كلام في كلام عنك يانفس!!!
بسم الله الرحمـن الرحيم
بحاول إني أتطاول على هذا العلم العظيم وأكتب فيه وبخبرتي الموتواضعة في الحياة وقرآءاتي المتواضعة فيه. . طبعا" مش قرأة العلم بحد ذاته ولكن مقالات بسيطة تدخل النفس الغالية الناعمة الرقيقة الشفافة لتعمل محاولات لترميم الكسور والشروخ في جدرانها وأحيانا" تحاول إعادة بناء الجدران النهارة منها. .
أنا عارفة إن اللي بيقرأ الآن بيتلهف عشان يعرف أنا إيش راح أكتب عن هذا الموضوع أو إيش هي الأشياء اللي راح أذكرها بتساعد ولو بشي بسيط في عملية الترميم. . وهذا ما يحدث لي أنا كمان ويحدث لأي شخص طبيعي . . فلما أرى عنوان في مجلة معينة أو في منتدى معين يونوه إلى أن الموضوع فيه جوانب نفسية ممكن تدخل لجواتي تصلح وترمم. . على طول وبدون تردد أبحث بشغف عن هذا الموضوع وأقرأ فيه مرة وإثنين وثلاثة عشان أستفيذ من كل سطر ..لا بل من كل كلمة.. لأن فعلا" الكلام أحيان يكون دوى لكثير من المتاعب النفسية. . .
وأريد كمان أقول . . . إن جرت العادة بين الناس على أنه أي شخص يذهب لطبيب نفساني هذا معناه قطعا" وبلا أدنى شك إنه إنسان مريض نفسيا" أو بكل جرآءة مجنون . . . مع إن هذا الإعتقاد خاطئ فعلى العكس تماما" فالشخص الطبيعي هو اللي يمر بمرات يشعر فيها أنه عاوز طبيب نفساني ومحتاجله كمان ..واللي بيشعر بهذا الشي ميخجلش ويفتخر فساعتها لازم يتأكد إنه حصل على مؤشر قوي بأنه شخص طبيعي . . .
وطبعا" أكيد (( بس عشان ألم بالموضوع اللي قاعدة أكتب فيه )) لازم نذكر إننا إحنا كمؤمنين والحمدلله قليل ما نصاب بمرض الإكتئاب الحاد اللي يؤدي في كثير من الأحيان للإنتحار.. فبطبيعة الفطرة الإيمانية أول ما يبدأ مؤشر الإكتئاب والإحباطيعلى في نفسياتنا تلقائيا" نذهب إلى الله سبحانه وتعالى ونصلي بخشوع أكثر من المعتاد ونطول بالسجدة أكثر ومرات نبكي وإحنا نصلي ومن غير أي سبب محدد .. وهذا علاج وعلاج معّال كمان .. ونلجأ للعلاج الروحاني التاني ونقرأ القرآن بطريقة أكثر تمعنا" وخشوع من المرات اللي بنقرأ فيها وإحنا عال العال. .
وكل هذا تمام ومقبول وصح لأنه فعّال وسريع المفعول كمان. . بس أرجع وأقول النفس هذه طبقات وأعماق ولها مسالك عدة فقدناس يكتفوا برجوعهم لله ولكن تبقى أماكن في النفس مش هنا علاجها ((طبعا" سبحانه وتعالى هذا لأنه جعل لكل داء دواء وقال إسألوا أهل العلم إن كنتم لا تعلمون)).
وقد تكون فكرة الإبحار في عالم النفس والغوص في أعماقها مثيرة ومثل تمام فكرة الإبحار في عالم البحار الواسعة والغوص في أعماقها... فهناك أماكن في النفس فيها ضوء ومنيرة بس كل ما المسافر دخل أكثر وتعمق يبدأ يكتشف أماكن مظلمة مذمرة كئيبة وهنا يبدأ يصلّح ويعمر ويبني ويعيدها صالحة للإستعمال. . .
ناس أرجع وأقول تجعل عالم النفس أو الطبيب النفساني يسافر في أنفسهم ويبحر فيها . . . وهذا صح ومش عيب لأن وصلوا لمرحلة الشلل في التفكير . . . بس كمان الشخص هو ممكن يحاول يدخل لنفسه ويتعمق فيها ..يجلس مع نفسه فترة يبتعد عن الناس والإزعاج ويعيش بوحدة يعيش فترة طويلة أو قصيرة مش مهم المهم إنه يركز في نفسه ويبدأ يتعمق فيها...
بيشوف العجب بيشوف دنيا تانية مليانة شر ومليانة خير مليان ذمار ومليانة عمار..يبدأ رحلة الترميم لذاته ولنفسيته اللي أكيد بيجدها تعبانة ومحتاجاه ..
وبسأل سؤال..هل كلنا مقتنعين إن لأنفسنا علينا حق؟؟!!!
كفاية تعبناها كثير نجرب نعطيها أجازة وفي هذه الأجازة نحاول نفهما نشوف إيش الأشياء الحلوة اللي فيها إحنا مش عارفينها.. نشوف إيش الأشياء اللي تتعبها وإحنا مش حاسين فيها...
يعني ببساطة نآخد إجازة مفتوحة من الدنيا ونروح جواتنا ومناخدش حد معانا ..بس إحنا ونفسياتنا نصادقها نرتبط فيها أكثر نفهمها أكثر...
بنلاقي في أشياء فاهمينها غلط ونرجع نفهمها صح وأشياء كنا معتقدين إننا فاهمينها صح ونكتشف إنها غلط .. نحاول نشوف الأماكن العفنة المعطبة اللي فينا وكانت مستترة بالزحمة والضجيج.
وبعدين نعود أقوى وأمتن ونشعر بالإنتعاش والثبات...
وراجعين راجعين لهذا العالم المزدحم ..يعني فين بنروح!!!!!!!!!!
وإسمحوا لي أقدم خواطر كتبتها....
كفى هراء
كفى يا ضجيج
لقد إنزعجت
أكاد أتفجر منك
كفّ عن الصراخ
كفّوا يابشر
إني راحل
راحل إليك يانفسي
سأعيش فيك
حالم..
أتفكر وأبدع
أتفنن وأصرخ صراخ الهدوء
بحنان وبشجن
كفي يادنيا العبث
لقد سئمت
لقد تقززت نفسي من رائحة العفن
ها أنا ذا أضب حقائبي
عالن الرحيل
سأسافر في مركب الحب
على بحري
سأقف أنضم أبياتا" على أطلال الواقع
الزائف المزعج
إلى أن يأتي الغروب
فأرحل عند أول غروب
فياله من منظر جميل
أخآذ
يسرق الروح من الروح
يداعب النفس
ويرش عطره العودي عليها
أنا عرفة إن كل اللي كتبته خرابيش وخرابيط بس كتبته عشان أرتاح
وأعتذر على الإطالة
سلام
