يقول انا اعشقك ياشيخه الزين ... ومهما ابكتب فيك ادري شويه
دنياي لاشفتك تزهر بساتين ... وان غاب طيفك ذقت طعم المنيه
اذوب انا يابنت من نظره العين ... وتذبح قليبي شفاهك النرجسيه
يقول انا وافي وابيك توفين ... ابيك انا وياي صبح ومسيه
ويقول"احبك حيل"ويحب عشرين ... ونفس الحكي قاله لهذي وذيه .!!
هذا ترى هو حال شبابنا الحين ... يا للأسف ما عاد فيه حميه
كثرة فتن ولا هي قلة الدين ... ولا البلا كله من ضعف البنيه..!
يابنت مابه حب في وقتنا الشين ... والله يحبك لجل غايه دنيه
لامن قضى يرميك وانتي تخسرين ... ومحدٍ ترى غيرك يكون الضحيه
والله من حبي لك ابيك تعرفين ... منهو يحبك ما يجي بالخفيه
دوسي على قلبك ولا لا تبوحين ... ولايضعفك حكيه وخلك قويه
وعوذي باسم ربك من الشياطين ... والله يحفظك من كله زله وخطيه
وحبي هلك..كان بودك تحبين ... وربعك وناسك والوجيه الهنيه
والصاحب الصادق بالعسر واللين ... ومنهو طلب ايدك بشمسٍ ضويه
ذولا الذي من حبهم ماتملين ... ومايلحقك من دربهم شر واذيه
نظمت لك حرفي من واقعٍ شين ... وقتٍ ردي ونفوس جشعه رديه
لاتفكري قولي مجرد تخامين ... ولامخاوف بايته بصدر حضريه
ولاانا مالي بدرب المحبين ... ساقي كسرته لو وطى درب الخطيه
سمعتي تسوى في عيوني الملايين ..والله ما أرخصها ما دمت حيه
وترى الحكي مقصور على الردين ..وأدري به رجال ما يرضى بالدنيه
وسلامتكم
منقوووووووووووووووووووووووووووووووووووووووووووووول
Reply With Quote
Originally Posted by طه الحمزي
Bookmarks