دخلنا الجامعة وفي مصطلحات جديدة
وين ايام زمان رفيع طهطاوي قاسم أمين وزكي جمعة ..
مكاني على الستايل القديم
اجي لعند الطالب أقول له ايش معانا من حصة اليوم
يقول لي ياخي مالك انته عادك قديم قول ايش معانا من محاضرة
يا اخوان المحاضرة هذه ما اعرفها إلا في المساجد بين العشاء والمغرب بس غيرها ما اعتمدهاش
أمر الثاني الأستاذ يقول لنا اخرجو افطرو وتعالو
اقول الان استراحة
ترد عليه واحدة مدري واحد يقول لي ياخي ريست REST
ايش ذا البلا قدني كنت في مدرستي اقول أي مصطلح مش راضيين
اهمّ شيء بعد ما نكمل الأستراحة مدري الريست
ارجع للفصل ما زلت على الحاجات القديمة
يقولو ما في فصل في قاعة .. حتى هذه القاعة ما اعرفها إلا لما يكون معانا عرس ولا رايح لعرس
قاعة ليلتي قاعة بابل
المهم اجت تدرسنا بنت .. قمت اشتي اجاوب قلت يا ابله يا ابله
قالو ابله ايش هذه أستاذة..
ايش هذه الحاجات الغريبة في الجامعة
أحسن شيء فيها إنه مافيش طابور صباحي ولا تحية العلم ولا الإذاعة
بس غالطوني أنا بروح اشتكي بهم للقسم
سجلت عندهم إلي الان ما سلموني الكتب حق الدراسة ايش رأيكم .!
والشي الحلو اللي فيها كمان يعني نقولها بصدق انهو خوليطي موليطي
أولاد مع بنات
بس الصراحة المدرسة أحلى هنا مافيش دوري كورة ولا في سور علشان نهرب وقت الحصص
وهنا مسويين عسكر ليش يعملوا عسكر احنا في صرح تعليمي ولا في معسكر .!!
المهم
اشتقت للمدرسة واشتقت للسندوتش اللي كانت تسويه لي أمي والعصير وزمزمية الماء
وحق المدرسة المصروف اييييييييه ايه أحيانا أمر من جنب المدرسة تراودني نفسي أني ادخل وادرس معاهم أي حصة بس اتذكر أيام المدرسة
وياااكم سويت تعهدات في المدرسة ويا كم توقفت
مرة ضربت أستاذ والله في صف ثاني إعدادي طفش بي وضربته بيني وبينكم جسمه كان مهيء ويعطي الواحد تشجيع إنه يتضارب معه ..حق كيمياء بعدها اشتهرت وفي الطارود يقولو هذاللي ضرب الأستاذ ويأشرواوأخوكم ينفش ريشة .
الوالد اجى للمدرسة من شان المآذاة مرتين بس مرة لما ضربت أستاذ ومرّة طفشت بأستاذ ثاني في الحصة خرّجوني وعطوني إستدعاء وليّ الأمر .. التعهدات اللي سوّيتها ما اذكر كثير بس نسكت :D
المهم
اشتي ارجع للمدرسة
:face7: :face7:
Bookmarks