بسم الله الرحمن الرحيم
السلام عليكم ورحمة الله وبركاته
اخواني واخواتي اعضاء عالم ماسنجر
تحية طيبة وبعد....
حبيت اني انقلكم قصيدة واحد كان يحب وحدة موب بس يحبها الا يعشقها
وحب من الطفولة بس الله ما كتب لهم نصيب وتوفت البنيه بحادث سيارة قبل
زواجهم باربع شهور وهي قريبتة
وللحين وهو يحبها ومانساها
وصراحة كتاباتة في قمة الروعة ماشالله عليه وبعد ماقريتها طلبت واستاذنت
منه اني انشرها لانه حرام قصايد حلوة وماتننشر وسمح لي بنشرها
وحبيت اوريكم اياها وتقولون لي رايكم فيها
واتمنى من الجميع الدعوى للمروحومة بالرحمة والمغفرة
واسفة على الاطالة.....
واتركم مع القصيدة
(الـــــمـــــرثـــيـــه)
جاني خبرها وأنـا فـي تعيـس النـوم
فزّيـت فـزّة خبـل مايـدرك أفعـالـه
سألت مرسول الخبر عن تأكيـد العلـوم
قال لي حـل القـدر مـن رب الجلالـه
قلـت لـه كــذاب يـازايـر الـنـوم
قـال لـي مسمـوح ومـالـك زلالــه
هذا قدر ربك وماينفـع النـوح واللـوم
إصبر وإدعي من الـرب يحسـن مقالـه
ذكــرت ربــي والـدمـوع زخــوم
مانـي متخيّـل حياتـي بـلا وصـالـه
قالوا لي هدّي وقـم نصلّـي مـع القـوم
وإعرف صلاتك تـرى بميـزان أعمالـه
مسحت دمعي وإغتسلت قاصدٍبيت قيّـوم
صلّينا عليها وعلى شايـب ودع عيالـه
شالوها اهلها وانا مـن خلفهـم مهمـوم
كاتمـن دمـع أخشـى مــن إنـزالـه
عرفـت إن الأمــر صــار محـتـوم
يوم إن جسدها نزل فـي ضيّـق مجالـه
غمضت عيني ودعيـت يامسيـر غيـوم
تجعـل قبـر محبوبتـي جنـة إحـلالـه
صـار الدفـن وأنـا بحسرتـي محـروم
عزّيت أبوها وأنا اللي العـزى يرسالـه
جاني أخوي وحـس جسمـي المحمـوم
قـال لـي وشفيـك قلـت كلـي بكالـه
كل مافينـي بكـى مـن راسـي للقـدوم
قـال لـي مـعـذور لــو مارجـرالـه
كلهم راحـوا وبقيـت وحـدي والهمـوم
واخوٍبكـى لبكـاي ماإستحمـل الحـالـه
سندنـي أخـوي وقـال يااخـوي قـوم
يكفي وخـل القلـب يحيـا بمـا بقالـه
قلت له ياخوي قلبي ترى صار مسمـوم
إعـذر فـؤادٍ صــار فـاقـد منـالـه
خلني عند قبرهـا أذكـر ماضـي حلـوم
حلمٍ حلمناه قبـل يجـري اللـي جرالـه
سجدت أنا عند قبرهاوسال دمعي المظلوم
ودعتها بتقبيل الثرى وقبر ضم مجلالـه
وفي بيتي التاسع عشر عدد عمرها بالعوم
أنهي قصيـدي بدمـع ماوقـف إهلالـه
الكاتب: الخيــــــــــــــــال
انشاللة اعجبتكم قصيدة المرثية
منقوله
Bookmarks