احبك
يقول لي قلبي تكلم وشــيل مـنك الغرور .......... قولـه اني احبه واتـرك عــنك النــكران
قلت يا قلبي تحمل وخلك شـوي صــبور .......... رد علي ما اقدر ماعدت اتحمل الكتمان
قـــلت لــه انســاه مــنت بــه مــجبـــور .......... قال شلون انساه وانه بحبه ضمــــيان
والــدقـيقه فــي بعــده اعدهــا بشهــور .......... ولــو يـــبعد اظـــل مشــتاق لـه ولهان
ايــامي بــدونه مــثل البيـــت المهــجور .......... اقضي اللـــيل بطوله حــاير وسهــران
واللـــه لــو تــلف كــل هـالدنــيا وتـدور .......... مــــــاراح تلــــقى مــثله ابـــد انــسان
خلني اتكلم واوصف له احساس وشعور .......... مـــاراح تـــندم لا تـكون بحـبك جــبان
رحــت لــه واحــس بمــشيتي مـجــرور .......... قلت له احـــبك وحسـبتها زلـه لســـان
انحــرجت مـنه وبقلبي فرحــة وســرور .......... واحــس بتاجـــيلي كنت حـــيل غلطان
تبــسمت وطلـــعت من الظــلمه للــــنور .......... وعلى كل يوم مر بـــدونه انا ندمـــان
بــعوض اللي راح وبصلـــح المكــسور .......... وبعطيه من الحـــب اشكـــال والـــوان
وبــبني له بقلبي قـصر بالـحب معــمور .......... تــغرد فــيه الطـــيور باعــذب الاـلحان
يمــشي بســـكته وانـــثر لــه زهـــــور .......... وهـــــــو بـــانفـــاسه احلى ريحـــــان
وبـــبني للوصــــل شوارع وجســـــور .......... واحلف ما اخليه حتى لو طال الزمــان
وبعـــبر لــــه العالــــم وكــل البحــــور .......... حــــتى لو صـــار البـــحر لي طوفــان
بصــــده بحــــبي وباكـــون له ســــور .......... مايغرقــني البـحر وانه بحبه غرقـــان
وسلامتكم
Bookmarks