زجاجة العطر كانت بالاصح مقلب
ونضرتك والرسائل شبه كذابه
كان الغرض من هديه جبتها مكسب
لا سامح الله صديق الويل ذي جابه
حتى الدعايه طلب من داخل المكتب
باجمل عبارات ضمن ازهار خلابه
حب اصطناعي على الاوراق يترتب
وابيات من شعر رومنسي وجذابه
خلت فؤادي كما العصفور يتعذب
يلازم العش اذا شمس الضحى انسابه
امسي كما الطفل وسط الغرفه اتقلّب
وانزل الوقت الي دون حسابه
اشتاق للشمس تشرق كلما غرّب
عسى التقي بالمهاوي حالي اهدابه
ذي شق صدري وخلا الحب يتسرب
شعاع ذري بدمي تم خصابه
سبح في امواج قلبي واصطنع مركب
وانا وعقلي وقلبي ضمن ركابه
على شواطي فؤادي كلما جنب
يقول مصفى فؤادك وأظهر اعجابه
سئلتك هدى ايش السر تتهرب
لا تحسب اني بنية سوق لعابه
أربعة أعوام كامل نحوك اتقرب
اطلق سهامي بصدرك قط ما صابه
واذا هجمتُ على الميدان تتغيب
مقدرة اجيبك سهامي خوافآ انتابه
لما عرفت الحقيقه قُمة تتغرب
سفر مبرمج والى نعرف عن اسبابه
قررت انا ابقى بنفس المستوى واْرسب
من اجل حبك ودمع العين سكابه
وعودتك كانت احلامي معا المطلب
وقفت جنبك ونفسي باللقاء ذابه
هل عندك احساس والا قلبك اتصلب
ورددتها ومزن العين منسابه
فقلت يا بنت مثلي بالهواء شيب
والعاطفه والمحبه بالحشى شابه
ثلاثه اولاد وانا للثلاثه اب
قالت من الرد هذا كنت مرتابه
احسب عيالك عيالي قط لا تحنب
خذني لهم ام جنب الام نتشابه
خلت فؤادي على مافات يتانب
وارغمت قلبي على مبدئ تجنابه
هزيت راسي وقُلت الان لي مطلب
كرت الهويه وجيبي لي رقم بابه
كرت الهويه اشوف الخد واتعجب
اذا اقتنعتو اجي للبيت من بابه
قالت بلا كرت مادام النبي وجب
وجهً لوجهً وهذا وجه عنابه
اخر كروتي وبه واثق وبتغلب
واخاف جسمك بنضره يفقد اعصابه
من ماراق لي
