البعض منكم قد خلص الامتحانات، والبعض عاده تحت نكد الدراسه ومدفوس بين الكتب والملازم ووووو الخبالتلفون انا وصديقتي ملاك:-
حبيت اجيب لكم صوره لكل عضو ايام الامتحانات
ومشان اعطيكم مثال ببداء بنفسي
راح اكتبها مثل ماصارلي بالضبط مع تغيير الشخصيات الي حولي ونسبها للاخوه الاعضاء اووووووووكيه
يلا بسم الله
احداث القصه بالصف الثالث(اعــدادي) "تاسع"
اولاً: الحاله بنت يافع(سمسم)
{قبل الامتحانات بأسبوع}
ملاك: والله العرس مش مليح ضبحت كنت اشتي اروح من البدايه
سمسم: ايوه قد ركزت عليك كنتي ضبحانه عادني اشتي اسألك ليش اسمعي اسمعي
ملاك: ايش في؟
سمسم: دريتي ان الاء فسخت الخطوبه
ملااك: بالله عليك__ من قالك؟
سمسم: قالت لي اختها وكمان في مشاكل وصياح الله يعينها
ملااك: الله واعلم -- سيبك من الحشوش ؛ قوليلي فين وصلتي بالمذاكره
سمسم: ايش من مذاكره؟؟!!
ملااك: ماااالك الامتحانات بتبداء بعد اسبوع.
سمسم: بالله عليك ،،، مسررررع،،، عادهم قريب قالو بعد شهر
ملاك: مالك ياشهر ،، شكلك نايمه ولا داريه بالدنيا.
سمسم: اووووووه كيف اعمل اني ، طيب اشريلي الدروس الي باتدخل بالامتحان!
ملااك: يابنت اصحي معي هذا وزااااري ،، عاده أأشرلك
سمسم: ايش قصدك؟؟!!
ملااك: يابنتي قصدي انه كل الدروس كل الكتب داخله ،، كلها.
سمسم:انتي من صدقك،، ايش اني كمبيوتر علشان احفظ 20 كتاب بأسبوع!!
ملااك: لالالالا ولا يهمك سمعت انه السنه ذي بيستوي غشوش على كيف كيفك.
سمسم: بالله عليك!؟
ملااك: ايوه قالولي البنات.
سمسم: طيب يلا مع السلامه اروح اتحفظ لي كلمتين احسن لي
ملااك: اوكيه سلااام____________
سمسم: يمااااااااااه (مـــ الحب لاك) يمه نعم الامتحانات بعد اسبوووع.
ملاكو: بشرك الله بالخير <<< تقولها بصياح
سمسم: مالك يمه اصلا الامتحان سهل واني قدني حافظه له بس باقي لي استذكار ...
ملاكو: ايوه بنتي نابغه واني مش داريه.
سمسم: طيب قدك باتشوفي الشهاده حقي،،، واذا نجحت ايش بتهبيلي<<<<< مصلحجيه..
ملاكو: لما تنجحي بيقع خير.
سمسم: طيب بروح اراجع لاحد يفتح عليا الغرفة.
ملاكو: طيب الله يوفقك يابنتي ،،،، تشتي حاجه؟
سمسم: لا بس لاحد يزعجني،،، وزاااااري يمه وزااااااري
وقفلت على نفسي الغرفه وفتحت النت <<<<<< ونعم المذاكره ،
وكنت حاطه معي قلم وورقه جنب الكمبيوتر وبعد ساعه اجت امي::
ملاكو: هيييئ يابنت ايش تسوي؟؟؟؟؟
على طول مسكت الورقه والقلم ،، سمسم: يمه في كلمات بالانجليزي مافهمتها قمت اترجمها من النت<<<< خطيييره صح
ملاكو: ناااهي،، الله يوفقك.
سمسم: ايوه يمه كثري دعاوي دعيلي يمه دعيلي.
المهم ماكنت افتح الكتب الا ساعه او ساعتين بالكثير يومياً..
وماكنت اذكر الكتب إلا اذا حد طلب مني شغله..مثلا::
مره اجى اخي (ابو نواف)
ابو نواف: يابنت بطي لي القات..
سمسم: والله كان من عيوني بس معي مذاكره،، وزااااري يا أخي وزاااري.
ابو نواف: ايش من وزاري ايش من طلي، اشوفك جالسه عند التلفزيون ولا هامك شي.
سمسم: قد كنت الان رايحه، ليش حرام الواحد ياخذ له استراحه ،، تشتوني اموت فوق الكتب حتى أ ا......
ابو نواف: شششششش عمى سكته ايش لتكوني بلعتي راديو يلا انقلعي ببطي لنفسي مشتي منك حاجه.
سمسم: خلاص يلا رايحه اراجع<<<<< بنشوف
وعلى هذا الحال ، ويوم الامتحان،،::
تراااااااان ترااااااااااان<<< موسيقى رعب
صاحيه من الساعه ست الفجر اولا قمت جهزت ملابسي وشنطتي ورتبت كل اغراضي <<<< الاناقه اهم من كل شي^_^
وعلى اقل من مهلي ورحت المدرسه واول مادخلت عتبه المدرسه!!!!!!!!!!!!! وين رقم الجلوووووس؟؟؟؟؟؟؟؟؟؟؟؟؟
نسيته بالبيت<<<< اصلا مش فاضيه جالسه قدام المرايا
وارجع البيت من جديد وفتحت امي الباب
ملاكو: ماااالك يابنت،، ليش روحتي،، خييييير؟
قلبت وجهي،، سمسم: فصلوني يمه فصلوني من الامتحان.
ملاكو:ليييش،، ايش سويتي،، ليكون مسكوكي تغشي،،
سمسم: امزح امزح يمه مافيش حاجه، بس نسيت رقم الجلوس حقي.
ملاكو: قلعك ربي،،، فجعتيني،،سيبتي ركبي.....
سمسم: يمه لاتدعي عليا ،، إلا اليوم،، بعدين برسب، ..
ورجعت المدرسه واشوف البنات
كانت اسيل عيونها حمر زي الطماط ::
سمسم : مالك يا أسيل ليش عيونك كذا.
اسيل: روحي من قدامي مش فاضيه له قدني بلا نوم حالتي حاله.
سمسم: خلاص خلاص يمه بتاكليني،، سلااام
وشفت حنان تحوووس بين البنات تدور على جواب لسؤال::
سمسم: حنونه حبيبتي قوليلي ايش من سؤال يمكن اساعدك!
حنــان: ايوه السؤال الي بالصفحه الــ ـ ـ ـ
سمسم: روحي اسألي ملاك هي تفهم اكثر مني
اما الاء كانت مهمومه ومحزونه ولا لها حس ولا خبر<<<<< مسكينه انفسخت خطبتها^_*
والي تشخبط بيدها والي تقلب كتابه حالتهم حاله
انا ايش عملت،،،،،،، رحت لي المقصف واشتريت لي خمير وشاهي وعدلت مزاجي ودخلت الامتحان بعقلي وجزع اليوم على خير،
وخرجت من الفصل والبنات بحاله ربشه ومرباشه وذي تتأكد من جوابها والثانيه تبكي ماعرفت تجاوب كما الناس ، والي تسأل البنات عن اسئله بالماده اليبعدها،،،،،،،، الــخ
المهم روحت البيت واستقبلتني امي::
ملاكو: هاااااااه كيف سويتي؟؟!
سمسم: عيييييييييب يمه ايش من واثقه من بنتك ولا ايش؟؟!
ملاكو: الا يابنتي والله قدني جالسه ادعي لك ،، يلا كلي لك لقمه وروحي راجعي الماده الجايه
سمسم: يمه ليش اراجع واتعب عمري ووو وبالاخير قدني ماباكمل دراسه يعني اتعذب عالفاضي.
ملاكو: كذا،،،،، طيب تعالي اشتغلي معي وصفي البيت قدك خارجه خارجه اخرجي من الان اريح لك،،،،، ايش رايك؟؟؟!!سمسم: لالالالالا خلااااص براااااجع.
وعلى هالحال الى اخر يوم بالامتحانات
ويوم النتائج الحمد لله كنا مسافرين ^_*
ومااستلمت شهادتي الا بعد سنه تقريباً من صدورها، وبمجموع 74% بس مجهودي وماكنت اغش كثير يعني بس سؤال سؤالين بكل مادة<<<<< احلفي
وهذه قصه "بنت يافع"
وقصصكم جاي الدوووور عليها
والي يبي انشر قصته يسجل عندي والباقي عليا
وسلااااااااااااام
اشوفكم بالاجزاء الجديده
Bookmarks