أمي تسلم عليكم وتقول عندكم طماطم؟؟

[الشمقمق]

السلام عليكم ورحمة الله وبركاته


طرق باب بيتنا ... ليقول لي ولد الجيران

أمى تسلم عليكم وتقول عندكم .... طماطم....!!

ابتسمت من قلب

وقلت له عندنا ... ولو ماعندنا زرعنا لكم بحوش بيتنا

هلا بالجار الصغير ....


منذ متى لم يطرق بابكم أحد الجيران لطلب

طماطم او بصل او خبز ... !!!

ربما يقال اننا بخير ونعمة ولم يعد الطلب من الجيران

له ضرورة ... ولكن لا أعتقد

فقدنا الطلبات الصغيرة بين الجيران

فقدنا طعم الجيرة....

كان الجار يطلب من جاره بصل

وبعدها يرسل له قليل من الطعام

عيش وملح

الآن تعد الطلبات بين الجيران عيب وقلة ذووق ... !!

وقد تستغرب أن يطرق جارك بيتك بدون موعد واذن مسبق واتصال

وقد يتهم الجار بالجنون حين يطلب طماطم

زمان لم تكن الحالة الاقتصادية مثل الآن

اليوم فواتير وديون وأقساط و أسعار مواد غذائية عالية

وعيب نطلب وندق باب الجيران...

زمان حياه بسيطة وقلوب أبسط *** وصغار الجيران

وجملة .... أمى تسلم عليكم وتقول عندكم بصل


جميلة العبارة

بجمال البساطة..........

وجمال المحبة............

وجمال روح الجيران الوحدة..........

كنا بيت واحد.........

وطبخه وحده..........



اخبرتنى جدتي أن الاسر قديما تشعر بمدى حاجه جارها

وترسل له من غير طلب

واذا راعي البيت قضى لبيته ماينسى جيرانه ...

واذا بقى شي من العشاء... يرسل للجيران..

واليوم يزعل الجار من بقايا العشاء يعتبرها فضله....


ليست المسالة بمجرد الطلب ياأخوان

وليست عبارة أمى تسلم عليكم وتقول عندكم طماطم هي المحك

لا ....

ولكن العلاقه نفسها فقدت طعمها

فقدت دفئها

فقدت الجيره

لم تعد الحياه لها طعم بعد الاستغناء عن بصل وطماطم وخبز الجيران

وحين نعطى الصغير طلبه ... نتنتظر عودته بطبق من عشاءهم ...

ليتها تعود تلك الايام ... رغم أنى لم أعشها حقيقة

ولكن احيانا أتمنى عوده ايام ماضيه بزمن جميل

وجيران ترسل وتسال وتطلب

بدون قيود حياة مملة ورسميات قاتلة.........



أحضرت الطماطم للولد الجيران .... ووصلت لنهاية كلامي ..

قول لماما أمي تسلم عليكم وتقول .. اذا بغيتو شي لايردكم الا لسانكم

وخرج الصغير ولسان حالي يقول:




شكر لك عشت معك لحظات أصبحت مفقوده .. بزمن لم يعد الجار يعرف جاره



(( وأمي تسلم عليكم وتقول عندكم ردود ؟ ))



عجبني ونقلته ،، لعل وعسى أدق على جيراني يوم وأقول عندكم تباسكو ؟
لوقنم....

[أنيــن]

صحيح اصبحنا في هذا الزمن حتى لانعرف من هو جارنا وقد لانلتقيه الا صدفة
قد يكون الزمن ومشاغله جعل كلا منا يلتهي بحاله
وفقدنا طعم الجيرة

تحيتي لك
نقل موفق

[الشمقمق]

اشكرك اختي فتاة الإسلام .. والله انا اول ما قرأت هذا الموضوع .. والله وقفت فترة .. وجلست افكر .. فعلا متى آخر مرة جاء شخص الى باب بيتنا وقال امي تسلم على امك وتقول عندكم (اي شيء ).. اصبحنا نتكلف بشكل كبير .. واصبحنا نفرض على حياتنا قيود وضوابط للبرستيج والعلاقات ما انزل الله بها من سلطان وصارت هي التي تحركنا وهي التي تجعل علاقتنا مع الاشخاص علاقة رسمية رتيبة ومتكلفة في كثير من الاحيان ..
اشكرك على المرور..

[عاشقه الجنه]

صدقت والله في كل كلمه خلاص الزمن الجميل راح صار كل شي فيه تفاخر وكبر حتى في الافراح بعض الجيران ما يشراكون بعض حتى في الافراح بحجه هما مين واحنا مين سبحان كلما تتطورت الحياه بعد الناس عن بعض
بس ها الاشياء لسه موجوده في القرى لسه متماسكين متقربين مفيش واحد غنى والثاي فقير مع انه في هاذ شيخ وهاذ ذو مكانه بس حياتهم زي بعض ولبسهم زي بعض وفرحهم يتعاونون فيه مع بعض واحلى اايام ايام رمضان بتكون احلى الامسيات والناس كلهم في الليل برا بنات ولاد حجات شيوخ كل الناس مع بعض احلى ايام والله انا لمن ازور القرى واالله بكون مش عاوزه امشي منها عشان الافه والدفء الاي فيه وعدم الكبر يسلمو اخوي طولت في الكلام بس والله لسه قليل موضوع شيق جدا مشكور

[اميرالحب والحرب]

موضوعك جميل
كانت الاشياء موجوده
ولكن للاسف اقرضت في المدن ومثل قول الاخت عاشقة الجنه ماتزال في القرى ..
وسلم على امك وقلها رديت على الموضوع
تسلم

[أمــل]

حياة مملة ورسميات قاتلة.........
والله من جد
زمان أول فيه بساطه حب وئام
نوايا صادقه 0000
لكن للآآآآآسف الآن النفوس تغيرت
أحياناً يمر الأسبوع والأسبوعين او حتى الشهر ونحن لانرى ولا نعلم باأحوال جيراننا

إلا ليت الزمن يرجع ويرجع وقتنا الأول
أشكرك أخي الشمقمق موضوعك أعجبني
تحياتي لك

[ورد القمر]

ذكرتني بهالمضووع بهذي النكته

في واحد قالت له أمه روح بيت الجيران وجيب كركم
راح وقال امي تقول تعالو كلكم


صحيح زمان كنت ما أكل إلا وأنا شايله بالصحن لبنت جيراني عشان تعطيني هي بعد اكل من عندكم
ونتقاسم النكهات

والحين لاحس ولاخبر

اذا وحده تقولي والله بيت عمي عدال بيتنا وماعرف عنهم شي

اجل كيف جيرانهم ؟

والرسول صلى الله عليه وسلم يوصي بسابع جار

وحنا الجار الييفصل بيتنا وبيتهم سكه صغيره مااعرفناهم

استغفرك اللهم واتوب إليك من هالزمان الجاير

طييب أرفعوا التلفون وأسألوا عن جيرانكم والأفضل ان تتحددون معاهم موعد وتتواصلوا معاهم
انتم واهلكم وصغاركم ومن ماملكت ايمانكم

ولا تتنازل على هالزمان الجاير

[شلاش]

ايه الله يرحم زمان اليوم اذا كف جارك اذاه جزاه الله كل خير

[barywi]

امي تسلم عليك وتقولك بطل ثرثرة

والله انك صادق كنا نعرف اسماء سكان الحارة الان جاري الباب بلباب

له 7 سنين من سكن بجوارنا ماعرف اسمة ولا اعرف اولادة والاعرف الا انه سوري مستثمر

فقط ايام زمان كنا في حضرموت في القرية نطلب الكبريت والملح والشاي والسكر والرز والبصل وكل شئ
المهم موضوع ذكرنا في ايام التراحم ونحن في ايام التزاحم

تحياتي

[نور المستقبل]

موضوع جميل جدا

قلب لي مواجعي

الله يجمع شملنا بس

مشكور اخي الكري

[الشمقمق]

اشكركم كلكم على ابدااااء شعوركم وما يختلج في صدوركم ..
والله ايااااااااااااااام زمااااااااااان لو رجعت كان سويت بلاوي اكثر من الي سويتها زمااااااااااان ...
والله في الجامعة هنا .. وانا ساكن في سكن طلابي .. والله الي جنبي في الغرفة ما اعرفه الا شكل بس ...
وكم مرة دقيت عليهم وابغى اقولهم امي تسلم عليكم وتقولكم ذاكروا لي بس ما احد يرد علي ...
مشكلة هذه المصيبة ...