قصيديه عن الام ابكت من لايبكي
القصيده هذي... أبكت من لا يبكي
يواسيني وانا الميت وحالي يجبر الدمعات
تسيل من الذي فيني ويبكي وهو يواسيني
وانا ابكي واتنهد وارسم بالحزن لوحات
يجبروني عشان امشي ورجلي ما تمشيني
قتلت رعايتي بيدي قتلت الحب والرحمات
حرمت النفس من حقها وانا ابكيها وتبكيني
وكنه حلم قدامي يقيدني من الصرخات
ابي اصحى ولكني عجزت القى ال يصحيني
فداك القلب يايمه ومهما قلت من كلمات
صغيره في كبر حقك بس اتمنى تعذريني
نهبت الفرح من بيتي صحيح اني خسيس الذات
صحيح اني ولد طايش وكل ما أسمعه فيني
تجول عيونهم فيني تفصل مني قياسات
وتشيح وجوههم عني وكني غيرت ديني
يظنوا حزنهم اكبر وهم اصحاب هالمأساة
وانا اتحدى اذا فيهم ربع ما يحترق فيني
نقص قدري بعد موتك وغابت نشوة اللذات
وصار الهم عكازي اباكيه ويباكيني
عطيتيني بدون حساب ولا سمعتك تقولي هات
وانا اشرب حيل من دمك ودمك ما يكفيني
يايمه ارجعي كافي ابجلس معك لو لحظات
واقبل ايدك ورجلك وافرش لك رمش عيني
يايمه ما تحملهم يقولوا فات ما قد مات
تعالي غيري هالقول واطيعك باقي سنيني
واترك عادة التدخين وانفذ ما تبي بسكات
واصلي الفجر في المسجد قبل منتي تصحيني
يايمه ارجعي تكفين وطفي شمعة الآهات
ابيك انتي ولا غيرك على موتك تعزيني
وضميني وداويني مثل ما كانت الهقوات
ما ابي احدن يواسيني ابيك انتي تواسيني
دخيلك بس لا تبكي اذا شفتي بي الدمعات
انا مقوى ابكيك اذا انتي تبكيني ..
-------------------------------
منقوووووووووووووووووله
رد: قصيديه عن الام ابكت من لايبكي
فداك القلب يايمه ومهما قلت من كلمات
صغيره في كبر حقك بس اتمنى تعذريني
كلمـــات قوية ان شاءالله ربي يحفظ امهاتنا وماننحرم منهم ويحفظ لك امك اخي محمود ويشفيهـــا وتقوم بالســـــــــلامة واشكــرك على هذه الأبيات التى مهما قالت ومهما قالوا الشعراء والأدباء والمفكرين في حق الأم فلن يوفوهــا حقهــــا .
تحياتي لكـ
رد: قصيديه عن الام ابكت من لايبكي
رد: قصيديه عن الام ابكت من لايبكي
Quote:
Originally Posted by
اللــــورد
فداك القلب يايمه ومهما قلت من كلمات
صغيره في كبر حقك بس اتمنى تعذريني
كلمـــات قوية ان شاءالله ربي يحفظ امهاتنا وماننحرم منهم ويحفظ لك امك اخي محمود ويشفيهـــا وتقوم بالســـــــــلامة واشكــرك على هذه الأبيات التى مهما قالت ومهما قالوا الشعراء والأدباء والمفكرين في حق الأم فلن يوفوهــا حقهــــا .
تحياتي لكـ
والله لو اذن لي ربي لركعت عند قدميها تقدير واجلال لها ملكتي وكل غالي بحياتي حفظها ربي من كل مكروه وجنبها كل شر اسال الله القدير ان يحفظ امهاتنا وابائنا واخواننا وجميع من يهمهم امرنا شكرا
لك ياشقيق الروح على مرورك الرائع
رد: قصيديه عن الام ابكت من لايبكي
طبعا القصيديه لشاب سوى حادث وكانت امه معه وتوفيت بالحادث وهذه القصيديه بعد وفاتها
رد: قصيديه عن الام ابكت من لايبكي
مبدع يادغار بماتعنية الكلامة الف شكر لكم