اقــوى قصيــدة حــب وفــراق ..............................منقول

قرأت هالأبيات و حبيتها ... فحبيت إنكم تشوفوها عسى تعجبكم

الشعر منقول

الله يوفق مثلك الله يخليه.
........................كانك نويت الصد والهجر وياه

غالي ولك بالقلب شي ومخفيه
.......................اكبر من اللي بالضماير تهقواه

في غيبتك قلبي ترى الهم صاليه
......................واسهرت ليلي بين ونه وويلاه

البارحه طيفك مع الليل احاكيه
......................يشهد علي الليل والنجم يصغاه

فكرت ويا الليل مبدع قوافيه.
.................. ...مسحوب طرقي والقوافي تقفاه

والحزن فوق القلب والهم مقفيه
...................و ليلي غدا ليلين والصبر مقواه

اكتب شطروالشطر الاخر نجاريه
........................شاعر تحد ه والليالي توطاه

اجزل بيوت الشعر وحكم معانيه
......................ولا هزيل القاف واضح ثناياه

ياللي حرقت القلب منهو يطفيه
.....................النار نار ٍ تتعب القلب واحشاه

يا مانسيت اللي من الناس نغليه
........................ولاعاد به شي ليا حل طرياه

استر عيوب الناس والطيب ابديه.
...................وش خانت اللي ماسترعيب رفقاه

امسٍ وقبل البارح القلب اهنيه.
......................امسي مع الفرحه وصبّح بفرحاه

في شوفتك افرح مع اللحن اغنيه
.........................وطيفك يسلي كل طرقٍ بمغناه

قلبي كثير اللي من الناس ترجيه
......................وانا الذي قلبك من الناس يرجاه

لاتحسب ان الصد صعبٍ تحديه
.......................ترى الزمن يشكي ومثلي تحداه

انشد وتلقى الليل تقصر مساريه
.................صدر الزمن يشكي من اقصاه ودناه

راحت هجوسك مبعده في هقاويه
.....................انشد جبال اطويق واللي ترقاه

تلقى زمانك قاصرات ٍ لياليه
.....................هذا الصحيح وتدمع العين فرقاه

وانت الذي لاضاق صدره نراضيه
...................نتعب على شانه على شان نرضاه

ولا انت تدري من زعل عيب اصافيه
.....................يادارس اطبوع المشاعر وتدراه

يا ما لقيتك تشكي الهم تشكيه
..................وجهك عبوسٍ تشكي الحظ برداه

ياللي خذيت القلب وشعادكم فيه
....................رده ترى قلب العنا وافي اشقاه

ارفق بقلب هالليالي تفاجيه
.........................يابو ثمانٍ مرهفاتٍ مصفاه

انا عشقت وعشقي محدٍ يظاهيه
................جيتك على الفطره وذ القلب يغشاه

احساس من قمة شعورٍ وطريه
...................عليك ياللي ناسي القلب تنساه

في كفي سيفٍ للعواذيل مرهيه
................وفي صدري درعٍ لسهوم المصلاه

ياقلبي الليله على وادي التيه
...................جريت ونه والف ونه من الأه

اسمع صدى صوت المعنا بتاليه
....................اضحك واقول الله يعين الذي تاه

والحق انا اللي تايهٍ في دواهيه
.......................مجراك نار تكوي القلب تكواه

باغيه قلبي والمشاعر تناديه
........................قلبي عشق قلبه مع الليل ناداه

يفداك منهو يجمع اريال وجنيه
.........................يفداه وجه الطيب والعز يفداه

مثل البواخر لا رست في مراسيه
...................حبك رسا صبح ومسا ابكل مرساه

بين الظلوع الحدب حبه ابنيه
....................واكتب عليه من الغلا شي يزهاه

لكنّ كيف القلب هذا امتناسيه
...................ياصرح مدري جرح ياجرح ودواه

يمكن صواديف الليالي تحاديه.
...........................ولاّ تغلا والغلا في مزاياه

لكنّ قلبي ماصبر ليل مشقيه.
.......................دنت هجوسي والبلا في محاتاه

همٍ على قلبي وهمٍ يباريه
...................... .ولا جروح القلب صعبه تبراه

البارحه قلبي من اللي يداويه
.......................ياكود وجهٍ يبري الجرح ملفاه

حامت شياطين الشعرمن بلاويه
...................وسرحت في عالم صعيبٍ بمسراه

هلّت دموع العين هلّت غواديه.
.....................على الذي قلبي من الناس بداه

اكتب حسين القاف وارجع ومحيه
.......................جف القلم حبره ولا نافعٍ ماه

شطرٍ نهليبه وشطرٍ نحييه
..................وشطرٍ على ماقيل ملعون مثواه

هذا حبيب ولا عليّه مشاريه
...................عشره قديمه والحكي توّ معناه

ترى الوفا والطيب حق ٍموّفيه
......................ترى الغلا والحب حق موّفاه

من باعني بعته وتقصر خطاويه
................مدعي عليه ادعي عسى الله يرعاه

لا ياندي العرض هذي تواصيه
.................ابوي انا اللي وافي الهرج بوصاه

وانا الذي من يشري القلب شاريه
.......................هذا محله قلبي واسعد بلقياه

اقلّطه في صدر قلبي وهلّيه
..................ارحب هلا واهلاٍ وننحر له الشاه

ونقدّم الفنجال والهيل حاليه
...................اشقر مقره من ورى الهند مجناه

يعني انتهى المشوار لاباس ياهيه
.................خمسين بيتٍ شاعر الجن سواه

وخمسين بيتٍ تقفي اللي مسويه
..............مسرج خيول الجن واهجيك بحكاه

من قدّم الطيبه نرفّع معاليه.
..................ومن قدّم السيّه مع الدرب دسناه

ادعيك من قلبي وانا الغير مدعيه
.................مشتاق انا والشوق وشلون ابنهاه

في داخلي حربٍ من الشوق مذيه
..................والصبر طعمه مر وكيف اتحلواه

من لايعرف الحر لاشك يشويه
.............اخطيت في حقي وانا ارجيك رجواه

انا الذي منهو رقا فوق اوطيه
........................عليك ياللي كل رجمٍ تعلاه

لا تحسب اني بسهر الليل مقضيه
...................جاتك مثايل وفهم القول وقراه

قبل امس احبه وفتخر في تلاقيه
.................واليوم هذا مثلي صرّح كرهناه

الخط الاحمر ليه نفسك تعديه
.....................قد قلت الك ومحذّرك لا تعداه

رادي ومثلي لاحشى ما ترديه.
..................درب الردى لارحم منهو تمشاه

كان الغدر ميزه وتفخر بتاليه
......................الله يعينك تالي الوقت عزاه

تصبح مابين الناس محدٍ يدانيه
.................قبلك صفق يمناه في كف يسراه

الرادي اللي يمشي محدٍ يراعيه
...................هذي حياتك باخر الوقت وتلاه

ياللي تقول الحب وافي ومرخيه.
.................حبل الوفا تقصره وشلون ترخاه

الحر لامن فز يكفخ جناحيه
..................انا عزيز النفس واللي ورثناه

المرجله والطيب لازم نقديه
....................ماني شحيحٍ تايه ارداه برداه

واليوم ياوجهٍ بدا فيه وشفيه
.....................الاّ عرفت القلب هذا ومرضاه

لا يالذي قلبك من الغدر تحشيه
....................هذا وانا مهجيه وذكر حلاياه

.لكن علي الله ماعاد انا ارجيه
....................في رجعته همٍ ولا عاد نبغاه

فيه البقا واللي حلاته نعزيه
......................اقولها من بعد هذا عرفناه

يرثيه وقت الحب والحال ترثيه
....................كم واحدٍ قبلك ترانا رثيناه

هذاك غالي والله اللي متوفيه
..............ولاانت لا مثله ولا وجيت شرواه

يشهد له التاريخ حضر وبواديه
.............يرحمك ياللي وافي الطيب والجاه

ونتي بديتي بالغدر من مواريه.
...............عمر الغدر شاين ولو زان مرباه

درب العنا ياللي نويتي مساعيه.
...................خايب وظنك ضايع ابكل مسعاه

فيك الغدروافي على كل اراضيه
.................ثوب الغدر ما والله يومٍ لبسناه

بأسم من انزل محمد وحاميه
....................الواحد القهار ربٍ عبدناه

ماني على صدك ترى القلب اعنيه.
................وشعاد يعني لو مثلك هجرناه

القلب يسلا مع هل الطيب اسليه
..............عندك خبر كلٍ على كيف مشهاه

اقفت ليال الحب واقفت لياليه
..............والشوق روّح لاترجى وتنصاه

اطغيت حتى القلب بالغدر معميه
..............الصبح لك قلبٍ مع الحب يهواه

والليل لك قلبٍ من الغدر ماليه
.............كنت الامل والنفس مثلك تحراه

ماني صغير السن مثلك يخطيه
..............اخطيت ياللي كل شيٍ تخطاه

اللي رقا للخير ربي يجازيه
..............جعله بخير وراعي الطيب حياه

واللي يحب الشر منهو يخاويه
...............ياكود مثل الطبع لاشك خاواه

العقل راس المال وشلون اقديه
.............في ذكر ربٍ عالي الناس تخشاه

جفت عروق القلب جفت خباريه
...............لاتحسب ان الحر مثلي تشواه

حرٍ وفي وصفه طوالٍ مواميه
...............انا عريب الجد ياضايع اجداه

اخطيت في قلبي على الكيف مهديه
.............انا اشهد اني ظالم القلب وسقاه

اسقاه من ظيم الليالي ومسقيه
..................همٍ وكل همٍ موفّي زواياه

الصدر لا من ضاق بالقاف اواسيه.
..............شاعر وومّر كل شطرٍ كتبناه

اكتب حروف الشعر من كيفي ووفيه
..............والشعر وهبه والعفو ماشريناه

وغيري كثير الناس لشعر تنخيه
............الناس واجد ياهل العرف تنخاه

لامن كتب بيتٍ تعزوا بعزاويه
...............مسكين ياللي كل شطرٍ تبناه

وانا احمد الله كل شطرٍ موازيه
...............لاطاح شطرٍ قام خيّه توازاه

العقل وافي واحمدلله مكسيه
............بالطيب والمعروف حنا كسيناه

حاضر بحاضر ياهل الحسد اسويه
..........والموت حقٍ يحصد العمر يفناه

متين شطرٍ وافي العرف محصيه
.........ساعه وثلث الطرق حنا بدعناه

وختم قصيدي عد ماهب ذاريه
.........على النبي اللي طريقه مشيناه

رغم طول القصيده بس
ماحسيتها
لشدة انسجامي
ما اصعب الفراق
مشكور اخي على النقل الرائع
مودتي

انا عشقت وعشقي محدٍ يظاهيه
................جيتك على الفطره وذ القلب يغشاه

احساس من قمة شعورٍ وطريه
...................عليك ياللي ناسي القلب تنساه

لم استطيع ان اواصل لاكن القصيدة كبيرة بس حلوة
اخي ارق تحية

اختيار جدا مميز


مشكور وبيض الله وجهك

قصيدة جميلة
طويله لا يمل منها قارئها
أختيار راقي
وتسلم نقل متميز

تحياتي

Quote:

---

Originally Posted by ابونواف الوصابي

اختيار جدا مميز


مشكور وبيض الله وجهك

---

نورت الموضوع بتعليقك يا عم ابو نواف......تقبل ودي واحترامي

Quote:

---

Originally Posted by علي المريسي

قصيدة جميلة

طويله لا يمل منها قارئها
أختيار راقي
وتسلم نقل متميز

تحياتي

---

شكرا لمرورك نورت الموضوع .................تقبل ودي واحترامي

صدقو الي قالو

روعــــــــــــــ الله يعطيك العافية ـــــــــــــــــــــــــة

Quote:

---

Originally Posted by دمعة حب

صدقو الي قالو

روعــــــــــــــ الله يعطيك العافية ـــــــــــــــــــــــــة

---

ويعطيك العافية والخير المهم انها اعجبتك .........تقبل ودي واحترامي

وادي هواك كان مطلع شمسه


يلقي على ياسي شعاع اماني


وكان هذا البدر في ظلمائه


يد راحم مسحت على احزاني


وكان انجم افقه في ليلها

ذكرى وعودك لحن في نسياني (مصطفى صادق الرافعي من رسائل الاحزان)

تقبل مروري اختك زهراء فلسطين

اخي امير رغم طول القصيده ولكنها رائعه

كروعة ناقلها

لك احلى تحية وتقدير

قصيدة جميله

ومتقنه


دمت .... بود

Quote:

---

Originally Posted by الزهراء يونسزز

وادي هواك كان مطلع شمسه


يلقي على ياسي شعاع اماني


وكان هذا البدر في ظلمائه


يد راحم مسحت على احزاني


وكان انجم افقه في ليلها

ذكرى وعودك لحن في نسياني (مصطفى صادق الرافعي من رسائل الاحزان)

تقبل مروري اختك زهراء فلسطين

---

نورتي بتعليقك على موضوعي حياك الله

Quote:

---

Originally Posted by نفثات اليراع

قصيدة جميله

ومتقنه


دمت .... بود

---

شكرا لمرورك العطر

Quote:

---

Originally Posted by القلم الذهبي

اخي امير رغم طول القصيده ولكنها رائعه

كروعة ناقلها

لك احلى تحية وتقدير

---

أنت بتعليقك طرزت كلماتي بجمال قلمك...........شكرا لمرورك العطر