بسم الله الرحمن الرحيم
بدع الشاعر عصام محمد طهيف
ياذي انت عالي بعرشك حاكم وتحكم على حق
ياخالق الكون كله وسيت سبعه طوابق
انا احمدك حمد دايم مادمت انا حي برزق
الارض لك والسماء لك وانت خالق ورازق
والهاجس اقبل وللعلم انا معي هاجس احمق
طيب ومن قاله جن دايم يقوله بوارق
وصبح اليوم جاني لابس معصر مبندق
وشكه على الخصر ملويه ويملك جميع البنادق
وقال هذا سلاحي بضرب وبحرق وبسعق
ومن وقف في طريقي يحرق بنار السواعق
وقلت اسئلك بربك ذي بالسماء قوله الحق
ابترجاك ترجع لعى تسيلي تنابق
وقال للشر غافل ودوم للخير اسبق
وبالحسينه حسينه وبالحوارق حوارق
يهابني كل مارد والانس والجن لزرق
ومن وقف في طريقي بسقيه بسباس حارق
قال الولع بن محمد من قارب النار يحرق
ومن ردع حيد قاسي يخرج براسه فوالق
يصبح جبينه مفلق والحيد ماشي تدقدق
لاتضره قنابل ولاتضره سواعق
بيصير جسمه مقطع وثوبه بدمه مسقسق
منهو يضمد جروحه لاكان به نزف دافق
من حط مبنى وسوس بنا حجاره ووثق
سوا حصونه وعمر ثلاث واربع طوابق
ون ماتوثق بناها يختل داره ويندق
اعا تطاول بناها لومنت للساس واثق
والان قم يارسولي باوجهك نحو ذا الشق
بالورد وصل سلامي من قلب مخلص وصادق
باقه من الورد توصل وعطر غالي مصندق
لبكيل ومنهو بحوله ومن بجمبه مرافق
وقله البحر عامق ومن دخل فيه يغرق
يبداء بشبر وبقامه وبعدها بيصير عامق
كن جيب شعرك وفنك والزندقه لاتزندق
وحول للغاز ماشي سمعت في لك سوابق
اليوم صار اتصالك وبكره الخط مغلق
تجيب عني بردك من السماء والطوارق
ماباك تحرج معيا وتحط نفسك بمأزق
اما هجوسي وشعري مرسى السفن والزوارق
لاتنسى اني خالك وقلب الاب للابن اشفق
بسقيك كاس العواطف واعانقك لو تعانق
ولاهنا اختم كلامي ون حد ضحك او تلوق
ماني بشاعر ولاكن للشعر مغرم وعاشق
والعفو لاطف قولي مبقاك تزعل وتحنق
والحين قدها مقاله من بداء لايحانق
ولفين صلو معيا للذي نوره مشتق
شفيعنا يوم ماحد يلاقي صديقً يصادق
رد الشاعر بكيل السلفي
ببدى بذكر الله واحد احد قوله الحق
سامع دعاء المظلوم من فوق سبعه طوابق
سبحان من رجع الطين لاروح تمشي وترزق
وسي بالروح دفتر لاحق حصاها وسابق
والحين بسرد قصيدة الرد فيها موثق
من بحر فكري انقي من كل لئق ولابق
بن علي قال جيتك وسيل شعري مدفق
تغرق بها زرع طينك ماباترده عوايق
لامايفيدك هجوسك ذي قلتلي بأنه احمق
بايطرحك مثل ماهو قد طرح في السوابق
لاكن هجوسي معيا بندقه عالضهر علّق
ينتظر مني اشاره بعدها تبرق بوارق
وانتبه من كلامك ووزنه قبل تغرق
لاتستخف بي رجائن شفني على الشعر خارق
قلت انك شراره من لهب نار تحرق
ومن وقف في طريقك تحرقه بالصواعق
لاماتفيدك شراره قدام موجٍ تدفّق
ماينفعك ذي ضحكلك او شخص تافه منافق
ماالبيت شفني بنيته والساس حفره معمّق
والحجر صم قاسي مابتهزه لقالق
ذي يزرع الشوك دايم ياكم وكم هو تملق
تاريخ اسود معاهم مابين ناهب وسارق
وانته تعرف خبرهم في كل صفحه موثّق
ماهيه جديده عليهم شفها عليهم سوابق
وموضوع اللغز لول احذر معي بتأربق
بدّخل في متاهه بتضل تايه وعالق
وايش اسيلك اذا انته بالعقل جاحد معوق
واللحيسه براسك اصبحت دست مارق
والحزام المرصرص ذي على الخصر طوّق
ماتنفعك كم رصاصه بيتي على درب طارق
راسي قوي لوردعت الحيد بايقع مدقدق
صبه مسلح براسي لاماتصيبه فوالق
ماهزني برس غارس او حر في الجسم عرّق
جلدي خشن ياطهيفي ميقرطه شخص لاعق
والبحر شفني سبحته ماهمني عمق خمبق
وانته بساحل مشبر بين تاك الزوارق
وبن سفن ماتراجع بطعنت الشوك بزّق
من جروحٍ بسيطه رحت بالصوت غارق
وشاهد اعيان عندي ولد خاله مصدق
بالنقيب كنت نايم من سموم الحوارق
والاتصال الذي هو صار لك عذر زندق
لاتزور كلامك طبعي مع الحق صادق
الحل واضح وباين واللغز ماهو منسّق
رتب سياغت كلامك وحبك حروفك ولاسق
الحل شفها الهداله من بقاها تسلق
عالعلب تحكم وتاكل من صميم العوالق
والحين ياخال شفني شاعراٍ باتألق
وانتبه في كلامك بيقع الرد ساحق
باحد سيفي وخلّيه قاطع احمر ملذّق
ومن تطاول عليا مايرى الشمس شارق
بقتله قتل هندي ذي قتلها وحرّق
ونثر رماده بجوّه هاذا مصير المراهق
وبنطلق بالقياده والجير خامس معشّق
وباشوف منهو بدالك لاحياته مفارق
ببقى كذا دوم دايم في سماها محلق
ومن يعارض كلامي رزق الحدى والبوارق
والصلاة عالنبي ذي بسمه النور شرّق
شفيعنا بالقيامه يوم ماشي مرافق
وتحياتي
Reply With Quote
Bookmarks