وهل دحه عجيبك بلعجب // والوعل لرجب يقلب الحالي يقير
حربه تعب على الخصم لاقدم سبب //ماشي سهب بايلحق الشر الكبير
وحنا وياهم في جزيره وحده //لابيندحن منا ولحنا بالسير
وهذا الذي بيناتنا في ارضنا /// ونته قدك منته من المهرا غرير
والقول ذي سقته لبا مثله يجي // ان قع من السلطان ون قع من امير
بي غل من هرج السواخل كلها //وم ق دم ومقدم سوقوة في رس النظير
Bookmarks