السلام عليكم ورحمة الله وبركاته
كيفكم .. ايش اخباركم ..؟؟
قبل يومين كنت جالسه اقلب في هالقنوات وانا اقلب كان في برنامج 99 على الرياضيه
كان موضوع الحلقة عن علاقة الاخ باخته
وهذي مشكلة كل البنات .. !!!
مدري ليش كذا الاخوان يعاملوا خواتهم بطريقه غريبه .. كلها جفا وقسوه
والاخوات ما يحبوا القعده مع اخوانهم ... ليش يابنات ..!!<<<< وش عندها جدتي
.
.
مشكلة تسلط الاخوان على اخواتهم من دون وجه حق
وهذا الموضوع اللي بتكلم فيه اليوم ..
ايش مشكلتكم ياشباب مع اخواتكم .. ممكن اعرف ..!!!
بجد انكم مفتريين .. الا من رحم ربي ..
يعني اللي بيدخل يرد ويقول انا تمام مع اخواتي والحمدلله
بقوله انت شخص نادر نادر جدا
.
.
يعني الولد يطلع ويتمشى وينبسط ويكون مع اصحابه مبسوط ومافيه شي
بس يدخل البيت .. . يقلب 180درجه ويعمل نفسه سي السيد ..
ياشيخ حرام عليك .. اعطيها وجه شوي
باين عليا معصبه صح..!!
بقولكم ليش معصبه
::::: اسمعوا مقطع من البرنامج واحكموا ::::
انرفع ضغطي ياجماعه لما شفته
المذيع قال لواحد : متى آخر مره طلعت اختك ورحت تمشيت معاها..؟؟؟
قال : انا فاضي لها ورانا اشغال .. وش اللي اخرج معاها ..!!
وواحد ثاني ..
عاد هذا .. لو كان قدام مدري ايش كنت سويت فيه .. من جد حزنت على اخواته
قال : اطلع اختي ..!! الحمدلله اختي ما قد طلعت ودايم قاعده بالبيت
ليش اطلعها تشوف البنات والشباب والمصخره وحركاتهم والعبايات المخصره و و ..؟؟؟
المذيع : يعني انت على بالك هيا ما تدري عن ذا كله ..!!
ما تشوف تلفزيون بلوتوث .. كمبيوتر ..!!!
قال : لا لا لا الحمدلله اختي ما قد طلعت ودايم قاعده بالبيت .. واللي تبغاه يجيها
تطلع وتحط راسي بالتراب ... اذا تزوجت الله يسهلها
بالله ايش تقولوا على هالشباب
وايش تتوقعوا .. من اخواتهم ..؟؟؟
.
.
بصراحه من يوم ما شفت البرنامج وانا افكر في اخواتهم االمساكين <<<< ياحنينه
عشان كذا ابغى كل شاب يقرا هالموضوع .. يغير تعامله مع اخته ..
متى اخر مره قعدت مع اختك وتكلمتوا .. متى اخر مره طلعت معاها ..!!
امانه مين فيكم يدلع اخته لما يناديها .. !!
.
خلونا نجرب اسبوع بس اسبوع كل واحد يعامل اخته بمحبه وموده وتشوف كيف بتصير معاك
بتصير اول واحد تقوله اسرارها هو انت .. وهي بتصير اقرب من نفسك صدقوني
يعني لو تخصص يوم في الاسبوع .. ساعتين .. ثلاثه بالكثير .. تتعشوا بمطعم..
تروحوا منتزه .. حتى تشربوا قهوه في السياره
ايش بينقص من الدنيا .. والله الطلعه مع الاخوات وناسه ..وبتشوف مردود هالطلعه كيف بيكون
واعطيها الثقه .. ولا تكون شكاك وتطفش حياتها .. ترى الضغط يولد الانفجار
.
.
من أجمل العلاقات الاسريه .. العلاقه بين الاخوان
وما يعرف قيمة الاخوه غير اللي فاقدها ..
فلا تفوت على نفسك متعة التقرب لإخوتك ومحاولة فهمهم ومراعاة المراحل التي يمرون بها
فهم سندك في هذه الحياه فاجعلهم من أولوياتك
احتووهم قبل ان يحتويهم احد غيركم
ابغى اعرف رايكم
وايش سبب هالفجوه الكبيره بين الاخ واخته .. ؟؟؟
من المسؤل عنها..؟؟
تحيتي
Bookmarks