|
هذه قصيده للشاعر المرحوم / منصور بن سعدي الرمالي الشمري
(( يــانــــــــــــــــــــــــــــوف ))
ياللي جرحت القلب بايدك وانا اشوف ,,, ,,, حرام قلبك ليه مابه مرافه
ارحم جريحٍ طاح وبحالته روف ,,, ,,, اللي حياته لأجل فرقاك عافه
تركتني في ظلمة الخوف مكسوف ,,, ,,, وألبستني ثوب الشقاء والكسافه
ياأبو جديلٍ فوق الامتان منسوف ,,, ,,, تلحق على رؤوس الشطايا ضفافه
وعيون سود وخد ونهود وردوف ,,, ,,, واليا ابتسم تجذب عيوني رهافه
وجسم حسين الطول والخصر منحوف ,,, ,,, عليه من تفصيخ ثوبه كلافه
والورك والفخذين والساق ملفوف ,,, ,,, والوجه ناعم ماأشتكا من جفافه
ادعج غنج بالملح والزين موصوف ,,, ,,, من ينهبه يملك عذر لإختطافه
في حب ذاك الزين مغرم ومشغوف ,,, ,,, اللي جمع بين الجمال وعفافه
تبدأ حياتي ليل لي كان مزفوف ,,, ,,, ونهايتي ليلة لغيري زفافه
وأوجد حالي وجد من جيب مكتوف ,,, ,,, وحطوه في سجنه وشدوا كتافه
مطلوب دم ولحظة الجرم مشيوف ,,, ,,, واخو القتيل اللي له الثأر شافه
ومن جيب للتحقيق بادوه بكفوف ,,, ,,, وسجل بتقرير السجون اعترافه
عليك ياللي لأجلك الدمع مذروف ,,, ,,, دمعي على فرقاك زاد انذرافه
انا على لقياك يانوف ملهوف ,,, ,,, والقلب هم الود والبعد لافه
بالقلب من فرقاك هاجس ولافوف ,,, ,,, يزود مع زايد جفاك التفافه
صارن دقاته لهن رجف ورجوف ,,, ,,, زود الجفاء والصد زاد ارتجافه
يانوف بإسمك صرت البي وانا اطوف ,,, ,,, وكل يلبي للولي في طوافه
هم يرتجون الله وانا ارجيك يانوف ,,, ,,, ارجيك انا رغم ابتعاد المسافه
ارجيك رجوى اللي مع الموج مجروف ,,, ,,, والموج حطم مركبه بإنجرافه
في ليل مظلم واعتلى فوقه الطوف ,,, ,,, وأطلق عنان الصوت بآخر مطافه
سوي ولو مره بدنياك معروف ,,, ,,, تماكني قلب بدابه تلافه
اجاوب النايح إليا ناح برفوف ,,, ,,, واقنب كما ذيب عنا الجوع حافه
روفي بحال اللي طعنتيه بالجوف ,,, ,,, اللي على شانك حلا النوم عافه
اعفي عن اللي بين اياديك موقوف ,,, ,,, فكي قياده واسمحي بإنصرافه
وردي علي وبددي ظلمة الخوف ,,, ,,, لا تتركيني في هوان ومخافه
وان مارجعتي لي فأنا اموت يانوف ,,, ,,, ولا على دنياي بعدك حسافه
رحم الله قائلها , واتمنى ان تنال اعجابكم |
|
