انقل لكم هذه المساجله منقولة من احد المنتديات الشقيقه.....
للمعلوميه نمر الكور هو محسن بن احمد بن صالح بن فريد العولقي
والمرزقي هو مهدي بن محسن بن مسعد البابكري لسودي
ابن الرباط هو احمد الدحبول الشقاع
حاتم بافياض غني عن التعريف لأنه يستخدم اسمه الحقيقي....
المرزقي:
حيا رساله جات من بداعها=قول الخليفى حق ما هو شى ضلالنمر الكور:
والقبوله راحت معدشى منها= وين الزمن با تشوفهم روس الجبال
وين العوالق وين سعد الظالمه=وين الخليفى وينها تاك الرجال
يا صاحبى روح زمان القبولة= واليوم قدنا بين لزيب والشمال
وان حد نشد ولا تخبر مننا=قولوا لهم عالنت مع أم العيال
حيا الله الليله بقول المرزقي=انسان ما يبقى التطور يا رجالالمرزقي:
القبوله ما حــــد مناكر منها=شفها خمج من بعد ماكانت زلال
والنت فيه المنفعه والمعرفه=شف من جنج للسلم بايلقى مجال
ماعد نبا شي زوبعه يالمهتجس=فسحه وفسحه الف فسحه للقتال
ما قبولة هذا الزمن شفني برا=يالله لها ودره قفا عين الشلال
يا دى بدعت القول حيا لك وله=الكور يشهد لك جنوبه والشمالنمر الكور:
أنا مع التطوير من زام اولى= وسأل بن مجلبع ودى هم فى الجبال
لكن على قولك تركنا القبولة=وسلاحنا مدفون ما بين الرمال
يا غارة الله يوم حجرينا حكم=من بعد هاذا مالنا فيها حلال
يالعولقى شليت حقك بالوفا=واحنا خرجنا منها من غير مال
ياهاجسي بالله رحب بالدخل=واطرح قوافي بين ذربين ا لفعال
شفنا لبا ترتيب يصلح شاننا=ماعد لبا شل الجنابي والنصال
ان كان لاهي عا النكيره والشرف=شبوه تلبي يا نكاله بالنكال
لكنها ماهي سوى من بينا=قولو لشبوه لا متى يابال بال
هو ماتشوفون المناطق في اليمن=متطوره ما يقبلو شغل العطال
المرزقي:
أنا معك فيما ذكرته يا نمر=لكن معنا خلق با يقولوا محالنمر الكور:
بالرتب الموضوع فيما بيننا=ومن يعارض بالجيبه بالريال
موضوع شبوه لا تنبش ما مضى=شبوه مريضه والدوا عند الرجال
ما دام صاحبنا يقرح بندقه=اوبه لعمرك من مقاطيب الحبال
المشكله فى التفرقه ما بيننا=لا بد لى من يوم دى هو فى الشمال
هذ السنه شوف الامـــــــــــور ملخبطه= لول نفج يا ويل منهو تـــاليوانقطع المرزقي لظروف عمله فرد عليه نمر الكور:
لاحـــديشاورني ولا بـــــــــــاشا وره= ما بقبل عمامي وحتى خالي
كــل ما تفقنــــــــا ضيـعو تركــــوبنا=واحد طلع سارق وذا محتــالي
باعيش لي من جيز ذي هم في الوطن= قد ضيعونا الصين والسركالي
مليــــــــــوم صعبه مبعده يلمــهتـجس=هذه يمينـــــي تفتخر بشمالي
لو تنقطع من كتفها ياصـــــــــــاحبي=يصعب علي الشل والحمًـــالي
ياغارة الله من ظروف المـــرزقي=طالت مراحلها على الجمالي
ماهو بواجب تنسحب من مترسك=ونته قبيلي داهل القنبالــي
ولا ارفع الرايه وحـــدد موقفــك=لاعاد تشغلني وتشغل بالي
احنا نناقش مشكله في ارضنــا=ونته تبعت الهند والبنغالي
خل المشاكل في البلاد المبعده =قد مشكلتنا تشبه الزلزالي
هذه امانه يارجال المنـــــتدى= لاحد يقول ان النمر بطالي
المرزقي:
إحنا وياكم من على زام اولى=جدى وجدك يد عالسركالي
واليوم لازم با لجدد عهدنا= ما همنى هندى ولا بنغالى
هذه مشاكلنا شفوها مزمنه=قد حيرت كوفى وبطرس غالى
أما أنا فى مترسى ما با نسحب=لما يتحقق دى معى فى بالى
ضحيت من أجل الوطن يا صاحبى=ضيعت أهلى كلهم وعيالى
واليوم فى الغربة أنا والعولقى=ما بالتفارق حالهم من حالى
المرزقي:
البنت قالت زوجها دى فى عدن=وانتوا تقولوا زوجها البغدادي
والعالم الله كيف حل المسأله= شف دى عقد يحضر مع الشهادي
نمر الكور:
احنا درسنا في المدارس كلها=عندي شهاده ثانوي واعدادي
والجامعه عندي شهاده عاليه=والختم فيها وحدتي يابلادي
البنت ماهو زوجها ذي في عدن=قد شلها زوج الرضا الحمًادي
مازوجها لول عسى الله يحذفه=ذي شلها غصبا بلا عقًادي
وصبح مهيًم في النهوج الشرقيه=يحرم عليه الحيد هو والوادي
المرزقي:
البنت قالت ما تبا الا لولي=وانتوا غصبتوها على الحمادى
قالوا شهوده هل مجور أربعة =ودى عقد عاده وسط فى الوادى
ياريت ذاك العهد يرجع يا نمر= با قول هذه أرضنا و بلادى
أما الوليدة ضيعوها أهلها= لا بتهـم مصري ولا بغدادى
وانته لباك اليوم تصلح بينهم=ويحسبون البنت فى التعدادى
نمر الكور:
البنت شفنا عيالها في المدرسه=احمد وعبدالله وعبد الهادي[font=Simplified Arabic]
مازوجها لول عسى الله يحذفه=نهجه مخالف صنفوه الحادي
لبعد دخل مسجد ولا صلا بحد=سكين له من صنعة الحدادي
يقطب وريده شخص تعب بنتنا=هذا شفه قصدي وكل مرادي
لاعد تخيل في مواسم فايته=مياستك عاقد بها المقدادي
وحنا رضينا له وسينا مخدره=في خور مكسر داخل المجرادي
والمرشدي غنا وفيصل عا الوتر=والصوت لحجي والبرع شدادي
المرزقي:[/font]
دي شفتهم فى المدرسة ماهم لها=أولادها عشرة معى شهادى
وزوجها معروف ما حد ينكره=والعقد بيده من زمان جدادى
صايم مصلى فى المساجد كلها=وانتوا تقولوا آدمى إلحادى
لباه يرجع والوليده راضيه=وبا تشوف الخير عم بلادى
بايقع فرح من عندنا لا عندكم=والأرض بفرشها ورود وكادى
أما المغنى با يجى بالطايره =أبو أصيل اليوم ما هو عادى
نمر الكور:
ونتو شهدو يا ذي الخليقه كلكم=المرزقي ثوًر عليه بادي
جبنا كلام الصدق ماهو معترف=زاقر نصاب الجنبيه هدادي
جالس يهددني ونا خوه انصحه= والجد واحد في اللزم مسنادي
لاهو يبانا لفترق بالفترق=ملا بغيته لي سند وعضادي
ما الزوج لول ذي ذكرته هذفته=وذي معه قد مجلًو بكبادي
والله ماطيعك على درب الخطا=في شر ولا عافيه معتادي
نمر الكور:
ذا فصل والثاني تبا مني خبر=ماحد معك لحنا جنود الوحده
مابا لرجع خطوة الشعب الابي = من خان وحدتنا شفونا ضده
مابنكرك ان الخطا حاصل خطا =وكل واحد يشتكي من حده
حد في رخا عايش ولا ينظر لحد=ماهمه الا جفنته في الكُعده
وحد مسوي له حجر من حيدره =مسكين حاله في النكد والشده
لكن رب العرش ذي هوفوقنا =عنده مفاتيح الرخا من عنده
لاقد رضي بلجود جبار السما =فونه من المولى ويرزق عبده
وكل فاسد في الوطن ماله مفر =من ما يذوق الجوع داخل كبده
المرزقي:
أنا نصحتك والنصيحة واجبه=وانته تشوف الظلم دي هو بادى[font=Simplified Arabic]
إحنا و ياك اليوم كتله واحده=ما بالتفارق لرضي الحسادى
والبنت خلو شورها فى راسها=ودي تباه تقول هذا مرادى
الزوج لول ينتظر فى غربته=لا ما تبونه با يجى هدادى
واحنا لصلح والأمور معقدة=والخلق تنشد وين جا بن هادى
شفنا لبا هدنه تقع ما بينهم=كم لى ونا صيح وكم لى نادى
نمر الكور:[/font]
ماباتقع هدنه مع ذاك الرجل=حرام في الرميان والعوَاديالمرزقي:
خاين ومن خان الامانه يافتى=هذازقل بالشال هو والرادي
مابنتنا قد شورها في كورها=ماعد تبا عنظيل او باعادي
اما النصيحه بيننا ياصاحبي=لسلام واحد من عرب واكرادي
حيشا علي والشك ماشي بينا = باكيل بالوافي كيال زبادي
اما السياسه كل واحد له نظر = ماشي حنق والكل بالمرصادي
يا بوك خل الهرج هذا هرجهم=اما الحقيقة معلنه فى الرادى
البنت ما ماتت شعوها حاضره=وتنشدوها لا تبا البغدادى
أما الخيانه يا نمر من زوجها= ثبت كلامك لا تقع ردادى
أنا اعرفك رجال ما تحب الغلط = لكن دي جنبك شفه إلحادى
قد زور التاريخ تاريخ البلد=لا قلت هجري يقلبه ميلادى
ونا قفلت الباب هذا يا نمر= ما قد كتب ما عاد با ينزادى
نمر الكور:
انته قفلت الباب وانا بافتحه=بالقلب السمره على الشبواني
العيد قالو في المكلا ذا السنه=قالو معاهم عيد شكله ثاني
وحنا وقعنا في الوسط يلمرزقي=هذا تجاهلني وذا يشناني
والرمز لا جا ماجلس وجبة غدا=قولو لنا ايش السبب ياخواني
وحنا وقفنا عند حمال الثقل =بذلت روحي والكفن بيماني
المرزقي:
يا دى فتحت الباب با لدخل معك=فى قسمة التركه أنا واخوانى
بالشتور ما بيننا فى المسأله=وبالتفاهم ما لبا حد ثانى
لباك تتكلم معاهم يا نمر=وتناقش الموضوع بالإحسانى
نحنا إنظلمنا والخليقة داريه=والظلم جانا من قدا الشبوانى
إن با ترجع لى حقوقى كامله=ولا بنى من هب للسيستانى
نمر الكور:
نحنا رفعنا صوت واضح يافتى=والتجربه قدها في الخيواني
قالو كتب تقرير ودر به ودر=وصبح بغرفه فوقها السجاًني
ماهمنا بلقول كلمه صادقه=ماشي عداله قط في لوطاني
ذي يكرهونه خاف يصبح في الجبل=وبندقه يقرح على الصنعاني
المرزقي:
قد قلت لك أول بدى فى خاطرى=ونا الصراحه شوفها عنوانى
وحده وتمدحها بشعرك يا نمر=شفنا إنتقلنا من بلا للثانى
أنا علي حبه ولكن دى معه=يا ويلهم دي كسروا دكانى
أما العداله لا تباها يا نمر=دور عليها لا قدا الزندانى
نمر الكور:
وحدة يمن مطلب لابناء اليمن=لكن ذي حاصل شفه عناً نيالمرزقي:
وقلت لك شفني معك في بعضهن=بالنتقد لوضاع بالميزاني
لكن طمه ماشي كبر منها=اكبر مصيبه لتبع الزنداني
بايسحبونا سحب لافازو بها= بيصنفونا فكرنا علماني
أنا مع الوحدة ولكن باشترط=لا حد يفرق بين ذا و الثانى
لبا ضمانه من على نرجع بها=كم لى مفارق يا نمر أوطانى
والمال يرجع والحقوق الكامله=وكل من هم فى اليمن إخوانى
إن با يتحقق ما طلبته يا نمر=با وكلك وانته معك عنوانى
نمر الكور:
هذا الخبر بالطرحه عا الشرعيه=ون جوبو بارجع الفتواني
شف مطلبك مطلب لنا كلاتنا=ون حد رفض بالشتورعلجاني
لكن وضح بالحقوق الكامله=لا تخلط الوٍسًط مع الكرعاني
والتايواني جنبه يا صاحبي= نبغى صناعه شركته ياباني
المرزقي:
الشرعية عالراس لا جا حكمها=بابصم عليها بيسرى و يمانىحاتم بافياض:
أما الحقوق الكامله يا صاحبى=حقى وحق اهلي وحق إخوانى
وانته شفك عارف بقصدى يا نمر=لا تخلط التمره مع العزانى
البيت بيتى والصكوك مثبته=وانتوا تقولوا صاحبه صنعانى
مني سلام الاف كلن يســـــــمعه=للمنـــتدى واهله وبلمجانيالمرزقي:
من راس لا يخضع ولا يقـبل سرف=لكن قول المهتجس شجاني
قلنا النمر روح ولا با لبصــــــره=وانه رجع لول على العداني
ماباتقع سمره لهل بو محـــــوله=والشاخ باجمال فيها فاني
حيا رساله جات من بداعها=من عند حاتم دي وسط عمانى
معروف بين الناس ما حد ينكره=بالعدل والمعروف والإحسانى
أما النمر يا بوك عاده مارجع=ولا رجع با يقلب الميزانى
و با تقع سمره عدد شعارها=عشره وفيهم شيخنا البيحانى
و دى على الكرسى قلبنا كرسيه=لبا حبيب القلب يرجع ثانى
حاتم بافياض:
يا المرزقي حياك ياذيب الخــلا=وذي حــــــــجاها بالسما يحجانيابن الرباط:
اني معك ما خالفك في وحــده=ملا نشـــــــــبنا في عرب عمياني
اما النمر معروف من شلة علــي=ذي سرحو المجرم على الشيطاني
ماذي على الكرسي رياله ثبته=مابايفـــــــــــــكه غـــير بالالماني
قال الفتى بوشاخ من خيل تعب=يمشي في الرمضى وعقله داني
شاف السراب الي امامه وعجبه= مايدري انه في صحاري ساني
يبكي على حظه ويتمنى رجى=لاكن ماله في رجوعه عاني
الي على الكرسي رجوله ماكنه= ثابت ومثبت في الميداني
المرزقي:
حياك يا حاتم وحيا من حضر=عد المطر ما طش فى الوديانى
يبلغ جبال الكور دى هى عاليه=وإن قد ذرف يبلغ قدا الحبانى
أما نمر يا بوك خشر بندقه=بنه يبا الرجال قاصد عانى
يبا المعونه من رجال المصنعه=قالوا معه فتوى من الجيلانى
أنا معه لكن تعرف حالتى=يدي خليه بادعمه بلسانى
حاتم بافياض:
با لنسحب يوم النمر مني شــــرد=واش كلفه هذا الرجل عادانيالمرزقي:
حمى اطرح الشاهد وهذا ينتفض=هذا رجل تعــــــــبني وآذاني
إنتوا تقولون الغلط من جانبه= وهو رجل مسكين ما هو جانى
ردوا حقوقه كلها دي عندكم =من ميفعة لما جبل شمسانى
المرزقي:
بوشاخ ذكرني بدى فى خاطرى=يا بوك حتى الأرض فى نقصانىابن الرباط:
إنته تقول إن الأمور مثبته=واحنا لقول تزلزلت لركانى
ما دايم الا ربنا دي فى السما=أما إبن آدم فى الحقيقة فانى
خلك مع الرجال لما ينذقك=وبعدها باتقول وين إخوانى
قال القتى بو شاخ مانا منهم =دي وجههم وجهين يابو هانينمر الكور:
باقول رائي على الخليقه كلهم=ماني من لي خوهم الشيطاني
ان صاب واحد ماتردي بنفعه= وان طاح مار وح وهوه عطشاني
ياصاحبي هذه حياتي قلهم =في خير او في شر خطي ساني
حيا بحاتم يوم جا لاعندنا =بعض القصايد خدرت أذانيحاتم بافياض:
حاتم يحارشني ونا بدوي هبل= مانا بشي كاتب ولا كرًاني
مالعرف الا شي عصيده او مرق= ولا الغدا مخبازة الشيباني
وهو يناكشني بغاني ساعفه = ولاغلبنا قام لي عاداني
وانا رحمه والله يشهد ياعرب=يالمرزقي من هوه ذي غلطاني
الله يحيي كل من حـــــــــــيا بنا=عد المطر والرعد ذي حنــــــاني
عندي الدواء لاهيه اذنك توجعـك=كيه بناري يوم عظــــــمك واني
قد جثتك معهم وقلبك لــــــعرفه=ملا تكابر ما بغيـــــت تــــــباني
عرفتكم وانا بسن العـــــــاشره=جاني خبركم من وســط جيزاني
المرزقي:
واراك يا حاتم تقرح بندقك=واحنا إتفقنا كلنا عالجانى
ما جاك ماهو من نمر يا صاحبى=دي جاك قالوا من قدا البيضانى
لبا لتفاهم كلنا فيما جرى=ومن يعاديكم شفه عادانى
ومن يبا معنا يجى لا عندنا=ومن غلط بالقول هذا شانى
لبا لتخارج فى البضاعه كلها = شى منها أصلى و شى تيوانى
