نصيحة للنساء

**المشرقي** · 11-05-2005, 10:45 PM

السلام عليكم

فيه وحده معزومه على زواج ويوم الزواج قامت الحرمه
وتروشت وتنظفت وسرحت شعرها احلى تسريحه
وسوت مكياج حلو ومرتب ولبست احلى فساتينها
وتعطرت وتبخرت وبعد ماخلصت اتصلت في زوجها
وقالت له اني خلصت
قالها زوجها دقايق واكون عندك شوي
واثاري زوجها قدامها
الرجال يوم شافها اعجبته لانه المسكين مايحصله
يشوفها مرتبه الا في المناسبات
المهم طلبها زوجها تترك الزواج وتجلس معه
وقال لها ابغى اخليها احلى ليله وراح اعوضك عن الزواج
قال لها اجلسي معي وننبسط ونسهر ونجيب عشاء من المطعم الزوجه وافقت

قال لها زوجها ابغى اروح اجيب العشاء علشان ما اطلع
راح الرجال مستعجل وجاب العشاء ودخل بيته
وش شاااااااااااااف قدامه

.

.

.

.

.

.

.

.

.

الحرمه فاصخه فستانها ولابسه قميص قطن من
حقات البيت وغاسله المكياج وفاكه التسريحه وحاطه
في شعرها زيت ورابطته

الرجال عصب وسالها ليش غيرتي ملابسك وليش سويتي
في نفسك كذا
قالت الفستان ضايقني وانحشرت منه وغسلت المكياج
ماله داعي وزيت شعري عقب الرغوه والاستشوار
تصدق توي احس في الراحه يوم لبست هالقميص

قام الرجال يهاوش وقالها الزينه بس للناس
وانا زوجك ما تهتمين لي
وقال والله ماتذوقين العشاء والحين تقومين قدامي للزواج
وتدخلين عليهم كذا وانتي في شكلك هذا والا ما راح تجلسين الليله في البيت حاولت فيه الحرمه ماقدرت لانه حلف
وفي النهايه مالها حيله قامت ولبست عبايتها ودخلت في الزواج
كانها شحاذه وتركها الين اخر الليل وكل الي في العرس شافوها
هي اجلست في عبايتها ما فصخته....... (سوى احراج لزوجته...)

**امــل** · 12-05-2005, 02:26 PM

اوووووووووووووووووووووووو مسكاينه كيف كان شكله في العرس بس تستاهل

على فكره اني بحذر الحريم الي يسووا كذ في أزوجهم
ومشكووووور اخي المشرقي

**المشرقي** · 14-05-2005, 04:37 PM

تسلمين والله ............................نجوي

وتحياتي لك

**suzy** · 14-05-2005, 05:55 PM

فعلا تستاهل

الزوجه لازم تراعي زوجها وتراعي انه انسان ولازم تتزين له وتدلعه وتخليه مايشوف غيرها

لان الزوج لما مايلقى زوجته لابسه ومجمله عشانه

اكيد راح يحاول يعوض هذا النقص من برع ومن التلفزيون وغيره

وهذا للاسف حال كثير من الازواج

بس مثل مالرجل يطالب زوجته بانها تظهر باحلى صورة قدامه

لازم هو كمان يشوف نفسه ويشوف منظرة

والله انه في رجال مايقدر الواحد يوقف جنبه من ريحته فكيف زوجته

وهذا مايلبس ويتعطر ويتانتك الا لما يخرج مع اصحابه او لو في ضيوف عندهم

نصيحه لكل الازواج

على كل زوجه انها تهتم بزوجها وتحافظ عليه حتى لا يتركها ويدور غيرها

وعلى كل زوج انه يراعي زوجته ويراعي مشاعرها

ومثل ما انت تحب الحلو وتحب تشوف كل شي حلو

هي كمان تحب الحلو واللبس الحلو والريحه الحلوة فيك

اللهم انا نسالك الهدايه

مشكووووور اخي المشرقي على إثارة هذا الموضوع

واهلا ومرحبا بك في ملتقى البيت والاسرة