-
عطني سيجاره
عطني زقارة كنت وألا ديفيدوف
أبشرب الدخان وأنا مطوع
وأحذف على بكاسيت جرج وأسوف
وألا أن حصل عطني شريط منوع
به اذبحيني ياغرامي وأنا أشوف
وألا أمهليني ياقراح الملوع
أبهدم البيت المشيد على الطوف
وابردم العز القذوع المجوع
دام الزمن هذا زمانك يابو نوف
موتي ولا عيشة حياة المجوع
لأصرت ما أرحب لي جوني ضيوف
وش عاد لأقالوا عن الدرب كوع
لو أنها بخيول وقلوب وسيوف
كم واحد من طاشر الدم زوع
ربعي بني وايل من الحد للجوف
مافيهم اللي لأظلم الليل خوع
راعي مطاياهم مع الناس معروف
لاهاش عن زمل المعازيب روع
من صاح نايف ضلع الإرهاب منسوف
اصغر وراعين الجبارة تطوع
أقولها افف وأنا ادري الوقت مكشوف
أما تخروعوا وألا مخروع
ياسيدي يابو قلايد ونف نوف
يالذة الثلج الزلال المموع
عقب الظماء من شرهه الضيم والخوف
أفقدك رايع وارجع ألقاك أروع
ذبحتني مشغول أو عندك أظروف
أبك أنت ماترحم حياه المصروع
لأصرت مارحب لي جوني أضيوف
وأجوع منك ومن زماني مجوع
عطني زقارة موت ماهي ديفيدوف
ابنتحر ذا الحين وأنا مطوع
ياسر التويجري
