حبنا الي قتلتيه

حبنا الي قتلتيه


الله يرحم حبنا اللي قتلتـــيه

جفت دموعي والبقا فى حياتــك

ياللاسـف كل الاسـف مابكيتـــيه
انتى الغرور اعماك مع حب ذاتك

انتي بديتي الحب وانتي نهيتيه
اقرى عليه الفاتحه فى صلاتـــك

انتي رعيتي الحب وانتي طعنتيه
الحين دريت ان الغدر من صفاتـك

انتي شريتي الحب مني وبعتــيه
عسـى الثمن يكون سبت غناتـــك

انتي بنيتي الحب وانتي هدمتـيه
الله واكبر من يسـوي سواتــك

انتي رسمتي الدرب بس مامشيتيه
اعماك عن درب الغرام التفاتـك

انتي كتبتي العهد وانتي مسحتيه
مـحـاولة تزوير فى ذكرياتـــك

مره لبستي الحب مره فصــخــتيه
هــذا الهوى لاتحسبينه عـباتــك



أخوكم محمد الحامد

والله طلعت حساس ياعم *_^


حركاااااااااااااااااااااااااااااات

الهندسة عاملة زحمة واحنا مش داريين

كيف يا امووون الحركات؟؟؟ رهيبه صح

بصراحه استويت اقرا اللي في القلوب عشان كذا اكتب عدة كتابات من حزن وفرح هههههههههه
بس خلاااااااااااااص وعد مني ما في حزن بعد اليوم
انتظري الجديد