حببتني في شي اسمه صداقه

غني بربّـي . والدعـا . والرفاقـه
وقرم . وليا جت للقصايد .. مفـوّه
بحرن تباعـد غبّتـه عـن زراقـه
لهـل الغثـا طيشـه . ولله هـدوّه
ان زان وقتـي خـذت لـذّة فواقـه
ولوّه يشين يشيـن عـادي ولـوّه
بنكي رياجيـل الشـرف والبطاقـه
جمايلي وأسمـي . وكبـر المـروّه
من لابتن في ثقـل أهلهـا محاقـه
فعيونـهـا كـثـر الاوادم يـشـوّه
الأكرميـن أهـل العقـل والحماقـه
الجيّـديـن مزبّنـيـن الـجـلـوّه
هاذي فقط نبذه .. عن أهل العراقـه
والسامي .. أيرجّح كلامه .. سمـوّه
عن أفتعـالات الغضـب والطفاقـه
وعن المليىء اليا تبيّـن .. خلـوّه
حبّيـت أبينلّـك أصـول اللبـاقـه
مع واحـدن غيثـه يساابقـه نـوّه
وألاّ أنت كامل .. لاكن أن فيك عاقه
ينقـص برستجيـك شويّـة جـروّه
يمغيّـرن فعيونـي أصـل العلاقـه
تخيّلـو عـدو يعشـق .. عــدوّه
لازمتنـي بحـلا الدلـع والشفاقـه
وأدخلتني في حلـم عمـرك وجـوّه
وحببتني في شي أسمـه . صداقـه
وكرّهتني في شـي أسمـه . أخـوّه
ولفتنـي بـاو الغنـج ولـف ناقـه
وأنا ولفتـك ولـف حاتـم لضـوّه
ولو نختلف بشيا .. الغضب والرواقه
مانيـب قايـل ماتسـوّيـه ســوّه
ركّز معي ؟ للريـح طـلاّااق ساقـه
وللشين شينـن لانصـا .. مايمـوّه
يعلم بئـن حلـم الكسـول اللياقـه
ويعلـم بئـن حلـم العقيـم الأبـوّه
ويعرف متى نضج الورق وأحتراقـه
خبير في الاحياء .. ماهـوب تـوّه
ثورته لاجت تشعـل ألفيـن طاقـه
ماهيب شبّة قاز فـي جمـر .. دوّه
منتب غبـي جـدّاا بلفـظ الرشاقـه
وأنا ذكي جدّاا .. وحبّيت .. أنـوّه؟
لأنّـك تنفّـاس الحشـا وأختنـاقـه
ياكـل شبحـي ياقصـاه .. ودنـوّه
روحك وقلبي .. لـو بحلـل وثاقـه
مربوطتن في بعض هيّّـا .. وهـوّه
فن غبت. يانفـر العقـل وأشتياقـه
مانيب راغـب بعـد خوّتـك خـوّه
ببكي على زولن عشقتـه عشاقـه
وترى البكى للأقويـا؟ . زود قـوّه
فن شفت أبن علوش يبكي فراقـه؟
ترى أنحدارات الجبـل مـن علـوّه

سعدعلوش

لا لا مو معقول هذا من كلماتك ابو نواف لو صحيح انته تعتبر شاعر كبير ؟؟؟

هذا من نقلي والكلمات للمُرعب سعد علوش الهاجري

انا كاتب فوق (لو ) هذا صحيح لان لو تقلب المعنى في الجمله بس حبيت اسوي اطراء للشعر وخليك مبتسم ابو نواف

هههههههههههههههههههههه


شكرالك ع المرور

نقل راااااااااااااااااائع جميل وراااااااااااائع
ويسلمووووووووووووووووو

الاروع من كذا هو مرورك يالرائع



دمت
ودام هالمرور

متعــــــــــــــــــــه ..


متعه ما بعدها متعه في قراءة نص لسعد علووووش ..

مو غريب عليه الأبداع ابد ..

ومو غريب عليك اختياراتك المتميزه ..

تسسسسسلم على نقلك ..

يسلمك ربي من كل شر



ويامال الثانكيو