نهاية رحلتي ..
غدا موعد نهايـــة رحلتــي يا الكرسـي الـدوار
وكثــر ماعشت بـــك ماكنـت متصـور نهاياتـي
كذا ترضى تسميني المفارق منتهي المشـوار
كذا من دون حتى وقت فيـــــه ألـم خطواتـي
يقولــــون الاوادم ماتخلــــــد والعمــــار قـصـار
ياليت أني عرفت اشعر بهــــــا لحظـة بداياتـي
ماكان اليوم عمري طاري شتات وغريب الــدار
وأصد عن العيون اللــي بهـــا موغـل بغلطاتـي
تعب كيف اعتــــذر وانا الذي ياما خلقت أعـذار
وخذلت من الوجيه اللي شكت من زود صداتي
بعد فوت الزمن توي عرفت أن الحيـــاة أسـرار
وتمنيت أنـــي أهديت العمــــر أجمـل حكاياتـي
هـــذا أنا بعــــد عدتنـي سنينـي واقـف محتـار
ادور من يصافحنــــي ويدمـــــح طيـش زلاتـي
ألا ياليتني ياليتني كيــف أشـــــرح اللـي صـار
بعد ماطحت فجـــــأة بيـن حلمـي وانكساراتـي
لو أدري ماخـــذيت بضحكتـك يا الكرسي الدوار
بعــــد ما أقصيتنـي وأقبلـت للترحيـب بالأتــي
للشاعر .. عبد الله الطفيلي
