قول ايش بتكون ردة فعلك لو

هنا كوكتيل مواقف ..احب لو تشاركوني بردة فعلكم فيها كيف بتكون ؟!!!

واكيد لي دور باخذه معاكم .. اللي ابيه فقط المتعه والدردشه .. وصحبتي لكم

بوقت جميل ومسلي هنا في هذه الصفحه .. وحياكم الله جميعا ..


اوكي نبلش ..


قول ايش بتكون ردة فعلك.؟!.


لو .....


* فتحت الجريده الصباح الا قدام عيونك عنوان كبير ..القبض الليله الماضيه

على اكبر مروج مخدرات .. ومن بين اسطر الخبر ..

( تم تفتيش منزل المتهم ..والحصول على بعض الادله لوجود بقيه لافراد العصابه

والبحث عنهم مازال جاري !)..الى ان تصل لنهاية الخبر ..

وتلقى الصوره الموجوده صورة احد اصدقائك وتحتها اسمه بالكامل !

وعلى طول تاخذك ذاكرتك الى وجود كم صوره لك عنده وعليها اسمك ورقم تلفونك !؟



لو .....


* تقدموا هلك لبنت مادحينها لهم ناس لك عشان تخطبها وراحوا شافوها واعجبتهم

وبالاخص الوالده اعجبتها كثير واصرت على اتمام الخطبه وربي تمم الامر..

واخذت انت موعد عشان تشوفها وتتعرف على جمالها الموصوف! .. وانت جالس

طلع ابوها يناديها وانت على نار ومتحمس لشوفة شريكة عمرك! ..

ودخلت البنت الجميله وكانت المفاجئه !!




لما شفتها وطاحت عينك بعينها طلعت تعرفها من مدة كم سنه مضت !! وكنت معاها


على علاقة حب انتهت بهوشه بسبب (خيانه منك انت ) !! وطبعا اتضح انها

كانت معاك باسم مستعار طول المده اللي راحت !!!!! وطبيعي انها استقبلتك

بابتسامه وقبول فيك لانها عارفه مين اللي متقدم لها !! يعني الباقي كله يعتمد عليك انت !!؟


لو .....


* كنت في زياره لصديق نوعا ما ( غريب ) .. وقدم لك فنجال قهوه ..

وشربت منه شوي وحسيت بطعم غريب .. وقبيح !

وخليت الفنجال ماكملته وانتظرت لين دخل صديقك داخل البيت

وحبيت تتأكد وتشوف ايش السر بهذا الطعم الغريب ومن فضولك فتحت دلة القهوه

ولقيت فيها صرصور ميت من (الحجم الزين) يسبح على سطح القهوه !! < صارت لناس نعرفهم !

( والعتب على الشغاله اللي سوت القهوه )!!

المهم هل بتكمل الجلسه !! وهل عندك القدره على ذلك ( طبعا انا استحاله )؟!

اللي ابي اعرفه كيف بتتخلص من الطعم الموجود بفمك ؟!



( اسف الموقف ..قذر .. لكن معليش تحملوا شوي ولكم مني علك بو سهم )!


لو ......


* كنت قدام البحر .. وجات سياره ونزلت منها حرمه والرجال جالس في السياره

ينتظرها مانزل .. وقربت الحرمه عند البحر اكثر واكثر وانت مراقبهم من بعيد

ورمت فيه كيس .. وبخطوات سريعه ملحوظه مشت لين السياره وراحوا !!

هل بتترك المشهد المثير في حاله وخلاص ؟! او بيسحبك فضولك لين تتعرف على

المجهول اللي في البحر ؟!

هذي الحادثه ( صارت ايضا لناس نعرفهم) راح اقول لكم ايش صار بهذي السالفه

لكن اللي احب اعرفه كيف بكون تصرفكم وعلى اي درجه الفضول وحب الاستطلاع

عندكم ؟!

منقوووووووووووووول

تقبلوا تحياتي .. وشكرا لكل مشارك صريح جدا جدا جدا جدا ..