اللي مايتزوجك ...... مستحيل يكون يحبك

**حنين محمد** · 04-03-2005, 10:09 PM

اللي مايتزوجك ... مستحيل يكون يحبك

اللي ما يهديك اسمه ... ويتشرف بك حنانه

وياخذك عهد وأمانه ... ويمنحك بيت وحياة

ويقسم أيامه لقلبك... مستحيل يكون يحبك

أي حب اللي تبينه ؟؟
أي رجل اللي تصدقينه؟؟

أي عمر تضيعينه؟؟

و أي زهر تذبلينه ؟؟

على حروة ... إنك لعهدك وفية

يا حنونة ... يارقيقة ... ياغبية

بهالبساطة احسبيها... وافهميها واعقليها

اللي ما يتزوجك ... مستحيل يكون يحبك

متى تخلص هالحكاية ...؟؟؟

يكفي العمر اللي ضاع .... يكفي الشمع اللي ماع

يكفي الصبر .. العذاب

يكفي الذل ... العتاب

مرة اتخذي قرار... ينقذك من هالضياع

فارقيه.. وعيشي عمرك

فارقيه ... وشوفي زهرك

فارقيه .. وامشي دربك

توبي عن ذلك و ذنبك

وإن ضعفتي مرة و رد الحنان.. للسنين اللي زمان

حطي في بالك حقيقة... قاسية حيل ومريرة

اللــي مــا يتزوجك .... مستحيـــل يكـــون يحـــبـك

--------------------------------------------------------------------------------

**القطامي** · 05-03-2005, 02:51 AM

يعطيك العافيه أختي العزيزه (حنين محمد)
وصدقتي في كله كلمه كتبتها أناملك
اللي ما يتزوجك مستحيل أنه يحبك كلمات في غايت الرؤعه
ونصيحه في محلها أتمنا من المشاركين قرأتها

(أخوك)

**مغترب في عذاب** · 05-03-2005, 04:29 AM

الا خت حنين
اعجبتني الكلمات التي رتبتيها بشكل ابداعي متناغم

واسف ان لم تعجبني الفكره فالحب هو الحب
لايعني الزواج في معظم الا وقات افرضي انا موت فيك واعشقك احبك بكل معنى الكلمه
اسهر الليل افكر فيك وانام احلم بك وبقربك
وانا كل امل حياتي اني اتزوجك وحبي لك بكل معاني الحقيقه

جيت في يوم من الايام من الغربه وما شاء الله كان عندي فلوووووووووووووس قاد كذا
شايف نفسي مررررره وانا ناوي اتزوجك
كانت امي متزاعله مع امك ورفضت وقومت الوالد علي اختي اخوي قامو يصارخون في
في وجهي طيع امي ما تبغى ها البنت
الام رافضه كل الرفض اها يا مه يمين يسار حاولي من هني مني ما في

انا مو طالب شورهم ابجي اخطبك اخطبك لو تنزل السماء مسامير
وقفت هني عند كلام امي والله لو خلفت كلامي وسويتها لا ادعي عليك واصبحك

هني توقفت يا ضا الله ورضا الوالدين وكل شي عندي في الدنيا هذا

هذا الشي حال بيني وبينك
ظليت احبك وواصلت حياتي تحرميني مني حبي لك لا طبعا فانا حبي كان صاق

وهذا مجرد مثال وفي ظروف غير ذلك فنصيحتي لك ان اللي يحبك يحبك

لا تظلميه حنين اروح ادعي عليك

استمري في ابداعك ونحن معك

في غربتي تغرب النور عن عيني
وش حاجتي بنور عينا غاب غاليها

**حنين** · 05-03-2005, 10:31 AM

أول المشوار اقتناع ....ادراك للحقايق وبعدها امتناع...

مسكت الخيط يالغاليه وهذا هو بداية الصح ودرب الصواب....

اي يجب هذا اللي يعيش بالظلام

الحب مثل الشجر ...من غير النور ينبت ضعيف وأوراقه أقرب للخريف ...وفي الأخير يذبل يموت من غير نور ..يذبل يموت....

أحسنـــــــــت نضوج الفكر...احسنت الطرح...

**حنين محمد** · 06-03-2005, 08:29 PM

**بن محمد** · 08-03-2005, 06:54 PM

اختى ليه ما يكون العنوان اللى ما يحبك يستحيل انه يتزوجك وعلى العموم الموضوع راءع وجميل لكن الحب والزواج ليست الا خرافه اقصد الحب قبل الزواج لان اكثر الزيجات التى بدءات بقصه حب وغرام عاده ما تنتهى الى الطلاق وهدا رائى وشكرا الك اختى مع تحياتى بن محمد :love: