الناس بخازوق احنا بخازوقين
بسم الله الرحمن الرحيم
عنوان المقال الناس بخازوق احنا بخازوقين
بقلم الكاتب احمد عصفور ابواياد
مؤسس وعضو الامانه العامه لصالون القلم الفلسطيني
ايه زغرتي يام الشهيد ، هي رجالك عديهم ، الناس بدوله ههههههههههه احنا لنا دولتين ، الناس بشعب ، احنا لنا شعبين ، الناس لها حكومه ، احنا من الفصحنه لنا حكومتين ، حكومه علمانيه وحكومه ربانيه ، وانت يالمواطن مفتوحه الحدود روح تفسح بدولتين ، الناس عندها مجلس تشريعي عنا مجلسين ، الفقاري عندهم رئيس وزراء احنا من العز لنا رئيسن لوزارتين مختلفتين ، الناس عندها جيش واحد ، احنا مبسوطين وعنا جيشين ، وعنا ماشاء الله من المليشيات دزنتين ، مش ظايل غير شوي ويصير عنا رئيسين ، واحد للشمال والاخر للجنوب والناس حتوكل العسل واللبن بس روحوا يانايمين ، اليهود ملاعين مبسوطين واحنا علي الخوازيق متخصمين ، ساعات الواحد بياخد خازوق احنا من الشطاره عنا خازوقين ، بعنا الشهيد والوطن من اجل نفق وشوية فكه وشلنين ، ماهيك مضبطه بدها هيك ختم ، ولا انتم نايمين ، لفيت بلاد من الشرق والغرب مالقيت الا عنا خوازيق وللاسف احنا لايصين وحبينا الخازوقين ، الشعب تقتل وتشرد وتدمر وزاد الحصار ، واحنا صامدين لاخر نفس ، ماهو عنا زعتر وطين ، ياعيني موكب الوزير ولا سوق الحمير ، بالامس كان تعبان وجعان واليوم صاحب ملايين ، من وين ياخي هل انت باشا او وزير ، ضحك وقال اسكت انا الميلشياوي انهب اسرق اقتل مو هيك التحرير ، راح الوطن ياناس واحنا بالحوار سايرين ، حوار طرشان وهيك مضبطه بدها هيك ختم ، ماانتم شعب تستاهلوا جبتونا وتحملونا والا لنزيد عليكم طين ، وين المقاومه وين التحرير كان من الماضي واليوم كله شغل دكاكين ، راح الوطن من انقسام لعين ، وين العقل يامسلمين وياوطنيين ، ولا النتن ياهو حكيم وفطين ، لما قال لادوله ولا بطيخ انتم مشردين ومشعتتين ، وين دم ابوعمار ويا الياسين ، ولا استحليتوا اللعبه من اجل ملاليم ، الله يلعن هالكرسي الي عملنا مخوزقين ومشتتين ، مافي عاقل يقول عيب عليكم عودوا للوطن وللوحده ، والشهداء بتئن تحت الطين ، ارحموا شعبكم من هالحصار اللعين ، ولا خراب الوطن مايهمكم اهم شيء خازوق الكرسي اللعين ، اه ياوطن ضيعوك بمتاهة السياسه والكل نايمين فهل من مغيث دمتم مع مودتي.
