الهي يا الاه الانس والجان=حليم لكل من قد تاب غافر
وسترك رب من زله وعثران=عظيم الشان للمضلوم باصر
كريم لكل من بالكون رحمان=صلاتي لك ولك مالعبد ناحر
رازق من على كونك بأحسان=جودك جود ماهو جود قاصر
بحق الصف ومافي سورةالجان=وما حطيت في سورة تكاثر
بحق آآيات سورة ال عمران=وما قد جاء على أيات فاطر
ومن ذا الدين فارقني الاقران=ومن ذا الدين قلبي في تكاسر
فلا شفت السعه في اي ميدان=واقوالي حبيسه في الحناجر
وانت الرب ذي عالم بما كان=وعالم كيف جاني وقت غادر
الهي انت كامل كل نقصان=وكاسر كل ظلامه وفاجر
وانت العون ان فارقت الاعوان=وان فارقت اهلي والعشائر
ويوم الحشر يوم الخلق عريان =وتكسي جلدي العاري حرائر
وفي قبري تباعد كل ثعبان=عن الجسم الذي غبنه تكاثر
وهذا القلب ربي كله ايمان=بآياتك على كل الدفاتر
وترزق ناس بالكيله والاطنان=وترزق ناس من حفر المقابر
وترزق ناس من لؤلؤ ومرجان=وترزق ناس من عدة خواطر
وملكك فوق كل املاك سلطان=وحكمك عدل حكمك ليس جائر
وذكرك غاص في لسني والاذهان=وشرياني من التسبيح ناير
ولا تجعل لي الحاسد بفرحان=وللواشي تخلي السعي خاسر
وجنبني حمى حومات نيران =وثبتني ليوم الخلق حاشر
ولي والد عليه القلب غلبان=وقبل الموت تعطيه البشائر
ووالدتي حنونه وانت حنان =فجنبها لسع يوم الظرائر
ومن مخزونك الفائض والاخزان=فعين الداين اديانه وكاثر
فله زهرات في بيته ومردان=وانت الحي موعدهم تناصر
لهم سهل فواكه بين رمان=وقادر تستر المردان قادر
عطائك خير لا تعطي بنقصان=وتعطي جهر وانت الحي جاهر
اخذت اموال قلت افتح بعطان=فتحت اسهم لحامد بعد ناصر
وكان العام الاول عام خيران=ربحت وكان ربحي ربح صادر
شريكي كان فارح فوق ما كان=اظنه ما غدر والظن قاصر
وفي المتجر وضعت الاخ سعفان=اثار سعفان في عشقه مغامر
وضع في متجري عيضه وحمدان=ذهب يعشق وكان العشق ناكر
ومخزنا بوسعه كان مليان=ولكن جوه طارقهم وعاشر
وكافح مخزني في نصف شعبان=وفي الاخر صفي حتى المساطر
سبب ذا العشق سعفان كان خوان=اخي سعفان عاشق بس عاثر
وزاد الطين بله سرق حيسان=بليل اظلم وانا للخل اسامر
دفنت جروح قلبي فوق الاحزان=وفي عطان ماحد لي مناصر
وكم نافعت اخواني بتبيان=ويوم احتجتهم كانوا عباصر
انا والجار كنا فوق الاخوان=ويوم القل كان الكل ناكر
وفينا واسالو شمسان وريدان =ويوم احتجت مالاقيت خاصر
وقاسم كان قصري قصر غمدان=ووقت الجد ما تلقاه قادر
وعمي تعترف به كل خولان=وعند الجد عندي قام خادر
وظهري مخزني صالح والاجران=تسهل رغم جهده جهد كابر
فلا لاقيت حد يشجب ولا دان=وكنت الباني الواضع مضابر
وكم خل اعتبرني حيد عيبان=وعيب العيب من قصر القواصر
اكرر قول ياليت كنت يقضان=وتكرار ليت ما تنفع لتاجر
وجولي ناس من حدبا وكحلان=وكلاً طالبي دينه كثائر
طلبت الخلق مهله فوق الايمان=ولكن جهدهم هو جهد فاتر
فلا حد قال امهلناك شهران=ولا حد قال مهلا لا تخاطر
انا من رد كم مغلوب فهمان=ويوم احتجت وقفه كان حاصر
فضاق الحال بل شاهدت الاهوال=وهذا الكون فوق النفس عاصر
وانا من كنت للمغلوب عوان=وكان الناس عندي في تحاور
فودعت الذي قد كان سهران=وداع الخل ان خله مغادر
وياحيدي مقنف فوق غيمان =سترجع لك علومي والبشائر
رحلت بغبن قارب حيد عيبان=وقلبي كان لغبانه يعاصر
وذنبي دين فوق الظهر مليان=مليون كان ثم النصف قاصر
تنكر لي بذاك الوقت الاخوان=وحتى الوالد الي كان حاظر
ومؤمنهم ومن له كنت حنان=وماحد قال يالمهموم صابر
وفمي عاف زادي كان ما كان=وحتى الماء تنكره الحناجر
ذبل جسمي ووجهى سار ذبلان=من الهم الذي للقلب فاطر
وهجرالخل زود غبني اغبان=وما حد كان لاغباني يناظر
كأني بحال يوسف فارق اوطان=ومالاقيت حد قربي مسافر
الاهي يا مفرج هم الاحزان=قادر تفرج الضيقه لعاثر
بحق كتابك الحافظ للوزان=وسورة قاف وعد آيات غافر
فرج هم من بالغم كربان=ومن غيرك لهذا العبد ناصر
وغبن الغبن للمتحمل اديان=وغبن الدين حاسر له وكاسر
سلام يا جوب قبل النفس تهتان=سلام يا قريتي ماضي وحاظر
نويت اهجر ثعالب كهف عطان=اذي هم ما يسلوا جبر خاطر
ويا غصن القنى قد فاق الغصان=سلامي لك ولك قلبي مناظر
رحلت بليل قاطع ارض همدان=بارض الله انا قررت اسافر
وذي سهل ليونس ضيق الابطان=وقد كان في ظلام البحر غائر
بقادر يبدل الضيقه ببرهان=ويجعل ربحنا بعد الخسائر
وبعد سنين فكت عقدة الغان=وربي قد كتب لي نصر ظافر
وهل الرزق من حنان منان=وفرجت كربتي والسعد سامر
اتاني شاب نسله نسل عدنان=عطاني كم صوافح جلد غابر
وفيه الطب كامل غير نقصان=حلول الطب للمرضى طواهر
فشافينا به العله والاقران=بقدرة ربنا هو رب قادر
وشافينا رجل قد كان عميان=وذي من لولوه جنبي مناظر
وردينا عليل النفس فرحان=وهذاه ناس تاتيني مقاطر
وجولي ناس من سينا وعَمَان=ومن طبي عطوني كم جواهر
وعشب الطب شافه كل انسان=ولكن عندي اسراره غراير
وخلف من تمنى ولد واثنان=وكانت امنيه ينظر لجابر
شفيت محسن وجسمه كان عيان=ورديته على داره يحاظر
وكم اسحار ابطلنا بهمدان=وكان الجن في راسه يخابر
برقيه شرعيه من قلب حران=وربي بعد عسره كان ناصر
جمعت الطب من عشبه ورياحان=ومن ورده وزهره كان ظابر
وكله فضل ربي رب منان=اذي سهل من اعشابه نواصر
وجولي ناس شايبهم وشبان=لأجل العافيه كلاً مناظر
وطبي كان للمغلوب مجان=وذي قادر دفع كم الف عاشر
وجوا لي ناس من حجه ولبنان=واخرجنا من الزهره كوادر
حفظت ألاف اعشابي والاوزان=وكل عشبه لها مقدار ساطر
فهذه طبها من صمغ لبان=وهذه طبها كله نشادر
وهذه طبها في وسط عيدان=وهذه طبها اوراق ظامر
وعاد الي جفاني عاد ندمان=وجاملني واهداني عصائر
وليته جا وانا عاطش وخرمان=وليته كان لاحزاني بعاطر
وطبي حق مافيه ابن علوان =ولا الجوشن ولا المندل بحاظر
ولكن طب ناجح طب سلطان=من العلم استقيته والمساطر
من الكندي مع الرازي وزهران=من الغساني الجيد المثابر
وزودته ببحثي بحث رنان=بطب العهد والطب المعاصر
كريم الجود ما يظلم له انسان=سهل رزقنا من ارض دابر
وصلينا على من حطم اوثان=محمد ذي تلقى نور ظاهر
Bookmarks