الأصل واحد
قــــال المريسي أندهش عقلي أندهش
بباهي الحسن ابو الوجــــــه البشــــوش
ومـــــــــــــن عيونه ارتبش عقلي ارتبش
وطحت من سهم عيونه والرمـــــــــــوش
قربت صـــــــــــــــــــوبه وانا بحالة دهش
والقلب نزاف قد كله خــــــــــــــــــــدوش
متشرد الفـــــــــــــــكر وجسمي يرتعش
بآن ارتباكي على الوجـــــــــــه الدهوش
فقلت ياذا الغـــــــــــــــــــــــزاله اسئلش
بالله ربش ورب امش وابــــــــــــــــــــوش
اللي على الغيد جمــــــــــــــــله فضلش
حزتي حـــــــــــــــــــلا كل عربنا والبلوش
حلاش تحفه ولا احـــــــــــــــــد يشبهش
ردي على الهالك الظامي العـــــــــطوش
لا شي سوى الــوصل يروي لي العطش
ياللي جميع الخلايق قد هـــــــــــــــووش
لـــــــــــــــــــــو الوصال بايقدر ( بالبقش )
مايهم مايهم باندفــــــــــــــــــع ( قروش )
وان قلتي الـــــــــــوقت من يلطش لطش
انا لمثلش في الـــــــــــــــــــــدنيا لطوش
انا المحنك بساعــــــــــــــــــــــات الغبش
الصبح باغزيش في وقت الغبـــــــــــــوش
ما دام قلـــــــــــــــبي في الحب اهتمش
وفيه لش قد بناء ارقى العـــــــــــــــروش
مــــــــــــــــا نهاب اهلش ولا منهم معش
الناس دايم يسمونا الطهـــــــــــــــــــوش
أشــــــــــــــــــــــــر بكفً تزخرف بالنقش
بيد رسام متقن للنقــــــــــــــــــــــــــوش
وقــــــــــــــــــــــــال بالوصل كلانا ينتعش
انته وانا ساس واحد لا تهـــــــــــــــــوش
من اصل يعرب عــــــــــــــرب لسنا حبش
لا يغرك الشكل يا شاعر غشــــــــــــوش
تغير الحـــــــــــــــــــــــــال من كثر الربش
والاختلاط هو سبب هذا الطيـــــــــــــوش
تحياتي
Bookmarks