احبتي الكرام
كما تعودنا المصداقيه في الطرح والجراه بحدود
دخلت كعادتي احد المطاعم اليمنيه المشهوره بالرياض والشعبيه ان جاز التعبير
والوجبه غداء يعني بالظهيره وماهي الا لحظات حتى يجيك حدهالعمال يسالك وش طلبك ؟؟؟
ترد عليه ابي كذا وكذا ...مرق .. لاتنسى
وتسمع هاك الصوت اللي يشق اذنك وهو واقف قدامك (يالله واحد ...وواحد .وبيبسي لاهنا يالله ) ويروح للطباخ من الشباك كمان بصوت اعلى من الاول
المهم ان كل اللي بالمطعم لويركزون راح يعرفون انت طالب ايش؟؟؟
اهم شي هناك من يكلم بالجوال؟ وهو ياكل
وهناك من يسولف مع خويه وهو ياكل ويضحكون ضحك عالي الى درجة ان الكل يسمع
وهناك تسمع هوشة الطباخ مع المباشر
وهناك تسمع هوشة المحاسب مع الزبون ؟
اهم شي هذا مب موضوعنا
احبتي ممكن يقول لي حدكم يمكن زحمه النطعم اقول له لالالالا
تجي احيانا متاخر ومافيه الا انت وهذولاك 2في الزاويه وتطلب يوم يصرخ من جنبك المباشر بصوت يسمعونه اللي في الشارع التالي ينادي للطباخ بطلبك من اول المطعم ؟ليه ماادري
انا من المترددين على ذالمطعم مابين فترة واخرى يعني مش زبون رسمي ...
اعرف واحد هناك مؤدب ودايما اناديه يجيب لي طلبي
المهم اني جيت اخرمره مالقيته ؟
اسال عنه سافر شي !!!
قالو لي طلع ؟
سالت عنه وعطوني رقمه وقابلته وينك ؟؟؟ وسالته قال طلعوني ؟؟؟؟؟؟؟؟
ليش ؟ قال لاني ماصيٍح (ماارفع صوتي )
فقالو لي ياتصيح ياتطلع؟؟؟؟؟؟؟؟؟؟؟؟؟؟؟؟؟؟!!!!!!!!!!!!
ليه هل الصياح الصراخ مطلب من مطالب المطاعم؟؟؟
ام الهدوء والسكون ؟؟؟
ام هل هي علامه للمطاعم اليمنيه ؟بالرغم من وجود الهدوء في بعض المطاعم اليمنيه
احبتي اتمنى ان وصلت الفكره للجميع ولاتلوموني فحبيت ان اكتب هذالمقال من صميم الواقع
------------------جُل تحياتي وتقديري____________
Bookmarks