أنت أجمل من ملكات الجمال بعدة خطوات سهلة
أوالآ أشكر كل اللي دخلو على موضوعي وأنا متأكدة إنة بيعجبكم
وحبيت أقدم موضوع يهم كــــــــــــل البنات سواء آنسات أو متزوجات,,
وعندي لك ياحواء طريقة تخليك أحلى من ملكات الجمال بستين مرة
وعلى فكرة مافي بنت بالكون كلة موحلوة بس اللي يخلينا نحس بعكس هالكلام الثقة الشبه معدومة والطريقة اللي نحط فيها المكياج لان بعض الاحيان المكياج يعيب الشكل مايحليه.
تعالي
وشوفي
الطريقة
بنفسك
وأتمنى
تعجبك
الخطوه الأولى:
1. يفضل إنك ماتسهرين على طول وتحددين أيام معينة تسهرين فيها لان السهر هو العامل الرئيسي لظهور الهالات السوداء حول العين وإرهاقهم ويعجٍل بظهور التجاعيد الرقيقة حولهما مما يؤدي إلى فقدان العين لبريقها ولمعانها{{ولاتنسين أن العين سر جمال الأنثى لذا حافظي عليهما}}
2. بعد ما تقعدين من النوم وتصحصحين شطفي وجهك بماي بارد مع شوية (سكر) عشان تنشطين خلايا البشرة وتعطينها بريق لا مثيل له)(جربوها والله عجيبة وأنا بنفسي أسويها على طول).
3. بعد ماتنشفين وجهك من الماي البارد والسكر على طول وقبل لا تدفى بشرتك تدهنينها بكريم مرطب للبشرة حسب نوع بشرتك ويفظل استخدام كريم(olay) وأنا أنصحكم إنكم ماتستخدمون الكريمات الخاصة بالليل والنهار من هذه الماركة وممكن انكم تكتفون باللي مكتوب على علبته من الخارج(كريم ترطيب البشرة المتكامل) وهذا النوع يعتبر شامل لليل والنهار ويعتبر كريم مرطب ومبيض في نفس الوقت ويوفر بيزاتكم بعد لان الاهم هو الصورة المثالية لصحة البشرة موكثرة المستحضرات الي مالها داعي وإذا توحد لون البشرة فأنا انصحك بعدم استعمال فاونديشن أما اذا حسيتي عن بشرتك محتاجة لشي يخفي عيوبها او هالات غامقة عالعين فبهالحالة دوري على فاونديشن يناسب لون بشرتك وافتح منها بدرجة واحدة لا أكثر.
4. بعدين تحطين كحل أسود غامق داخل العين وحاولي إنه ماينزل تحت العين أو يصعد لي فوق وبدون مسكرة إذا كنت بالبيت أوبطلعة خفيفة او بمسكرة اذا كنت بمكان يستاهل انج تحطين مسكرة(ولاتستغربين من هالنصيحة لانك اذا قريتي الخطوة الخامسة راح تفهمين قصدي).
5. تستعملين كسارة رموش من نوع جيد لرفع الرموش وتسويتها وتصفيفهم بشكل مرتب واذا جربتي الكسارة راح تشوفين انج ماراح تحتاجين المسكرة نهائيآ.
6. إذا كنت سمراء اللون فعليك باستخدام بلاشر(بودرة خدود)يفتح لون بشرتك لايزيدها اسمرارا مثل(درجات البيج,,اللحمي الفاتح,,وردي داكن قليلا) أما الالوان اللي لازم تبتعدين عنها هي (البنفسجي,,البرتقالي بدرجاته,,البني,,العنابي)
7. إذا كانت بشرتك فاتحة استخدمي بلاشر مناسب مثل(الوردي بدرجاتة,,البيج,,البني الفاتح جدآ،،البرتقالي الدافئ,,البنفسجي) اما الالوان اللي لازم تبتعدين عنها (الفوشي,,البرتقالي الناري,,العنابي)
8. أما الفم فعليك وضع القليل من ال(gloss) ويكون شفاف بلا لون او شفاف حسب درجة لون البلاشر اللي حطيتي منه على خدودك.
9.وأهم نصيحةهي الــثـقـــــــــــــــــــــــــة بالنفس ولو شفتي نفسك حلوة فأكيد انتي حلوةبدون شهادة من احد.
10.ولاتنسين قبل لاتنامين تحطين نفس الكريم بس بعد ما تنظفين وتزيلين كل الرواسب على بشرتك.
وهذي الطريقة مجربة من قبل كثير من الفتيات الفاتنات الاتي كانو يعتقدون بانهن بعيدات عن الجمال.
أنت الأجمل ياحواء
اتمنى ان الموضوع نال على اعجابكم ورضاكم
وانكم استفدتو,,,,,,,,
وانتظر ردوكم
لكم مني جزيل الشكر
