-
قصيده اعجبتني
وين انت مبطي عنك يا قرة العين=ياويّ يا وقتٍ مضى معك ياويّ
المشكله ماهيب وينك وانا وين=المشكله في ردّت يدينك إيديّ
كتبت فيك امن القصايد لهالحين=خمسين فارع كلها مستوى ذيّ
معقول ما غنّو عليك المغنّين=منها ولا جاك الخبر بأنها ليّ
ما شفت منك الا الغرابيل والبين=مع كل هذا إمحبتك ..مثل ماهيّ
يا غايتي عطيتك امن الهوى لين=مليت قلبك حب وتشوفه شويّ ؟
ارخصت لك قلب وعروق وشرايين=لكن خذاك الكبر والطيش والغيّ
كنت احسبنّا غير .. بالشين والزين=ونعشق بعض مادمت عايش وانا حيّ
سبحان من تقلب يديه الموازين=اللي يبدّل عتمة الليل بالضيّ
اسخف موادع في سجل المحبّين=حطوه بإسمي والسبب فعلتك فيّ
نبني محبتنا لنا شهور وسنين=وننهي محبتنا بتامر على شيّ ؟
يا ليت عند اهل المحبّه قوانين=ما كان جرحك كيّ واعلاجه الكيّ
وتمّت
-
رد: قصيده اعجبتني
نبني محبتنا لنا شهور وسنين=وننهي محبتنا بتامر على شيّ ؟
اعجبني هذا البيت صحيح كم لنا من صحبه سنين تنتهي باختلاف يدمر كل شي
رااااااااااااااااااااااائع
-
رد: قصيده اعجبتني
باسم علوان
يعطيك الف عافيه ع المرور
-
رد: قصيده اعجبتني
جميل ما نقلته ولطيف ما أوردته سلمت يداك دمت لنا ابا نواف تقبل مروري
-
رد: قصيده اعجبتني
مرورك جعلني في غاية السعاده
واعجابك بما نقلت دليل على ذوقك الراقي