وبعدين ياشباب لين متى ..!!!
السلام عليكم ورحمة الله وبركاته
كيفكم .. ايش اخباركم ..؟؟
قبل يومين كنت جالسه اقلب في هالقنوات وانا اقلب كان في برنامج 99 على الرياضيه
كان موضوع الحلقة عن علاقة الاخ باخته
وهذي مشكلة كل البنات :rolleyes: .. !!!
مدري ليش كذا الاخوان يعاملوا خواتهم بطريقه غريبه .. كلها جفا وقسوه :frown:
والاخوات ما يحبوا القعده مع اخوانهم ... ليش يابنات:confused: ..!!<<<< وش عندها جدتي :)
.
.
مشكلة تسلط الاخوان على اخواتهم من دون وجه حق
وهذا الموضوع اللي بتكلم فيه اليوم ..
ايش مشكلتكم ياشباب مع اخواتكم .. ممكن اعرف:mad: ..!!!
بجد انكم مفتريين .. الا من رحم ربي ..
يعني اللي بيدخل يرد ويقول انا تمام مع اخواتي والحمدلله
بقوله انت شخص نادر نادر جدا
.
.
يعني الولد يطلع ويتمشى وينبسط ويكون مع اصحابه مبسوط ومافيه شي
بس يدخل البيت .. . يقلب 180درجه ويعمل نفسه سي السيد ..
ياشيخ حرام عليك .. اعطيها وجه شوي :mad:
باين عليا معصبه صح..!!
بقولكم ليش معصبه
::::: اسمعوا مقطع من البرنامج واحكموا ::::
انرفع ضغطي ياجماعه لما شفته :mad:
المذيع قال لواحد : متى آخر مره طلعت اختك ورحت تمشيت معاها..؟؟؟
قال : انا فاضي لها ورانا اشغال .. وش اللي اخرج معاها ..!! :eek:
وواحد ثاني ..
عاد هذا .. لو كان قدام مدري ايش كنت سويت فيه .. من جد حزنت على اخواته :frown:
قال : اطلع اختي ..!! الحمدلله اختي ما قد طلعت ودايم قاعده بالبيت
ليش اطلعها تشوف البنات والشباب والمصخره وحركاتهم والعبايات المخصره و و ..؟؟؟ :eek:
المذيع : يعني انت على بالك هيا ما تدري عن ذا كله ..!!
ما تشوف تلفزيون بلوتوث .. كمبيوتر ..!!!
قال : لا لا لا الحمدلله اختي ما قد طلعت ودايم قاعده بالبيت .. واللي تبغاه يجيها
تطلع وتحط راسي بالتراب ... اذا تزوجت الله يسهلها :eek:
بالله ايش تقولوا على هالشباب
وايش تتوقعوا .. من اخواتهم ..؟؟؟
.
.
بصراحه من يوم ما شفت البرنامج وانا افكر في اخواتهم االمساكين <<<< ياحنينه:tongue:
عشان كذا ابغى كل شاب يقرا هالموضوع .. يغير تعامله مع اخته ..
متى اخر مره قعدت مع اختك وتكلمتوا .. متى اخر مره طلعت معاها ..!!
امانه مين فيكم يدلع اخته لما يناديها :rolleyes: .. !!
.
خلونا نجرب اسبوع بس اسبوع كل واحد يعامل اخته بمحبه وموده وتشوف كيف بتصير معاك
بتصير اول واحد تقوله اسرارها هو انت .. وهي بتصير اقرب من نفسك صدقوني
يعني لو تخصص يوم في الاسبوع .. ساعتين .. ثلاثه بالكثير .. تتعشوا بمطعم..
تروحوا منتزه .. حتى تشربوا قهوه في السياره
ايش بينقص من الدنيا .. والله الطلعه مع الاخوات وناسه ..وبتشوف مردود هالطلعه كيف بيكون
واعطيها الثقه .. ولا تكون شكاك وتطفش حياتها .. ترى الضغط يولد الانفجار
.
.
من أجمل العلاقات الاسريه .. العلاقه بين الاخوان
وما يعرف قيمة الاخوه غير اللي فاقدها ..
فلا تفوت على نفسك متعة التقرب لإخوتك ومحاولة فهمهم ومراعاة المراحل التي يمرون بها
فهم سندك في هذه الحياه فاجعلهم من أولوياتك
احتووهم قبل ان يحتويهم احد غيركم :smile:
ابغى اعرف رايكم
وايش سبب هالفجوه الكبيره بين الاخ واخته .. ؟؟؟
من المسؤل عنها..؟؟
تحيتي
رد: وبعدين ياشباب لين متى ..!!!
هــــــــــــذا الحال الى ان نتقوم ناقة صالح
موضوع اجتماعي بحق ممتاز انا من وجهت نظري العادة والتقليد هي تحكم العلاقة
في البيت وفي الشارع وفي المدرسة والاسواق وفي الجاامعات
مجتمعنا الى نعيش فيه يختلف عن المجتمعات الغربيه والعربيه الاخرى
في اليمن فيه اختلاف من منطقة الى منطقة
في السعودية يختلف مايسير البنت تنزل الاسواق بمفردها او تروح في النقل العام
الى المدرسة او الجامعة لازم اخوها او والدها هو يوصلها الى امكان
لاتخرج الا معه من هنا يجي التحكم فيها ولا تفتح شباك ولا تكلم
تلفون مراقبه طول وقتها
من هنا يجي الاستعلا عليها من قبل الاخ
واعتقد ان البيئه والبيت له دور كبير بهالشئ وشخصيات الاخوان كلها لها دور
واعتقد ايضا ان الامر يختلف من اسرة الى اسرة اخرى
وهذا ريجع الى رب الاسرة
ينبغي الاستزادة في الثقافة الأسرية
لأفراد البيت كله لتزداد مهارات التعامل بينهم
فتزداد المحبة والصفاء يقول النبي صلى الله عليه وسلم
وكونوا عباد الله إخوانا.ولكي نرتقي بالعلاقة الأخوية في بيوتنا
علينا أن نتمثل بنماذج مشرقة كآباء وأمهات أمام أبنائنا وبناتنا
في سلوكنا اليومي الممارس ونحن نتعامل
مع أخواتنا وإخواننا وبناتنا وزوجاتنا وأزواجنا حتى
لا نرى انعكاسات سلبيات ذلك السلوك
في ممارسة أبنائنا وبناتنا لبعضهم
شكرا لك اختنا الفاضله غرام احباب
تحياتي
رد: وبعدين ياشباب لين متى ..!!!
والله اختي غرام اثرتي موضوع جدا مهم
ولانعرف لماذا الحال هكذا
قد يكون نتاج التربيه الخاطئه التي تعطي الاحقيه للولد ان يعمل اي شي والبنت يقومون باعطائها دور المسكينه اللي لازم تسمع كلام الكل
والبنت غلطانه دايما
كم هي تغره كبيره في العلاقات الاجتماعيه العربيه
واليمنيه تحديدا
بين الام وبنتها
والاب وابنه
وكم هو الرجل الشرقي متسلط
مش الكل طبعا عشان محد يكرهني مش ناقصه انا؟؟
المشكله التي عرضيها
ليس لها حل سوا التربيه العادله
وزع الموده بين الاخوات
اي هي مسؤليه الابوين
برايي طبعا
اختي غرام كم هو رائع طرحك للمواضيع
احمد الله اني غبت عن المنتدى وعدت ووجدتك متواجده متالقه كم انتي ائما
الشكر الجزيل لك
وللقلمك المعطاء
دمتي بود
رد: وبعدين ياشباب لين متى ..!!!
تسلمي والله موضوع له اهميه
ولي رجعه باذن الله
اختك
رد: وبعدين ياشباب لين متى ..!!!
هلا والله
طيب بما اني من الطبقة الاجتماعية ومن هؤلاء الشباب وفرد من المجتمع
والله يا اختي الاخوات والبنات بشكل عام قلق في قلق يعني بعض الاخوات اعوذ بالله الحمد لله مع ااني ما عندي اخوات بس اشوف اخوياي متوهقين توهيقة
يعني بالله الرجال قاعد يتفرج تلفزيون والا جالس مروق تجيك اخته تعانده ولا تقول وديني السوق بمزاج مو برايق له
شوفي بقولك شي وخذيها قاعدة
بالاسلوب تسحب البشر وتمشي الي براسك وتوصل للي تبيه
وحتى اخواتنا ما شاء الله ما يقصرون بذي الحركات
انا لا مؤيد ولا معارض ولا ادري وش السالفة لانه ما عندي اخت
بس مهما كان الكره والبغضاء والمطاقات والهواش داخل البيت ترى فيه معزة واخوة لا تحسبين انها مو موجودة بس طبيعة الرجل ما تسمح له انه يفصح لمشاعره يقولها اختي احترمك واقدرك واعزك واحبك وزي كذا بس تلاقيه يظهر لها بطرق غير مباشرة
ولا تنكرون يا البنات ذي الايام ماش طلباتكم تعجيزية وتجون باوقات بايخة وتكرهون عيشة الواحد ودني السوق رح اشتر لي ما ادري وش وهو تلاقي عليه دراسة ولا دوام مبتلش فيه يعني وتبيه يسولف هو واياها بالعقل
الله يديم المحبة بين الاخوان ولا يفرقهم ولا يفرقنا حنا بعد ولا بين اخ واخت
هذي وجهة نظري ووجهة الشباب الي في مجتمعنا اتمنى اني نقلت لك بعض من اصواتهم ^_^
مشكورة اختي على الموضوع الرائع
تحياتي
رد: وبعدين ياشباب لين متى ..!!!
غاليتي غراااام
دائماً مواضيعك جوهرية
عزيزتي إن علاقة الأخ بأخواته
دورها الأساسي معتمد على الأم والأب ومن صغر سنهم فلو أنهم يفهمون الأخ ماذا تعني له
أخته وهي نفس الشيء مو يصير الولد رجال ويبدأ يفرض السيطرة على أخته
أنا لي صديقة لديها أخ ليس بمتسلط ولكن تجيه حالات مثلاً كان رافض فكرت أن أخته تدرس الجامعة
لأن تفكيرة كل بنات الجامعة مو تمااام (تفكير أغلب الشباب عندنا) ومع هذا دخلت أخته الجامعة وبدأ يدقق في كل
صغيرة وكبيرة وأغرب موقف حصل في مرة كان يوصل أخته الجامعة و هي جالسة جنبه في السيارة
شاف شنطتها منتفخة فسألها أش هذا معاكي هي طبعاً ولا شيء هو النفخة مو طبيعية افتحي وريني قتحتها
طلعت البنت ياعيني شايله بسكويت لها ولصحبتها عاد شوفوا الكسفة
الفكرة مو انه يوديها السوق وإلا يخرج يتمشى معها المهم تكون العلاقة بينهم متشعبة فيه روح بالأخوة وواجبها
وأنا أشوف أن الثقة هي مفتاح هذه العلاقة بين الأخوان ومواقف زي هذه تخلي الثقة بين الأخ وأخواته
معدومة
بس نفسي اعرف هو أش كان يحسب في الشنطة!!؟؟
عذراً على الإطالة
دمتي بكل وووووود غاليتي
رد: وبعدين ياشباب لين متى ..!!!
Quote:
Originally Posted by
barywi
هــــــــــــذا الحالى الى ان نتقوم ناقة صالح موضوع اجتماعي بحق ممتاز انا من وجهت نظري العادة والتقليد هي تحكم العلاقة في البيت وفي الشارع وفي المدرسة والاسواق وفي الجاامعات مجتمعنا الى نعيش فيه يختلف عن المجتمعات الغربيه والعربيه الاخرى في اليمن فيه اختلاف من منطقة الى منطقة في السعودية يختلف مايسير البنت تنزل الاسواق بمفردها او تروح في النقل العام الى المدرسة او الجامعة لازم اخوها او والدها هو يوصلها الى امكان لاتخرج الا معه من هنا يجي التحكم فيها ولا تفتح شباك ولا تكلم تلفون مراقبه طول وقتها من هنا يجي الاستعلا عليها من قبل الاخ واعتقد ان البيئه والبيت له دور كبير بهالشئ وشخصيات الاخوان كلها لها دور واعتقد ايضا ان الامر يختلف من اسرة الى اسرة اخرى وهذا ريجع الى رب الاسرة ينبغي الاستزادة في الثقافة الأسرية لأفراد البيت كله لتزداد مهارات التعامل بينهم فتزداد المحبة والصفاء يقول النبي صلى الله عليه وسلم وكونوا عباد الله إخوانا.ولكي نرتقي بالعلاقة الأخوية في بيوتنا علينا أن نتمثل بنماذج مشرقة كآباء وأمهات أمام أبنائنا وبناتنا في سلوكنا اليومي الممارس ونحن نتعامل مع أخواتنا وإخواننا وبناتنا وزوجاتنا وأزواجنا حتى لا نرى انعكاسات سلبيات ذلك السلوك في ممارسة أبنائنا وبناتنا لبعضهم شكرا لك اختنا الفاضله غرام احباب تحياتي
مشكور عميدنا على مشاركتك واضافتك
مثل ما ذكرت .. الوالدين .. لهم دور كبير في مثل هذه العلاقه
يعني ما نلوم الولد لحاله .. لانه ما تهئ .. وما تعلم كيف يتعامل مع اخته
.
.
اذكر فـي نفس البرنامج لكن حلقه ( ســابقه )
كان موضوع الحلقه عن هموم البنات
وربي ان جاتهم اتصالات وايميلات مدري فاكسات
من جد تقطع القلب:frown:
تحس انهم عالم يفتقر الى الحنــــــان :confused:
ويحتاجون احد يوقف معاهم .. حتى اخوانهم عزوتهم .. ما يدوا عنهم:frown:
ينقص مجتمعنا الوعي .. الوعي .. الوعي <<<<خلاص فهمنا:tongue:
لا تحرمنا وجودك دمت بود
مشاركة: وبعدين ياشباب لين متى ..!!!
غرااااااااااام بصرحة الموضوع اجتماعي 0انساني فالمرأة مثل الرجل لها حق الحياة 0
والرسول ( ص ) قال رفقاً بالقوارير وقال روحوا على القلوب ساعة بساعة) ولكن ليس ذلك ان المرأة هما الاول والاخير هو اخروج من المنزل والتصكع في الاسواق 0 لاباس بالخروج والترويح عن النفس وتلطيف الجو 0 المهم ان يكون هناك جو ايماني داخل البيت بين الرجل واختة واهل بيتة فحيثما وجد الماء وجدت الخضرة 0 وحيث ما وجد الايمان وجدت الحياة 0 فقد تسمعين برنامج في التلفزيون ينقل لك مشكلة الاسرة بين الرجل واختة وهذا السبب ان هذة الاسرة خاوية على عروشها قد استحوذت عليهم الشياطين ومن هنا لايأتي الخير في هذا البيت ابد الدهر0 والكلام في هذا الموضع كثير جداً 0
مشاركة: وبعدين ياشباب لين متى ..!!!
اختي العزيزه موضوع مميز نشكر لك طرحه حتى نرى
اراء الشباب الذين يعتبرون اخواتهم من الاشياء الثانويه في
الحياة ويفضلون التنقيص من قدراتها ومن اهميتها الى ان تصبح
في بيت الزوجية ما عادا هذا فهي مصدر قلق لهم .
هنا نعاتب من زرع فيهم هذه العادات من صور لهم الفتاه او الاخت
وكانها فقط من يتلقى الاوامر وعليها التنفيذ اين دور الاب والام فهم
من يصلون كل منقطع في الاسره هم من توجه اليهم الانظار في مثل
هذه المواقف .لا نعمم هنا فهناك اخوة يقدرون حق الاخوة ويجيدوا
فن التعامل مع اخواتهم واذا قارنا سنجد ان الاساس هو في مازرعه
الاباء والامهات فيهم .
موضوع رااااااااائع وتقبلي مروري ودمتي بود .
رد: وبعدين ياشباب لين متى ..!!!
Quote:
Originally Posted by
ماسه
والله اختي غرام اثرتي موضوع جدا مهم
ولانعرف لماذا الحال هكذا
قد يكون نتاج التربيه الخاطئه التي تعطي الاحقيه للولد ان يعمل اي شي والبنت يقومون باعطائها دور المسكينه اللي لازم تسمع كلام الكل
والبنت غلطانه دايما
كم هي تغره كبيره في العلاقات الاجتماعيه العربيه
واليمنيه تحديدا
بين الام وبنتها
والاب وابنه
وكم هو الرجل الشرقي متسلط
مش الكل طبعا عشان محد يكرهني مش ناقصه انا؟؟
المشكله التي عرضيها
ليس لها حل سوا التربيه العادله
وزع الموده بين الاخوات
اي هي مسؤليه الابوين
برايي طبعا
اختي غرام كم هو رائع طرحك للمواضيع
احمد الله اني غبت عن المنتدى وعدت ووجدتك متواجده متالقه كم انتي ائما
الشكر الجزيل لك
وللقلمك المعطاء
دمتي بود
كلام جميل اختي ماسه
يعني يكون الشاب متربي على انه لازم يكون
خشن وقاسي عشان يطلع رجال وسند
والبنت .. متعوده ان اخوها هو الي يامر وينهي .. وهي عليها تهز راسها
من وين بيكون في بينهم حوار او نقاش.. ابسط الاشياء
انا اعرف بنات يستحوا يقعدوا مع اخوهم :confused:
حتى يستحوا يطلبوا منه اي شي .. .!!!!
.
.
نورتي اختي ماسه
الله لا يحرمنا من طلتك الحلوه
دمتي بخير وسلامه
رد: وبعدين ياشباب لين متى ..!!!
راعية الرنج
في انتظار عودتك :smile:
.
.
Quote:
Originally Posted by
Mr-LiNuXX
هلا والله طيب بما اني من الطبقة الاجتماعية ومن هؤلاء الشباب وفرد من المجتمع
والله يا اختي الاخوات والبنات بشكل عام قلق في قلق يعني بعض الاخوات اعوذ بالله الحمد لله مع ااني ما عندي اخوات
شوف بالله احنا قلق:eek: .. حرام عليك .. وربي ما في زينا.. بس انت ما جربت عشان
ما عندك خوات :mad: .. <<<< عصبت من ردك ترى وطلع شرار من عيونها
بس اشوف اخوياي متوهقين توهيقة يعني بالله الرجال قاعد يتفرج تلفزيون والا جالس مروق تجيك اخته تعانده ولا تقول وديني السوق بمزاج مو برايق له
يالله قطعت قلبي :frown: قاعد يتفرج تلفزيون .. من جد ما تستحي تجي تخرب عليه القعده:eek: اخص عليها اخص .. لو انا مكانه اذبحها:rolleyes:
يااخي حرام عليك البنت طول اليوم في البيت .. طفشانه طيب
ولو قالت تبغى تروح السوق .. طلعها كلها كم ساعه ..
وبعدين مو كل يوم بتروح ...هيا مره.. كل اسبوعين يمكن ..
وبعدين الشباب ما يقصروا ما شاء الله بس يعطيها نظره :rolleyes:
وهي مسكينه تنفجع وتروح تجلس في الزاويه ولا نفس :tongue: لا تسوا نفسكم مساكين :cool:
شوفي بقولك شي وخذيها قاعدة بالاسلوب تسحب البشر وتمشي الي براسك وتوصل للي تبيه
صحيح
وحتى اخواتنا ما شاء الله ما يقصرون بذي الحركات انا لا مؤيد ولا معارض ولا ادري وش السالفة لانه ما عندي اخت بس مهما كان الكره والبغضاء والمطاقات والهواش داخل البيت ترى فيه معزة واخوة لا تحسبين انها مو موجودة بس طبيعة الرجل ما تسمح له انه يفصح لمشاعره يقولها اختي احترمك واقدرك واعزك واحبك وزي كذا بس تلاقيه يظهر لها بطرق غير مباشرة
صادق والله ماتعرفوا تعبروا ..بس تعرفوا تعبروا لما تكونوا معصبين صح :rolleyes:
ولا تنكرون يا البنات ذي الايام ماش طلباتكم تعجيزية وتجون باوقات بايخة وتكرهون عيشة الواحد ودني السوق رح اشتر لي ما ادري وش وهو تلاقي عليه دراسة ولا دوام مبتلش فيه يعني وتبيه يسولف هو واياها بالعقل
بقولك شي اصحابك مشكلتهم السوق بس.. خلاص لا يطلعها السوق عادي ..
انا كمان اخويا ما يحب طلعت السوق
مع ان ذوقه حلو مررررررررره ..وبعض الاحيان البنات يزودوها بصراحه
وانا اقولكم ياشباب لا تعطوهم وجهه في سالفه السوق
انا في الموضوع ما اقصد طلعها السوق المساله اكبر من سوق وطلعات ..
المسأله ان الشباب بعيدين عن اخواتهم كل البعد
مافي اي علاقه كأنهم اغراب يعني البنت لمين تحكي لو صارت معاها مشكله
اذا كان اخواها معقد مثلا .. واصلا هم مش متعودين انهم يحكوا لبعض ويفضفضوا لمين بتروح ..!!
وبعدين لما نشوف البنات انحرفوا .. نقول مين السبب ..!!
بس القصد من الطلعات .. انه يتقرب منها أكثر فهمت عليا شلون ..!!
الله يديم المحبة بين الاخوان ولا يفرقهم ولا يفرقنا حنا بعد ولا بين اخ واخت هذي وجهة نظري ووجهة الشباب الي في مجتمعنا اتمنى اني نقلت لك بعض من اصواتهم ^_^ مشكورة اختي على الموضوع الرائع تحياتي
قول الحمدلله ما عندك اخوات .. واسجد سجود الشكر كل يوم :)
الاخوات مافي زيهم .. البنات قلوبهم طيبه ..
ينحطوا ع الجرح يبرى <<<< احس عندي تناقض فضيييييييييييييع:tongue:
مشكووووووووور اخوي على ردك الجميل ومشاركتك.. نور الموضوع
بس لا تصدق اصحابك .. اللي يتمسكنوا :rolleyes:
تعرف ليش يقولوا لك كذا .. يبعدوا العين عنهم عشان ما عندك خوات :)
دمت بخير وسلامه
رد: وبعدين ياشباب لين متى ..!!!
Quote:
Originally Posted by
لهفة الخاطر
غاليتي غراااام
دائماً مواضيعك جوهرية
عزيزتي إن علاقة الأخ بأخواته
دورها الأساسي معتمد على الأم والأب ومن صغر سنهم فلو أنهم يفهمون الأخ ماذا تعني له
أخته وهي نفس الشيء مو يصير الولد رجال ويبدأ يفرض السيطرة على أخته
أنا لي صديقة لديها أخ ليس بمتسلط ولكن تجيه حالات مثلاً كان رافض فكرت أن أخته تدرس الجامعة
لأن تفكيرة كل بنات الجامعة مو تمااام (تفكير أغلب الشباب عندنا)
مين تقصدي هااا :rolleyes:
ومع هذا دخلت أخته الجامعة وبدأ يدقق في كل صغيرة وكبيرة وأغرب موقف حصل في مرة كان يوصل أخته الجامعة و هي جالسة جنبه في السيارة
شاف شنطتها منتفخة فسألها أش هذا معاكي هي طبعاً ولا شيء
هو النفخة مو طبيعية افتحي وريني فتحتها
طلعت البنت ياعيني شايله بسكويت لها ولصحبتها عاد شوفوا الكسفة
شفتوا البرائه .. بسكويت :frown:
الفكرة مو انه يوديها السوق وإلا يخرج يتمشى معها
المهم تكون العلاقة بينهم متشعبة فيه روح بالأخوة وواجبها
وأنا أشوف أن الثقة هي مفتاح هذه العلاقة بين الأخوان ومواقف زي هذه تخلي الثقة بين الأخ وأخواته معدومة
بس نفسي اعرف هو أش كان يحسب في الشنطة!!؟؟
عذراً على الإطالة
دمتي بكل وووووود غاليتي
اول شي بقول شي
الحين في اعضاء يفكروا ان هالموضوع شخصي .. يعني انا عايشه هالمأساه :)
بقولكم ان اخويا كان واحد .. الله لا يوريكم .. وخصوصا معايا :frown:
يعني مثل هالموقف اللي ذكرته لهفه القمر
بس انا كنت عاقله ما اعصب منه:tongue: .. اسوي نفسي بارده وما ارد عليه
عشان يحس بالذنب
وسالفة التطنيش جابت نتيجه .. الحمدلله
والا لما ينوي يخرجنا .. نجلس في السياره 5 ساعات .. حفظنا معالم جده من كثر ما لفلفنا
نقوله خلاص نزلنا هنا كويس ..يقول لا هنا زحمه
هنا شباب .. هنا مدري اش
لين نوصل مكان مافيه احد .. يقول ايوااااااااااااااااا هذا هوا
يلا انزلوا خذوا راحتكم مافي احد
حتى صدى صوتنا ينسمع :)
بس له فتره متغير .. للاحسن والحمدلله
الحين انا وهو .. سمنه على عسل.. اللهم صلي على النبي :tongue:
بس في بنات كثير .. لما ما يلقوا اخوانهم .. حولهم
يدوروا على احد يهتم فيهم :frown:
حاسه اني كثرت الهرجه :tongue:
لهفه الخاطر
نورتي الموضوع .. لا تحرمينا الطله
دمتِ بود