****الشعب كله فواتير**********

ما يكفي ان الشعـب كلـه فواتيـر
من بعد الأسهـم ياوزيـر التجـارة

لو تنشد سعيـدان وحمـود وبديـر
اللي سكنو بسطوح فـوق العمـاره

وحامد سكن لـه شقـةٍ كنهـا بيـر
لأن الأيجار يزود فـي كـل حـاره

أخـوان لكـن فرقتهـم مقـاديـر
قالـو بليـا حسيـن ويـا عـقـاره

وشايبهم اللي بديرتـه عنـده منيـر
أصغر عياله فـي طبوعـه نمـاره

خلا الوظيفه وانكسر كسـرة الزيـر
ولعيال ربعه صـار اسمـه عيـاره

حـاول يسكـت شايبـه بالمغاتيـر
يسرح من النجمه أليا اخـر نهـاره

ولا زال يسمع بالمجالـس معاييـر
هذي تجيه ايميـن واخـرى يسـاره

واليا سمع لـه شامـتٍ قالـه خيـر
يخاف يخسر ما بقـا مـن وقـاره

صامت ولا يبغى تجي نكبـةٍ غيـر
قـدراً لشايبهـم وحشمـه لـجـاره

وطوفان الاسهم غير الوضع تغييـر
فرصه وجات منيـر ياخـذ بثـاره


جلس بوسط جموعهم حزة عصيـر
وكلن يصيح يقـول ياهـي خسـاره

ثمن صرخ بالن ذ ل حشاش ابو طير
ياللي لسانـك فـي ثيابـي شـراره

ياللي اقول اني أنـا الداشـر منيـر
منيـر يبنـي بالمزايـن عـمـاره

قصة صحيحه ما تبـي أي تفسيـر
واقـع خيالـي دون أيـة اثــاره

وما يكفي ان الشعـب كلـه فواتيـر
من بعد الاسهم يا وزيـر التجـاره

مشعل بن جريد

هلااااااااا أخوي

تسلم ع القصيد الرائع

اكثر بيت عجبني

واليا سمع لـه شامـتٍ قالـه خيـر
يخاف يخسر ما بقـا مـن وقـاره

>>>>>>>>يعور القلب

اختك

ريـــــــم الفلا

كم انت رائع يا بونواف في نقلك المميز
والذي دائما تختارة بعناية فائقه ...
فكأننا نجد منك عصارة الشعر واعذبه

شكرا لك

ريم الفلا
شكرالك ع المرور
يعطيك العافيه

صمام امان
مشكور واعجابك يدل على ذوقك الراقي