هذه الزوامل تعبر عن شموخ هذه القبيلة الا وهي قبيلة آل عواض التي كان لها رصيد كبير في النضال ضد حكم الامامه والدفاع عن الجمهورية
وهذه الزوامل القيت عقب جريمة/قتل الطفل طه محمد العواضي
واتركم الان مع هذه الزوامل
اولها كان للشيخ/ياسر احمد سالم العواضي
قال العواضي عافت النفس الحياة البائسه=عيشة بلاناموس ملعونة مع من عاشهـا
يا أولاد عمي يا اخوتي ياكل قمة يابسـه=شدوا حزم كمه وعز القبيلة مطراشهـا
فزعة تجلي همنا والعيب ينقـا غارسـه=والكيل بالمكيال ماالوظره غلب نقاشهـا
والسيل فيلا ماوقع في الصيف ولاخامسه=فلانبـت زرعا"ولاالحبـة نفـع نباشهـا
والحر مايرقد قرير العين لاحد داعسـه=يغلب عليه أصله من الهونا ومن قواشها
ولعن أبومن ذلته نفسه متى حد سايسـه=والروس ما تعلى متى حد قد دهل فقاشها
وهذا جواب على زامل الشيخ/ياسر العواضي من الاستاذ/علي أحمد العمراني
حيا ملاء الدنياء ويتعـدى سماهـا السادسـه=والسابعه لاما تطيب النفس مـن ذي غاشهـا
لا الظبي في البستان ولا الغرس خانه غارسـه=ماحيلـة المضطـر لاجاتـه سـوى إتقنّاشهـا
قد أصبح أمس اليوم والشمس المشعه قارسـه=واسترخت الفرسان والخيل أحتوت في أحواشها
وفـي الحقيقـة كلنـا صرنـا بحاجـه ماسـه=لدولة القانون مـا الفوضـى كفـى عِنّاشهـا
والشعب ما قصر وقد حط الثقـه فـي رئيسـه=ذي لانـوى يحشـد ولا بايعجـزه رِبّاشـهـا
ولاعزم يحسـم ولـو لاقـى المنايـا عابسـه=وأهل الغوى والشر قدمـن واجبـه كلِبّاشهـا
حذار يتأخـر وقـد سلمـى مطـول عانسـه=والسيل ماينفـع متـى لاجـاء قفـى كِمّاشهـا
وكل شي له وقت يامولـى الحـدس والحاسـه=وكم فرص ضاعت وكم نأسف علـى طِنّاشهـا
ماودنـا شـي نٌشجـب الحاضـر ولاتنافسـه=ولاهدفـنـا نـهـدم القلـعـة ولانغِباشـهـا
ماهل بغينـا ننصـح الـذواد وأمـه جالسـه=من قبل مـا سرحـان يتعـود علـى نِتّاشهـا
في الأمس جأت الراعيه في البهم ذي متجانسه=واليوم ذي تِحدى الفرق ناوي علـى هوّاشهـا
وهذا جواب على الشيخ/ياسر العواضي من الشاعر /علي بن علي الضبياني
حيا بقول الشيـخ ياسـر والنمـار الفارسـه=أسود في الغابه تقـود أنمارهـا وأوحاشهـا
صحيح ماهـو قـال تبـت للحيـاه البائسـه=عيشه شرف إجلال ما تحكم عليهـا أوباشهـا
والكبرياء ممقوت عند أهل العقـول الدارسـه=والقرصنـه والعنجهيـه تحتـرق بأفياشهـا
والعيب تجلاه الدمـاء فيـلا عـدوك لابسـه=ذي ما حسب وزن المواقف بايكيل أحداشهـا
والمتقي يمشـي بعـون الله ربـي حارسـه=علـى كرامـة روح نفداهـا بـدم أمشاشهـا
وأشتاق راسي يوم ريت الحرب عندي حاسه=حاسة صحب تمشي دماها في بطون أحناشهـا
مهما أظلمت لابد للمدحوس يدحـس داحسـه=وأخشى على أمي من عولها يكسروا محواشها
وهذه زوامل أخرى أثناء الموقف
زامل الاخ/سعيد محمد أحمد الحسيني المرادي
ياشيخ ياسر بلغ الجيـش العواضـي=ووالـــد الـطـفـل الشـهـيـد
بأصدق تعازي من قبايل في الحواضي=تـقــول للـصـاحـب شـديــد
يـا قبيلـة لااتسلفـت لازم تقاضـي=مـثــل الـسـلـف ولا يـزيــد
وإن شي لها تلفاه من غالب وراضي=بـجـهـد قـاســي كالـحـديـد
هذا رد على الاخ/المرادي من الاخ/ذي يزن علي الراشدي العواضي
قال العواضي مرحبا مالبرق ياضي=والرعـد يمسـي لــه رعـيـد
ياقبيله يشهد لها حاضر وماضـي=وجيـد يخـلـف بـعـد جـيـد
مراد ذي ما همها لا السوق حاضي=تـشــل مـنــه ذي تـريــد
جيش العواضي للقضيه خير قاضي=هــو بايـجـي رده شـديــد
وبايقع رده قوي من قلب لاضـي=لأجـل الشـرف وأهـل الفقـيـد
الجيش جاهز مستعد قومي عراضي=مـا إحنـا مـع الدولـة عبـيـد
وهذا زامل آخر للشاعر /راجح علي الخضيري
يالدروع الوقايـات المجيـده=ذي تواجه في الحضى ماتولي
لاحد إتعيوج ضربنا ضميـده=بايقديـه السـلاح المضلـي
والعيـارات الكبـار الجديـدة=واربعه فاصل ثلاثيـن ملـي
خذ من المجموع جملة مفيدة=قد تخرجنـا وعـادك مدلـي
كل جمهوري تسجل رصيـده=ليلة افتك الحصـار المحلـي
جو لصنعاء من طريق الحديدة=وين كنتوا ذاك الايـام قلـي
ما عذر من يوم حامي وقيـده=لاحمد اسماعيل وآل المصلـي
بانواجه والسواعـد شديـده=والملامه قسـم ذي بايولـي
بلغيها في الربـوع السعيـده=ياصقورأجناحـهـا باتعـلـي
وأختم هذه الزوامل بزامل للشاعر/ صالح حسين المساعدي
مرحبا ما حن زين الجريـده=ذي وقوعه في المحاجي تسلي
ياجبل عيبـان قمـه سنيـده=ويش ساق إبن المصلي يدلي
وأحمد أسماعيل لاهو عضيده=ياحشود القوم حطـي وشلـي
صانع التاريخ بـا يستعيـده=لعن أبو من قال يانفس ذلـي
واعذرينا يامصانـع مشيـده=من شراب النار بالنار كلـي
Bookmarks