ضاق صدري وصار عندي في الفكر تشويش
وهكذا حال كل من هو مفارق أحبابه
ماطاب لي الحال في الغربه ولا هناء عيش
كانـني مريض نـفـســا وعـنـدي كــــابه
يازماني على قلبي بشويش .بشويش
خلّ قلبي على الاصحاب يشكي عذابه
اذا ذكرت المكلاء خلف * فوّه* مع بويش
صرت مثل البديوي لي مضيع ركابه
ومثل نخله في الاعصار بين التناويش
ودمع عيني على خدي مثيل السحابه
تهطل الدمع عيني. ولا ادري على ايش
بس . اكيد لان القلب فارق أحبابه
ليتني . طير باحلّاق في الجو بريش
باضوي عندهم ما همني لو بغابه
يا مسافر الى الاوطان في الراس تنغيش
شلّ قلبي معــــك .ورحمه من عذابه
اخوكم ابو همام الحضرمي
(( خلف * فوه* بويش من احياء المكلاء))
