:rolleyes: :rolleyes: :rolleyes:
ذات الرداء الاحمر
اسم ها ليلى
قصتها معروفة جدا ..
هذا الجزى الاول ( للأسف النسخة اللي معي كانت باللهجة العدنية )
أم ليلى صيحت لبنتها وهي تلعب :
- ياليلاااااااااااااااااااااااااااى .. يا ام الجن فييييييييييييييييييييينك ..
- اني هنا يا مه .... ايش تشتي
- لك حبة براسك .. وين كنتي .. اني شحبتوا من كثر ما صيحت لك
- كنتو العب شبدلو
- طيب يا مليحة .. روحي بيت الجيران وقولي لهم لو في معاهم سكر لاني بسوي كعك لجدتك وخلص السكر
- طيب
ليلى راحت لبيت الجيران ودقت الباب بعنف ثوري ... خالة رجاء( جارتهم ) صاحت وهي تفتح الباب
- لك كسر بيدك ياللي تدق الباب .. ايش تشتي تكسره
ولما شافت ليلى قالت لها:
- ليش كدا تدقي الباب .. ايش فيبك جني
- اصلا اني مستجلة يا خالة
مطت خالة رجاء شفايفها وهي تقول في قلبها ( اللي يسمعها يقول معاها الوزارة ) وقالت
- ايش تشتي طيب ؟
- نعم .. تقول امي .. نعم .. في معاكم .. نعم .. قليل .. نعم
- لك لعيصة تلعصك .. ايش من نعم اللي تشتيهو مني دحينه ؟؟
- لا لا يا خالة .. نعم تقول امي معاكم قليل سكر
- طيب استني بجيب السكر
وراحت رجاء المطبخ وهي تتمتم ( يا ربي متى بنسكه من دولا الجيران اللي ولا يبطلوا يشلوا راشن بيتنا )
واحضرت السكر
فعلى طول ليلى جرت بالسكر لعند امها
وبعد مشاوير لكل بيت في العمارة عشان طلبات الكعك ( دقيق – زبدة – صحن حق الكعك – الخ الخ حيث ان الوصفة تتضمن انه لزيادة حلاوة الطبخة لازم تكون معمولة من البلاش والبلاش زي ما تعرفوا حااااااااااااااااالي )
المهم ليلى شلت البرتن ( الوعاء ) حق الكعك وراحت الغابة
وكانت ليلى ذات الرداء الاحمر تتقنفز وتلعب في الغابة وهي في طريقها لجدتها
كان مشوار الغابة من احلى المشاوير
المهم بعد القنفزة والتمتع بخيرات الطبيعة
كانت كل ما شافت وردة تقول
- اووووه يا ربي ما احسنه .. تجنن
وتقطفها وبعد قليل وعشان تبرد قلبها ترميها بالارض وتدعسها تمام عشان ما يتعرف اهل 000000000000الى اللقاء في الجزى الثاني00000000
ملطوووووووووووووش ... مع الحوايج ..
اخوكم (الحــــوت)000
