ابو نواف .. يامشرفنا ......

هذه ابيات من الشعر عبارة عن بازل ( لغز ) ارسله الشاعر / زبير العجي - من الامارات

وما اعرف ويش حله ..

ياريت تدوروا له على حل بس يكون بابيات من الشعر

قال بو خـالد سلامـي للصقـور
*************** للرجال الـي لهم فـي وقعها
وسلم المرسـال بالشـعر الجزول
*************** للفهيم الـي قدر فـي حلها
بيت شعري من بحور(ن) ما تفور
*************** من سـنا بركان هـو سلها
بانشدك عن بنت من بيت الاصول
*************** مرحبـه بالظيف دايم دومها
هن عشـر في صفهن ماهن بسور
*************** كل راس (ن) هامته ما همها
كل راس (ن) مربطه عرق الزلول
*************** كالجبـال العاليه فـي صفها
ما بهـا عظـمٍ ولا فيهـا خصور
*************** لابسـه ثوب العرس يا حلوها
للزواج مجهـزه ويـن الفحـول
*************** وين حمران العيون مـن شلها
من شرب من دم يصبح في شرور
*************** والمعنا من شرب مـن دمها
بازلـي حلـه بكثبـان الرمول
*************** منـزل البنـت ومنـزل اهلها
ومن يريد الحل يكتب لي سطور
*************** والا وقع لـي وأنـا باحلهـا

وسلامتكم جميعاً .............

صح لسان الشاعر

صمام امان

لي عودة إن شاء الله تعالى

اووووه ولا فهمت شيء

اصلا لغتي العريبة تشتكي مني عادني عد افهم البلاغة في القصيدة :)

ننتظر الحل متابعة معكم ان شاء الله

Quote:

---

Originally Posted by الصـامد

صح لسان الشاعر

صمام امان

لي عودة إن شاء الله تعالى

---

الاخ طلع شاعر ......... اذا حليتها بعطيك السيارة حق فارس او حموود

يالله بس شد حيلك ........

Quote:

---

Originally Posted by همسات المحبة

اووووه ولا فهمت شيء

اصلا لغتي العريبة تشتكي مني عادني عد افهم البلاغة في القصيدة :)

ننتظر الحل متابعة معكم ان شاء الله

---

لا اللغة ما راح تشتكي <<< هذا الكلام للغه عبارة عن تهدئه ..

خليك متابعة ... واذا ما اعجبش غيري القناه وارجعي لنا بعد الاعلان ..

تحياتي لك

تسلم اخي على الكلمات

ودمت

طيب اللي يحل اعطيه جايزه

Quote:

---

Originally Posted by ابونواف الوصابي

طيب اللي يحل اعطيه جايزه

---

شلون يعني .. جائزة مني ولا منك :53:

حاضرين جايزه ليش لا .....................

تحياتي لك

انا اعطيه جايزع عشان اني ماقدرت ع الحل