والله جبتيها لما اخترتي سامح ..(;
والله ما حسيت انه الحوار تأليفك .. فكرت انه بجد حقيقي ..
اوكي ..
اول حاجه ..
لما نبغى نطرح موضوع للنقاش لازم يكون الموضوع يستحق النقاش ويكون فيه قيمه بعيد عن الأسفاف
وبعدين اهم شئ نحط في بالنا ان هدفنا من الحوار هو الخروج بفائده ..
انك مثلاً نوصل لحل لمشكله .. انك تقنع الطرف الثاني بوجهه نظرك لو كانت عنده فكره خطأ ..
لأننا دائما نفتح مواضيع للنقاش وما نخرج منها إلا بصراخ والعويل .. أو على الأقل بالزعل و الأختلاف ..
يعني حتى لو اختلفنا على قضيه معينه لازم نتفق ان الود باقي والنقاش زائل ..
فلازم دائما نلتزم بادب الأختلاف ونحط في اعتبارنا هالجمله ( رأيي صواب يحتمل الخطأ ورأي غيري خطأ يحتمل الصواب )
واننا لو اضطرينا ندخل في نقاش حاد نتذكر دائما الأيه الكريمه : ( وجادلهم بالتي هي احسن )..
عشان على الأقل إذا ما قدرت تقنع الطرف الثاني بوجه نظرك .. تخرج من النقاش بأقل خسائر ممكنه ..
وتحاول تتجنب دائما انه الحوار يأخذ مسار شخصي .. لأنه وقتها رح تلاقي المتحاورين يدوروا في حلقه مفرغه .. وما رح يوصلوا لشئ
وتركز دائما انك تقرب وجهات النظر وتقلل من هوه الأختلاف ..
هذا شئ ..
الشئ الثاني انه في بعض الأشخاص في نقاشهم يتبعون القاعده اللي تقول .. ( إذا لم تكن معي فأنت ضدي )
يعني يا إما انك تقتنع بوجه نظرهم .. أو انه رح يستسخف برايك .. ورح يحاول على قد ما يقدر بس انه يثبت انه هو الصح .. حتى لو ما كان معه حق ..
وبعدين في بعض المواضيع لو كنا نبغى ننتقد شئ معين لازم اننا نفتح صدورنا للحوار ونتجنب التجريح في شخص معين ..
اما عن صفات المحاور الجيد .. انه اهم شئ يكون عنده خلفيه كامله عن الموضوع عشان تكون حجته قويه .. وانه يلتزم بإدب الاختلاف ..
بس هذا رأيي <<< هذا كله وبس ..
عندي بس ملاحظه على جمله في الحوار ..
و لو مااقنعته هو وربه يسدوا كدا نكون عملنا الي علينا.
لو تحذفي هالجمله من الحوار رح يكون احسن جيجي ..
اوكي ..
المهم .. يمكن يكون اسلوبي هنا لكم عليه .. بس اهم شئ الفكره وصلت ..
يللا سلاااااااااااااااام
Bookmarks