يامرحبا بالخط واللي عنابه

شعر شعبي

يامرحبا بالخط واللي عنابه === عد النسيم وعد رمل النفود

وعداد ماهل المطر من سحابه === وعداد ما لاحت بروق الرعود

للشاعر اللي يوم جاني جوابه === على رسمه في سريع الردود

وسألت عن شيء وشوفه طرابه === هذاك زل في مجالس فهود

والا دلال الكيف للي شقابه === وما بينهن خمرة تتل الزنود

وسألت عن عد لذيذ شرابه === وهو كلام الله وضع في الجلود

ياسعد منهو شاربه واهتنابه === الذ ما يوجد بجميع الوجود

والا وصخ دنياً يجيك بعذابه === ولو فيه خير ما جناه اليهود

وسألت عن رجل وحظه عذابه === ورماه في جثة عجوز جحود

والا فكد والكد منه المهابه === دينه غثيث ولو كتب بالمقصود

هذا بيات الغطو ظني هقابه === وان كان به زلة فأنا في الوجود

بحر الهوى يازيد زاد الغثابه === وكم محمل يودع قصاره بدور

يازيد راع الدين يوفي حسابه === وماينفع المديون كثر الصدود

بسألك عن رجل حمل له بلابه === وفي يوم ثالث وصل حتن الولود

وتراه مخلوق مشى في ترابه === واكثر عياله في كل دارٍ تسود

كانك تعرف القاف فصل ثيابه === والا ان عندك من المعاني رشود

وبسألك عن عذرا ضناها وهابه === تموت ما ولدت بليا نهود

وأسـألك عن اللى ما بلكس يهابه === وتراه من عصر الصحابة حسود

وأسألك عن رجل قشع له ترابه === وترى مربه عند خشم البرود

وأسألك عن الله طالع من جنابه === ماله عذوق والثمر به ينود

يصعب على اللى جاهل مادرى به === وأهون على اللى ماسكٍ الحدود

يابادع القيفان عجل جوابه === حل الغطو يازيد بحل ركود

مدحت مدح وبينت لى كذابه === بغيت مدحك صار مدحك شرود

وارسلت مركوبي يكف الطلابة === لكن كرا قلبت لك رجود

ومكلفات كلهن بالحزابه === بمشوك وسيوف صنع اليهود

تسمع لهن قدام بيتك ظبابه === فرق على الهجن كانك ستود

ترى مساعد عا رضٍ لك جنابه === خلك صديق ولاتبيح سدود

مثلي ومثلك ماتجوز الحرابه === وان كان مكذبني فعندي شهود

على العدو واياك ناخذ زهابه === ونقصر يدين اللى لسانه لجود

ومن كان مقرود فحل البلا به === يبكن عليه موشمات الخدود

حنا كما نجم دوى له مهابه === يصدع جبالٍ راسية بالوقود

واختم بذكر اللى عبيده تهابه === الواحد اللى له عبيده سجود

صلوا على المختار سيد الصحابة === محمد اللى هداه الودود

أطروحاتك أخي عبد الباسط جميلة لكن حاول أن تجعل كل موضوع في مكانه المخصص